ແຕ່ງຕັ້ງປະທານ ສານປະຊາຊົນສະຫວັນນະເຂດຄົນໃໝ່

   ພິທີປະກາດການຍົກຍ້າຍ ແລະ ແຕ່ງຕັ້ງປະທານສານປະຊາ ຊົນແຂວງສະຫວັນນະເຂດ ໄດ້ຈັດຂຶ້ນໃນວັນທີ 4 ທັນວາ 2019 ທີ່ຫ້ອງປະຊຸມສານປະຊາຊົນແຂວງດັ່ງກ່າວພາຍໃຕ້ການເຂົ້າຮ່ວມຂອງທ່ານນາງ ບຸນເຍື້ອນ ທິດພຸດທະວົງ ປະທານກວດກາພັກ-ລັດແຂວງ, ທ່ານ ຄຳພັນ ບຸນ ພາຄົມ ຮອງປະທານສານປະຊາຊົນສູງສຸດ, ກໍມີຕາງໜ້າຈາກພະແນກການກົມກອງອ້ອມຂ້າງແຂວງ, ການຈັດຕັ້ງທີ່ກ່ຽວຂ້ອງຂັ້ນຕ່າງໆ ແລະ ພະນັກງານຂອງສານປະຊາຊົນແຂວງ.

ສະໜັບສະໜຸນໂດຍ: HONDA

  ທ່ານ ພູຄຳ ເລນິນ ປະທານສານປະຊາຊົນແຂວງຄົນເກົ່າກໍໄດ້ຂຶ້ນລາຍງານການເຄື່ອນໄຫວວຽກງານໃນໄລຍະຮັບໜ້າທີ່ໂດຍທ່ານໄດ້ຍົກໃຫ້ເຫັນສະພາບລວມ, ວຽກ ງານທີ່ຈັດຕັ້ງປະຕິບັດໄດ້ໃນໄລຍະຜ່ານມາ, ວຽກງານການເງິນ, ພາຫະນະ ແລະອຸປະກອນເຄື່ອງໃຊ້ໄຟຟ້າ, ວຽກງານໂຄງການ ແລະ ວຽກງານອື່ນໆ ເພື່ອມອບສິດ ແລະ ຄວາມຮັບຜິດຊອບຕາມທີ່ໄດ້ກຳນົດໄວ້ໃນກົດໝາຍວ່າດ້ວຍສານປະຊາຊົນແຫ່ງ ສປປ ລາວ ໃຫ້ແກ່ປະທານສານປະຊາຊົນແຂວງຄົນໃໝ່ເປັນຜູ້ສືບຕໍ່ຊີ້ນຳໆພາຄຸ້ມ ຄອງພະນັກງານ ແລະ ວັດຖຸອຸປະກອນຕ່າງໆທີ່ມີໃນບັນຊີຂອງສານປະຊາຊົນແຂວງຕໍ່ໄປ.

  ຈາກນັ້ນ, ໃນພິທີກໍໄດ້ມີການຜ່ານມະຕິຂອງຄະນະປະຈຳສະພາແຫ່ງຊາດວ່າດ້ວຍການຍົກຍ້າຍພະນັກງານສານປະຊາຊົນທ້ອງຖິ່ນໂດຍໄດ້ຕົກລົງຍົກຍ້າຍ ທ່ານ ພູຄຳ ເລນິນ ປະທານສານປະຊາຊົນແຂວງ (ຄົນເກົ່າ) ໄປຮັບໜ້າທີ່ໃໝ່ຢູ່ໂຮງຮຽນການເມືອງ-ການປົກ ຄອງແຂວງ ແລະ ຜ່ານມະຕິຕົກລົງຂອງຄະນະປະຈຳສະພາແຫ່ງ ຊາດທີ່ໄດ້ເຫັນດີແຕ່ງຕັ້ງທ່ານ ກຽງສັກ ບຸນທາວົງ ເປັນປະທານສານປະຊາຊົນແຂວງສະຫວັນນະເຂດຄົນໃໝ່ຫຼັງຈາກນັ້ນ, ໃນພິທີກໍ່ໄດ້ມີການເຊັນມອບ-ຮັບໜ້າທີ່ກັນຢ່າງເປັນທາງການ.

----------------

ໜັງສືພີມເສດຖະກິດ-ສັງຄົມ

แชร์