ວິທີເຮັດນໍ້າສະກັດຊີວະພາບ ປ້ອງກັນສັດຕູພືດ

   ນໍ້າສະກັດຊີວະພາບທີ່ໄດ້ມາຈາກການບົ່ມ ແລະ ສະກັດຂອງພືດສະໝຸນໄພເຊັ່ນ: ຫົວສີໄຄ, ຂີງ, ຂ່າ ແລະ ອື່ນໆ ໂດຍຜ່ານຂະບວນການຍ່ອຍສະລາຍຂອງກຸ່ມຈຸລິນຊີທີ່ມີຄຸນສົມບັດພິເສດຊຶ່ງເຮັດໃຫ້ນໍ້າສະກັດມີບົດບາດຢູ່ໃນການເພີ່ມຮໍໂມນໃນການຈະເລີນເຕີບໂຕຂອງພືດສາມາດນໍາໃຊ້ປ້ອງກັນແມງໄມ້ ແລະ ສັດຕູພືດໄດ້ເປັນຢ່າງດີ.

 ອີງຕາມຂໍ້ມູນຈາກສູນອະນຸລັກ ແລະ ພັດທະນາທີ່ດິນກະສິກໍາໃຫ້ຮູ້ວ່າ: ການຜະລິດນໍ້າສະກັດຊີວະພາບດ້ວຍພືດສະໝຸນໄພເພື່ອໃຊ້ປ້ອງກັນແມງໄມ້ ແລະສັດຕູພືດໃນປະລິມານ 50 ລິດ ແມ່ນນໍາໃຊ້ພືດສະໝຸນໄພ (ຫົວສິໄຄ, ຂີງ, ຂ່າ, ໃບຂີ້ຫູດ, ຂີ້ໝິ້ນ, ໃບຂົມກະເດົາ ແລະ ອື່ນໆ), ຖ້າເປັນພື້ດແຫ້ງ ລວມກັນທັງໝົດ 10 ກິໂລ (ແຕ່ຖ້າ ເປັນພືດປຽກແມ່ນ 30 ກິໂລ), ກາກນໍ້າຕານ 10 ກິໂລ, ຮໍາເຂົ້າ 100 ກິໂລ, ນໍ້າ 30 ລິດ, ຖັງໝັກທີ່ບັນຈຸ (ບໍລິມາດ) 50 ກິໂລ ແລະ EM 1 ລິດ.

 ສໍາລັບວິທີເຮັດ: 1) ເອົາ EM ປະສົມສົມກັບນໍ້າລ້າໃນອັດຕາສ່ວນ EM 1 ລິດ ຕໍ່ນໍ້າ 3-4 ລິດ,  2) ຊອຍພືດສະໝຸນໄພເປັນຕ່ອນນ້ອຍໆ, 3) ລະລາຍນໍ້າຕານໃນ ນໍ້າ 10 ລິດ ຄົນໃຫ້ເຂົ້າກັນ, ຈາກນັ້ນນໍາເອົາພືດສະໝຸນໄພຕ່າງໆທີ່ຊອຍແລ້ວ ແລະ ຮໍາຖອກລົງໃນຖັງຄົນໃຫ້ເຂົ້າກັນອີກເທື່ອໜຶ່ງແລ້ວຖອກກາກນໍ້າຕານທີ່ລະລາຍແລ້ວ ແລະ ນໍານໍ້າສະກັດ EM ລົງໃນຖັງໃຊ້ໄມ້ຄົນໃຫ້ເຂົ້າກັນຕື່ມນໍ້າໃຫ້ເໝາະສົມດ້ວຍການສັງເກດເມື່ອເອົາມືຂົ່ມພືດສະໝຸນໄພໃຫ້ນໍ້າຖ້ວມຫຼັງມື, ຫຼັງຈາກເຮັດແລ້ວປິດຝາຖັງໝັກບໍ່ໃຫ້ແຈບແລ້ວນໍາໄປຕັ້ງໄວ້ບ່ອນທີ່ຮົ່ມໃຊ້ໄມ້ຄົນປີ້ນທຸກມື້ໝັກໄວ້ປະມານ 21 ວັນ ຈາກນັ້ນໃຊ້ຕາໜ່າງຕອງເອົານໍ້າສະກັດແລ້ວຫ່າຍໃສ່ຕຸກນໍ້າເກັບຮັກສາໄວ້.

ສະໜັບສະໜຸນໂດຍ: HONDA

  ວິທີການນໍາໃຊ້ແມ່ນໍານໍ້າສະກັດຊີວະພາບທີ່ຜ່ານການກັ່ນຕອງມາປະສົມກັບນໍ້າໃນອັດຕາສ່ວນ 1 ລິດຕໍ່ 1.000 ລິດ ແລ້ວນໍາໄປສີດພືດຜັກ ແລະໄມ້ໃຫ້ໝາກສີດ 2 ຄັ້ງຕໍ່ອາທິດ ຫຼື 3-4 ວັນຕໍ່ຄັ້ງ, ສ່ວນການເກັບຮັກສານໍ້າສະກັດທີ່ນໍາໃຊ້ບໍ່ທັນໝົດຄວນຕອງໃສ່ກະຕຸກປິດຝາໃຫ້ແຈບເກັບຮັກສາໄວ້ໃນຮົ່ມບໍ່ໃຫ້ຖືກແສງແດດຊຶ່ງຈະສາ ມາດເກັບຮັກສາໄວ້ໄດ້ຍາວນານເຖິງ 1 ປີ, ສະເພາະການນໍາໃຊ້ນໍ້າສະກັດຄວນໃຊ້ໃນອັດຕາທີ່ເໝາະສົມຖ້າສີດພົ່ນໃນອັດ ຕາທີ່ມີຄວາມ້ຂັ້ມຂຸ້ນສູງເກີນໄປຈະເຮັດໃຫ້ພືດຕາຍໄດ້, ຊຶ່ງຊ່ວງເວລາທີ່ເໝາະກັບການສີດແມ່ນຕອນເຊົ້າກ່ອນແດດອອກ ຫຼື ຕອນແລງທີ່ແສງແດດອ່ອນ, ຖ້າສີດຕອນແສງແດດກ້າແສງແດດຈະທໍາລາຍປະສິດທິ ພາບຂອງນໍ້າສະກັດ.

__________

ຂຽນໂດຍ: ນໍ້າເໝີຍ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์