ເຈົ້າເມືອງອາດສະພອນ ໂອ້ລົມພໍ່ແມ່ປະຊາຊົນ 2 ຈຸດສຸມ

 ໃນວັນທີ 4 ທັນວາຜ່ານມາ ທ່ານ ຄຳແພງ ເພັດທຸມພອນ ກຳມະການພັກແຂວງເລຂາພັກເມືອງເຈົ້າເມືອງອາດສະພອນພ້ອມຄະນະໄດ້ລົງເຄື່ອນໄຫວຢ້ຽມຢາມພໍ່ແມ່ປະຊາຊົນຈຸດສຸມນາເລົ່າ ແລະຈຸດສຸມນາປອດທີ່ໄດ້ຈັດຂຶ້ນທີ່ບ້ານບຶງຜະເໜາະ ເມືອງອາດສະພອນ ແຂວງສະຫວັນນະເຂດ,ມີອຳນາດການປົກຄອງບ້ານທັງສອງຈຸດສຸມ, ເຖົ້າແກ່ແນວໂຮມ ແລະພໍ່ແມ່ປະຊາຊົນບ້ານເຂົ້າຮ່ວມ.

  ທ່ານ ສະຫງວນ ຮົ່ມໂພສີ ຕາງໜ້າຄະນະພັກ 2 ຈຸດສຸມລາຍງານໂດຍສັງເຂບກ່ຽວກັບການຈັດຕັ້ງແຜນພັດທະນາເສດຖະກິດ-ສັງ ຄົມຂອງເມືອງໃນໄລຍະຜ່ານມາພ້ອມສະເໜີບັນຫາ ແລະຂໍ້ຫຍຸ້ງຍາກບາງດ້ານ, ນອກຈາກນັ້ນກໍ່ຍັງໄດ້ຕາງໜ້າສະເໜີຈຸດປະສົງຂອງພໍ່ແມ່ປະຊາຊົນດ້ານການພັດທະນາພື້ນຖານໂຄງລ່າງເຊັ່ນ: ເສັ້ນ ທາງເຊື່ອມຕໍ່ບ້ານຫາບ້ານ ແລະ ບ້ານຫາເມືອງຫຼາຍບ້ານຍັງໄດ້ຮັບຄວາມຫຍຸ້ງຍາກ ແລະເສັ້ນທາງທຽວໄດ້ລະດູດຽວ, ສະໜີກໍ່ຂ້າງຂົວຂ້າມເຊຈຳພອນເຂດບ້ານນາທົ່ມ ແລະ ຄວາມບໍ່ເຂົ້າໃຈຂອງພໍ່ແມ່ປະຊາຊົນບ້ານຫ້ວຍງົວຄຳກ່ຽວກັບໄຟຟ້າທີ່ຍັງບໍ່ໄດ້ຊົມໃຊ້; ຈາກນັ້ນແຕ່ລະຂະແໜງການທີ່ໄດ້ເຂົ້າຮ່ວມກໍ່ໄດ້ປະກອບຄຳຄິດຄຳເຫັນເພື່ອແລກປ່ຽນໂດຍສະເພາະຫ້ອງການໂຍທາທິການ ແລະຂົນສົ່ງກໍ່ໄດ້ຊີ້ແຈງບາງໂຄງການກໍ່ສ້າງເສັ້ນທາງ, ຂົວ, ທໍ່ຕ່າງໆຊຶ່ງບາງແຫ່ງກໍ່ກຳລັງດຳເນີນໂຄງການກໍ່ສ້າງສ້ອມ ແປງ, ແລະບາງໂຄງການກໍ່ກຳລັງສ້າງແຜນສະເໜີຕາມລຳດັບເພື່ອເຮັດໃຫ້ການພັດທະນາພື້ນຖານໂຄງລ່າງຂອງແຕ່ລະບ້ານໄດ້ມີການຂະຫຍາຍຕົວຕາມລຳດັບ, ສ່ວນຕາຂ່າຍໄຟຟ້າທີ່ບ້ານຈັດສັນຫ້ວຍງົວຄຳ-ດົງຂັນຄຳແມ່ນໄດ້ຮັບໂຄງການເປັນທີ່ຮຽບຮ້ອຍແຕ່ຕ້ອງໃຫ້ພໍ່ແມ່ປະຊາຊົນອອກມາປຸກສ້າງເຮືອນຢູ່ເຂດບ້ານທີ່ຈັດສັນໃຫ້ຈຶ່ງຈະລົງໄຟຟ້າໃຫ້ແຕ່ລະຄົວເຮືອນໄດ້ຊົມໃຊ້.

