ໄຊຍະສຳຫຼວດ ເຂດສວນອຸທິຍານພຶກສາສາດ

 ກອງປະຊຸມປະເມີນຜົນການຈັດຕັ້ງໂຄງການສໍາຫຼວດສວນອຸທິຍານພຶກສາສາດປີ 2019 ແລະທິດທາງແຜນການຈັດຕັ້ງປະຕິບັດປີ 2020 ໄດ້ຈັດຂຶ້ນໃນວັນທີ 6 ທັນ ວາ 2019 ຢູ່ທີ່ຫ້ອງປະຊຸມພະແນກວິທະຍາສາດ ແລະເຕັກໂນໂລຊີແຂວງໄຊຍະບູລີ. ໂດຍການເຂົ້າຮ່ວມຂອງທ່ານ ເພັງນິລັນ ຄໍາພັນເພັງຮອງເຈົ້າແຂວງໄຊຍະບູລີ, ມີຮອງຫົວໜ້າພະແນກການ, ກົມກອງທີ່ກ່ຽວຂ້ອງຂອງແຂວງ ແລະເມືອງໄຊຍະບູລີ ພ້ອມດ້ວຍພະນັກງານອ້ອມຂ້າງພະແນກວິທະຍາສາດ ແລະເຕັກໂນໂລຊີເຂົ້າຮ່ວມ.

  ທ່ານ ບຸນທັນ ເພັງສະກຸນ ຫົວໜ້າພະແນກວິທະຍາສາດ ແລະເຕັກໂນໂລຊີກ່າວວ່າ: ໂຄງການສໍາຫຼວດສວນອຸທິຍານພຶກສາສາດຂອງແຂວງໄຊຍະບູລີ ເປັນໂຄງການໜຶ່ງທີ່ນອນຢູ່ໃນແຜນການລົງທຶນຂອງລັດ ແລະມີສ່ວນຮ່ວມຂອງຫຼາຍຂະແໜງການໂຄງການສວນພຶກສາສາດແມ່ນຕັ້ງຢູ່ດ້ານຕາເວັນອອກຂອງເທດສະບານເມືອງໄຊຍະບູລີ, ມີເນື້ອທີ່ທັງໝົດ 19,5 ພັນເຮັກຕາ ໃນນີ້ສວນພຶກສາສາດ ມີເນື້ອທີ່ 150 ກິໂລຕາແມັດ, ກວ້າງ 12 ກິໂລເແມັດ, ຍາວ 75 ກິໂລແມັດ; ຕິດກັບ 13 ບ້ານກັບ 1 ເຂດຫ້ວຍຊຸຍຂອງເມືອງ ໄຊຍະບູລີ, ໃຊ້ງົບສໍາຫຼວດທັງໝົດ 684 ລ້ານກວ່າກີບ ໄລຍະດໍາເນີນໂຄງການ 5 ປີເລີ່ມແຕ່ປີ 2017 ຫາປີ 2021 ໂດຍໄດ້ເລັ່ງໃສ່ 3 ກິດຈະກໍາຄື: ເຜີຍແຜ່ເຊື່ອມຊຶມບັນດານິຕິກໍາຕ່າງໆຂອງແຂວງກ່ຽວກັບການພັດທະນາໂຄງການຂັ້ນແຂວງ, ຂັ້ນເມືອງ, ຂັ້ນບ້ານໂດຍມີຫົວໜ້າ, ຮອງຫົວໜ້າພະ ແນກການ, ກົມກອງ, ຫົວໜ້າຮອງຫົວໜ້າຫ້ອງການ, ນາຍບ້ານ ແລະ ພໍ່ແມ່ປະຊາຊົນອ້ອມຂ້າງເທດສະບານເມືອງໄຊຍະບູລີ.

