ບ້ານຫູນ ໄດ້ແຊັມຊ່ວງເຮືອເມືອງຕະໂອ້ຍ

  ງານບຸນຊ່ວງເຮືອປະຈຳປີ 2019 ທີ່ເມືອງຕະໂອ້ຍ ໄດ້ຈັດຂຶ້ນໃນລະຫວ່າງວັນທີ 6-7 ທັນວາ ຜ່ານມາ ແລະເປັນປີທີ 13 ທີ່ຊາວເມືອງໄດ້ຮ່ວມກັນສືບສານປະເພ ນີອັນດີງາມຂອງຊາດກໍ່ຄືຂອງ ທ້ອງຖິ່ນ, ໃນປີນີ້ມີທີມເຂົ້າຮ່ວມ ແຂ່ງຂັນທັງໝົດ 17 ຄະນະ, ຍິງ 6 ຄະນະ, ຊຶ່ງໄດ້ຈັດຂຶ້ນຢູ່ທີ່ທ່າ ນໍ້າເຊລະນອງ, ໂດຍການເຂົ້າຮ່ວມ ຊົມຂອງທ່ານ ບຸນເນື້ອ ຫຼອງຄຳໄຕ ຮັກສາການເຈົ້າເມືອງຕະໂອ້ຍ,ມີ ທ່ານ ມະໄລວອນ ສີປະເສີດ ຮັກ ສາການຫົວໜ້າພະແນກ ຖວທ ແຂວງ, ມີບັນດາແຂກຖືກເຊີນຈາກ ເມືອງອ້ອມຂ້າງແຂວງ  ແລະເມືອງ ອ້ອມຂ້າງຕ່າງແຂວງພ້ອມດ້ວຍ ຄະນະນຳຈາກພະແນກການ, ອົງ ການທຽບເທົ່າອ້ອມຂ້າງແຂວງຕະຫຼອດຮອດມວນຊົນເຂົ້າຮ່ວມຢ່າງ ຫຼວງຫຼາຍ.

ທ່ານ ເພັດສະໝອນ ຫຼວງລາດ ຮອງເຈົ້າເມືອງຕະໂອ້ຍ ປະທານ ຈັດງານບຸນຊ່ວງເຮືອໃຫ້ຮູ້ວ່າ: ງານບຸນຊ່ວງເຮືອປະຈຳປີ 2019 ທີ່ເມືອງຕະໂອ້ຍ ຈັດຂຶ້ນເພື່ອສືບສານຮີດຄອງປະເພນີອັນດີງາມ ຂອງຊາດກໍຄືຂອງທ້ອງຖິ່ນ ແລະ ເສີມຂະຫຍາຍມູນເຊື້ອອັນດີງາມ, ເສີມສ້າງຄວາມສາມັກຄີຂອງປວງ ຊົນກໍຄືນັກກີລາສີພາຍເຮືອຊ່ວງໃນ ແຕ່ລະທີມ, ທັງເປັນການແລກປ່ຽນ ບົດຮຽນກັບບັນດາເມືອງອື່ນໆພາຍໃນແຂວງ, ຕ່າງແຂວງ ແລະພາກ ສ່ວນອື່ນໆ ທີ່ເຂົ້າມາຊົມມາເຊີຍ ຕື່ມອີກ.

ສຳລັບການແຂ່ງຂັນຊ່ວງເຮືອ ໃນປີນີ້ມີ 17 ຄະນະເຂົ້າຮ່ວມແຂ່ງ ຂັນ, ໃນນັ້ນທີມຍິງ 6 ຄະນະ ໂດຍ ມາຈາກຫ້ອງການອ້ອມຂ້າງເມືອງ,                   ໂຮງຮຽນ ແລະບ້ານ, ຜ່ານການ ແຂ່ງຂັນຂອງກຳລັງສີພາຍເຮືອ ຊ່ວງທີ່ໄດ້ສຸມພາລະກຳລັງ, ທັກສະ ແລະປະສົບການໃນແຕ່ລະ ຮອບຄັດເລືອກ ແລະຮອບຊີງຊະນະເລີດທ່າມກາງສຽງເຊຍຂອງ ມວນຊົນ, ປະເພດເຮືອຊາຍທີມທີ່ ສາມາດຍາດໄດ້ລາງວັນຊະນະເລີດໄປຄອງແມ່ນທີມບ້ານຫູນ ໄດ້ ຮັບຂັນ 1 ໜ່ວຍ ພ້ອມເງິນສົດ 3 ລ້ານກີບ, ຮອງຊະນະເລີດໄດ້ແກ່ ທີມເຮືອກຸ່ມເສດຖະກິດເມືອງໄດ້ ຮັບເງິນສົດ 2 ລ້ານກີບ ແລະທີ 3 ແມ່ນທີມຫ້ອງການສາທາລະນະສຸກເມືອງໄດ້ຮັບເງິນສົດ 1 ລ້ານ ກີບ.

ສ່ວນປະເພດເຮືອຍິງລາງວັນ ຊະນະເລີດໄດ້ແກ່ທີມບ້ານຮູກາໂຢ ໄດ້ຮັບຂັນ 1 ໜ່ວຍ ແລະເງິນສົດ 3 ລ້ານກີບ, ທີ 2 ໄດ້ແກ່ທີມ ມສ. ຕະໂອ້ຍ ເງິນສົດ 2 ລ້ານກີບ ແລະ ທີ 3 ແມ່ນບ້ານຕະຫຼຸງລະລາວ ໄດ້ ຮັບເງິນສົດ 1 ບ້ານກີບ ສ່ວນລາງ ວັນທີ 4 ແມ່ນ 3 ແສນກີບ ແລະມີ ເງິນລາງວັນຊົມເຊີຍ.

ນອກຈາກການຈັດງານແຂ່ງ ຂັນເຮືອຊ່ວງແລ້ວຍັງມີການວາງ ຈຳໜ່າຍສິນຄ້າຜະລິດຕະພັນຕ່າງໆ ຂອງກຸ່ມການຜະລິດ ໂດຍສະເພາະແມ່ນສິນຄ້າຫັດຖະກຳຕໍ່າແຜ່ນແພ, ຫັດຖະກຳຈັກສານຂອງຊາວເມືອງ ແລະທັງເປັນການແລກປ່ຽນຊື້-ຂາຍຢ່າງເປັນຂະບວນຟົດຟື້ນ ແລະ                           ກວ້າງຂວາງ.

-----------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์