  ໃນພິທີດັ່ງກ່າວກໍຍັງໄດ້ມີການມອບຫຼານໄຊ, ຫຼຽນກາ, ໃບຍ້ອງຍໍສັນລະເສີນຕໍ່ກົມກອງ ແລະ ບຸກຄົນດີເດັ່ນໃນການປະກອບສ່ວນເຂົ້າໃນວຽກງານສ້າງສາ-ພັດທະນາເມືອງອາດສະພອນໃນໄລຍະຜ່ານມາຍ້ອງຍໍເນື່ອງໃນໂອກາດສ້າງຕັ້ງເມືອງອາດສະພອນຄົບຮອງ 25 ປີ, ໃນນີ້ໄດ້ຮັບຫຼຽນໄຊແຮງງານຊັ້ນ II ມີ 4 ທ່ານ, ຫຼຽນໄຊແຮງງານຊັ້ນ III ມີ 4 ທ່ານ, ຫຼຽນກາແຮງງານມີ 11 ທ່ານ, ໃບຍ້ອງຍໍລັດຖະບານມີ 24 ທ່ານ, ໃບຍ້ອງຍໍທ່ານເຈົ້າແຂວງສະຫວັນນະເຂດມີ 16 ທ່ານ, ໃບສັນລະເສີນທ່ານເຈົ້າເມືອງ 30 ທ່ານ.

ສະໜັບສະໜຸນໂດຍ: HONDA

 ໃນຕອນທ້າຍທ່ານເຈົ້າເມືອງອາດສະພອນ ກໍ່ໄດ້ໃຫ້ກຽດໂອ້ລົມຕໍ່ອຳນາດການປົກຄອງ ແລະພໍ່ແມ່ປະຊາຊົນທັງເປັນການແລກປ່ຽນຄຳຄິດຄຳເຫັນກັບຄະນະພັກອຳນາດການປົກຄອງທ້ອງຖິ່ນ, ໂດຍໄດ້ເນັ້ນໃຫ້ເອົາໃຈໃສ່ວຽກງານພັກຂອງອຳນາດການປົກຄອງ ແລະ ອົງການຈັດຕັ້ງມະຫາຊົນເອົາໃຈໃສ່ຊີ້ນຳວຽກກໍ່ສ້າງໜ່ວຍພັກປອດໃສ ເຂັ້ມແຂງຮອບດ້ານ, ພ້ອມນັ້ນກໍ່ໄດ້ແນະນຳໃຫ້ພໍ່ແມ່ປະຊາຊົນເອົາໃຈໃສ່ວຽກງານປູກຝັງລ້ຽງສັດໂດຍແນໃສ່ການຜະລິດພືດລະດູແລ້ງເພື່ອເປັນການທົດແທນຜົນຜະລິດໃນ ຊ່ວງລະດູຝົນທີ່ໄດ້ຮັບຜົນກະທົບເສຍຫາຍຈາກໄຟນໍ້າຖ້ວມ, ໂອກາດທີ່ລົງມາຢ້ຽມຢາມໃນຄັ້ງນີ້ທ່ານເຈົ້າເມືອງອາດສະພອນກໍ່ຍັງໄດ້ນຳເອົາເຄື່ອງຊ່ວຍເຫຼືອຕ້ານໄພໜາວ ແລະອຸປະກອນກີລາຈຳນວນໜຶ່ງມອບໃຫ້ທັງສອງຈຸດສຸມ.

--------------------

ໜັງສືພີມເສດຖະກິດ-ສັງຄົມ

แชร์