ສາວງາມຫຼວງພະບາງ ຄວ້າຕຳແໜ່ງນາງສາວລາວ

  ສາວງາມໝາຍເລກ ML20 ນາງ ວິນະດາ ພິດສາລາດ ຕົວແທນຈາກ ແຂວງຫຼວງພະບາງ ຄວ້າຕຳແໜ່ງນາງສາວລາວປະຈໍາປີ 2019, ຊຶ່ງການປະກວດຮອບຕັດ ສິນໄດ້ມີຂຶ້ນໃນຄໍ່າຄືນວັນທີ 7 ທັນວາ ທີ່ສູນການຄ້າໄອເຕັກມໍ ນະຄອນຫຼວງວຽງຈັນ ໂດຍມີທ່ານ ອາລຸນໄຊ ສູນນະລາດ ເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ, ທ່ານ ນາງ ບັນດິດ ປະທຸມວັນ ຮອງປະທານສູນກາງສະຫະພັນແມ່ຍິງລາວ, ທ່ານ ຄົມປັນຍາ ເພັງວິໄນຍາ ປະທານໂຄງການປະກວດ, ມີບັນດາຜູ້ສະ ໜັບສະໜູນ, ແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.

ພາບຂ່າວ:

  ການປະກວດນາງສາວລາວເປັນເວທີອັນຊົງກຽດ ແລະເປັນເວທີສະແດງອອກຄວາມສາມາດຂອງແມ່ຍິງລາວໃນການເຜີຍແຜ່ມູນເຊື້ອວັດທະນະທໍາສູ່ສາຍຕາຊາວໂລກ, ສໍາລັບໂຄງການປະກວດນາງສາວລາວໃນປີນີ້ມີນາງສາວເຂົ້າຮ່ວມທັງໝົດ 40 ຄົນ, ແຕ່ເນື່ອງຈາກມີຜູ້ໜຶ່ງຕິດພາລະກິດບໍ່ສາມາດມາຮ່ວມບໍ່ໄດ້ໃນຮອບຕັດສິນຈຶ່ງເຫຼືອພຽງ 39 ນາງສາວ, ຜ່ານການປະກວດຜູ້ທີ່ຊະນະເລີດໄດ້ເປັນນາງສາວລາວ 2019 ໄດ້ແກ່ ML 20 ນາງ ວິນະດາ ພິສາລາດ ຕົວແທນຈາກແຂວງຫຼວງພະບາງ

ພາບຂ່າວ:

ຄວ້າມົງກຸດເພັດມູນຄ່າ 70 ລ້ານກີບ, ເງິນສົດ 30 ລ້ານກີບ ພ້ອມສາຍສະພາຍ; ສ່ວນຮອງອັນດັບ I ໄດ້ແກ່ ML 23 ນາງ ໂຈແອ້ນ ໂພທິວັດ ຕົວແທນນະຄອນ ຫຼວງວຽງຈັນ ໄດ້ຮັບມົງກຸດມູນຄ່າ 40 ລ້ານກີບ, ເງິນ ສົດ 15 ລ້ານກີບ; ຮອງອັນດັບ II ໄດ້ແກ່ ML 22 ນາງ ສຸດດາວອນ ປັດສາພັນ ຈາກແຂວງຈໍາປາສັກ ໄດ້ຮັບມົງກຸດມູນຄ່າ 40 ລ້ານກີບ ພ້ອມເງິນສົດ 10 ລ້ານ ກີບ; ຮອງອັນດັບ III ແມ່ນ ML 4 ນາງ ພອນສະນິດ ລັດຕະນະສັກ ແລະຮອງອັນດັບ IV ແມ່ນ ML 2 ນາງ ບຸດດາວ ຈັນທະລີ ທັງສອງແມ່ນຕົວແທນຈາກ ແຂວງອຸດົມໄຊ ໄດ້ຮັບມົງກຸດມູນຄ່າ 30 ລ້ານກີບ, ເງິນສົດຄົນລະ 8 ລ້ານກີບ.

ສະໜັບສະໜຸນໂດຍ: HONDA

  ສະເພາະນາງສາວທີ່ໄດ້ຮັບຕໍາແໜ່ງ 1-3 ແມ່ນໄດ້ຮັບທຶນການສຶກສາລະດັບປະລິນຍາຕີທີ່ປະເທດຈີນຈໍານວນ 300 ລ້ານກີບ, ສ່ວນນາງສາວທີ່ໄດ້ຮັບຕໍາແໜ່ງ 4-5 ແມ່ນໄດ້ຮັບທຶນການສຶກສາລະດັບປະລິນຍາຕີທີ່ປະເທດໄທຈໍານວນ 150 ລ້ານກີບແລະຍັງໄດ້ຮັບຂອງລາງວັນອື່ນໆຈາກຜູ້ສະໜັບສະໜູນນໍາອີກ.

ພາບຂ່າວ:

 ນອກນັ້ນຍັງມີລາງວັນພິເສດ 10 ລາງວັນ ລາງວັນລະ 5 ລ້ານກີບ ໃນນີ້ລາງວັນນາງສາວຜິວພັນສວຍງາມໄດ້ແກ່ ML 7 ນາງ ເຈນນີ່ ຫຼວງວົງ ຕົວແທນຈາກແຂວງວຽງຈັນ, ລາງວັນໜ້າອ່ອນ ກວ່າໄວ ແລະລາງວັນຂວັນໃຈມະຫາຊົນ ໄດ້ແກ່ ML 26 ນາງ ມະນີພອນ ສິງຫາໄຊຍະແສງ ຈາກແຂວງອຸດົມໄຊ, ລາງວັນບຸກຄະລິກກະພາບດີແລະລາງວັນຂວັນໃຈມິດຕະພາບໄດ້ແກ່ ML 22 ນາງ ສຸດາວອນ ປັດພັນສາ ຈາກແຂວງຈໍາປາສັກ,ລາງວັນນາງສາວແຕ່ງໜ້າງາມໄດ້ແກ່ ML 11 ນາງ ແສງມະນີ ພູວັນໂນ ຈາກແຂວງເຊກອງ, ລາງວັນຜິວໜ້າຊຸ່ມຊື່ນສຸຂະພາບດີໄດ້ແກ່ ML 1 ນາງ ດາວພະສຸກ ພົມມະຫາໄຊ ຈາກແຂວງຈໍາປາສັກ, ລາງວັນສາວໜ້າໃສສຸ ຂະພາບດີໄດ້ແກ່ ML 30 ນາງ ຈູມມະລີ ໄຊວຸດທິ ຈາກແຂວງໄຊຍະບູລີ ແລະລາງວັນຂວັນໃຈຊ່າງພາບໄດ້ແກ່ ML 16 ນາງວິດາ ແຊ້ພານ ຈາກນະຄອນຫຼວງວຽງ ຈັນ.

ພາບຂ່າວ:

__________

ຂຽນໂດຍ: ແປ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์