ລາວ-ຫວຽດຂະຫຍາຍແຜນຮ່ວມມື ດ້ານວັດທະນະທຳ

  ກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວແຫ່ງ ສປປ ລາວ ຮ່ວມກັບກະຊວງວັດທະນະທຳ, ກີລາ ແລະທ່ອງທ່ຽວແຫ່ງ ສສ ຫວຽດນາມ ຈັດງານສັບປະ ດາວັດທະນະທຳຫວຽດນາມ ຂຶ້ນໃນວັນທີ 5 ທັນວາ 2019 ທີ່ຫໍວັດທະນະທໍາແຫ່ງຊາດ.

  ການຈັດງານສັບປະດາວັດທະນະທຳ ສສ ຫວຽດນາມ ທີ່ ສປປ ລາວ ຄັ້ງນີ້ເປັນກິດຈະກໍາໜຶ່ງທີ່ມີຄວາມໝາຍຄວາມສໍາຄັນ ແລະເປັນການຈັດຕັ້ງຜັນຂະຫຍາຍແຜນ ການຮ່ວມມືດ້ານວັດທະນະທໍາ ແລະທ່ອງທ່ຽວລະຫວ່າງກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວແຫ່ງ ສປປ ລາວ ກັບກະຊວງວັດທະນະທໍາ, ກີລາ ແລະທ່ອງທ່ຽວແຫ່ງ ສສ ຫວຽດນາມ ສົກປີ 2016-2020 ແລະແຜນຈັດຕັ້ງປະຕິບັດກິດຈະກໍາປະຈໍາປີ 2019, ຊຶ່ງຈະເປີດໃຫ້ເຂົ້າຊົມຮອດວັນທີ 10 ທັນວາ, ຜູ້ເຂົ້າ ຮ່ວມໄດ້ຮັບຊົມການສະແດງສິລະປະ-ວັນນະຄະດີ ຈາກນັກສິນລະປິນທີ່ໂດດເດັ່ນຂອງ ຫວຽດນາມ, ຊຶ່ງໄດ້ນໍາສະເໜີໃຫ້ບັນດາຜູ້ເຂົ້າຮ່ວມໄດ້ຮັບຮູ້ເຖິງຄວາມຫຼາກຫຼາຍທາງດ້ານສິລະປະວັດທະນະທຳອັນຍອດຍິ່ງຂອງປະຊາຊົນຊາວຫວຽດນາມໃນການປົກປັກຮັກສາ ແລະສ້າງສາພັດທະນາປະເທດຊາດຂອງຕົນພາຍໃຕ້ການນໍາພາອັນສະ ຫຼາດສ່ອງໃສຂອງພັກກອມມູນິດຫວຽດນາມ,ພ້ອມນີ້, ຍັງໄດ້ສະແດງໃຫ້ເຫັນລວງເລິກ ແລະປະສິດທິພາບອັນໂດດເດັ່ນແຫ່ງມິດຕະພາບອັນຍິ່ງໃຫຍ່,ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ຖານອ້າຍນ້ອງໃນຂະບວນວິວັດແຫ່ງການເຊື່ອມໂຍງອີກດ້ວຍ.

ສະໜັບສະໜຸນໂດຍ: HONDA

  ທ່ານ ຫງວຽນ ຫງອກ ຖຽນ ລັດຖະມົນຕີກະຊວງວັດທະນະທຳ, ກີລາ ແລະທ່ອງທ່ຽວແຫ່ງ ສສ ຫວຽດນາມ ໄດ້ກ່າວວ່າ: ງານສັບປະດາວັດທະນະທໍາຫວຽດນາມ ຄັ້ງນີ້, ເປັນກິດຈະກຳແລກປ່ຽນວັດທະນະທຳທີ່ມີຄວາມໝາຍຄວາມສຳຄັນອັນໜຶ່ງເພື່ອປະຕິບັດຕາມຂໍ້ຕົກລົງຂອງການນຳຂັ້ນສູງຂອງສອງປະເທດວ່າດ້ວຍການຮັດແໜ້ນສາຍພົວພັນມິດຕະພາບຫວຽດນາມ-ລາວ, ລາວ-ຫວຽດນາມ ກໍຄືການປະຕິບັດແຜນການຮ່ວມມືດ້ານວັດທະນະທຳ ແລະທ່ອງທ່ຽວລະຫວ່າງສອງປະເທດ.

 ------------------

ພາບ ແລະຂ່າວຈາກ: ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444
  •  

แชร์