ສະໜັບສະໜຸນໂດຍ: HONDA

 ເອກະສານທີ່ມາເຊື່ອມຊຶມມີ: ຂໍ້ຕົກລົງຂອງທ່ານເຈົ້າແຂວງສະບັບເລກທີ 1078/ຈຂ.ຊຍ ລົງວັນທີ 8 ສິງຫາ 2013 ວ່າດ້ວຍການມອບສິດນໍາໃຊ້ທີ່ດິນໃຫ້ພະແນກວິທະຍາສາດ ແລະເຕັກໂນໂລຊີແຂວງ, ຂໍ້ຕົກລົງຂອງທ່ານເຈົ້າແຂວງສະບັບເລກທີ285/ຈຂ.ຊຍ ລົງວັນທີ 21 ມີນາ 2019 ວ່າດ້ວຍການຄຸ້ມຄອງ ແລະ ພັດທະນາສວນອຸທິຍານພຶກສາສາດຜາຊ້າງ-ຜາຂີ້ໝິນແຂວງໄຊຍະບູລີ ກິດຈະກໍາລົງສໍາຫຼວດຈັດແບ່ງເຂດປະຈຸບັນສໍາເລັດໂດຍພື້ນຖານມີເນື້ອທີ່ທັງໝົດ 16,2 ພັນເຮັກຕາ, ມີ 8 ປະເພດດິນ ແລະ 3 ປະເພດປ່າ; ມີເນື້ອທີ່ທັງໝົດ 15,9 ພັນເຮັກຕາ ເຊິ່ງກວມເອົາ 13 ບ້ານ ຜ່ານການຈັດຕັ້ງປະຕິບັດຕົວຈິງຜ່ານມາພວກເຮົາສາມາດສະຫຼຸບບັນດາຂໍ້ມູນໂດຍພື້ນຖານເພື່ອກໍານົດທິດທາງແຜນການໃນການສືບຕໍ່ຈັດຕັ້ງປະຕິບັດໂຄງການໃນປີຕໍ່ໄປ.

  ທ່ານຍັງກ່າວຕື່ມວ່າ: ເພື່ອຈັດຕັ້ງປະຕິບັດໂຄງການສໍາຫຼວດເຂດສວນອຸທິຍານພຶກສາສາດແຂວງໄຊຍະບູລີປີ 2020 ແມ່ນຈະໃຊ້ງົບໃສ່ 440 ລ້ານກວ່າກີບ ໃນນີ້ລົງເຜີຍແຜ່ບັນດານິຕິກໍາຕ່າງໆທີ່ກ່ຽວພັນກັບການພັດທະນາໂຄງການສືບຕໍ່ສໍາຫຼວດເກັບກໍາຂໍ້ມູນພື້ນທີ່ໄດ້ກໍານົດໃນການແບ່ງເຂດເພື່ອສຶກສາຄວາມເປັນໄປໄດ້ໃນການພັດ ທະນາໂຄງການເຊັ່ນ: ແຫຼ່ງທີ່ຢູ່ຂອງສັດນໍ້າ, ສັດປ່າ ແລະແຫຼ່ງທ່ອງທ່ຽວສ້າງຮົ້ວອ້ອມພື້ນທີ່ເຂດສະຫງວນ ບາງຈຸດທີ່ມີຕົ້ນໄມ້ເປັນຢາ, ສ້າງປະຕູທາງເຂົ້າສວນອຸທິຍານພຶກສາສາດ ແລະ ຈັດຊື້ອຸປະກອນເພື່ອຮັບໃຊ້ເຂົ້າໃນການ ຈັດຕັ້ງປະຕິບັດໂຄງການຈຸດປະສົງກໍເພື່ອສ້າງໃຫ້ເປັນສວນອຸທິຍານພຶກສາສາດຂອງແຂວງໄຊຍະບູລີເປັນບ່ອນຄົ້ນຄວ້າວິໄຈຕົ້ນໄມ້ເປັນຢາຊີວະນາໆພັນ ແລະຈະ ກາຍເປັນແຫຼ່ງທ່ອງທ່ຽວທີ່ດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມໄຊຍະບູລີໃນອະນາຄົດ.  

__________

ຂຽນໂດຍ: ບຸນທີ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  •              

แชร์