ດາວຄຳ ຄອນກຣີດ ປະກອບສ່ວນຊຸກຍູ້ດ້ານກີລາ

  ໃນປີ 2019 ບໍລິສັດ ດາວຄຳ ຄອນກຣີດ ຈຳກັດ ໄດ້ໃຫ້ການສະໜັບສະໜູນທັງດ້ານເຄື່ອງກີລາ, ຊ່ວຍເຫຼືອໄພພິບັດຕ່າງໆ ໃນຂອບເຂດທົ່ວປະເທດ ແລະອື່ນໆ ໃຫ້ແກ່ສັງຄົມລາວລວມມູນຄ່າເກືອບ 50 ລ້ານກີບ ແລະໃນປີ 2020 ນີ້ ທ່ານ ສຸຕ່າ ຄຳພັນທອງ ປະທານ ບໍລິສັດດັ່ງກ່າວເປີດເຜີຍພ້ອມຈະເປັນສ່ວນໜຶ່ງໃນການປະກອບ ສ່ວນເສີມສ້າງໃຫ້ປະເທດຊາດ ລາວເຮົາມີການພັດທະນາກ້າວໄປຂ້າງໜ້າຢ່າງມີຄວາມຍືນຍົງ.

 ເມື່ອບໍ່ດົນມານີ້, ທ່ານ ສຸຕ່າ ຄຳພັນທອງ ປະທານບໍລິສັດ ດາວ ຄຳ ຄອນກຣີດ ແລະບໍລິສັດ ດີເຄ ຈຽງ ຄອນກຣີດ ຈຳກັດ ໄດ້ສືບຕໍ່ ນຳເອົາເຄື່ອງນຸ່ງກີລາບານເຕະຈຳນວນໜຶ່ງໄປມອບໃຫ້ທີມນັກສຶກສາ ລະບົບປະລິນຍາຕີຕໍ່ເນື່ອງຂະແໜງ ແພ່ງໃນໂອກາດດັ່ງກ່າວກໍໄດ້ໃຫ້ ສຳພາດຕໍ່ທີມງານນັກຂ່າວໜັງສື   ພິມສຶກສາ ແລະກີລາລາຍວັນຊາບວ່າ: ໃນເຫດຜົນທີ່ໃຫ້ການຊຸກຍູ້ຊ່ວຍເຫຼືອສັງຄົມລາວໃນແຕ່ລະປີທີ່ຜ່ານມາ ນັ້ນກໍຍ້ອນວ່າຢາກເຫັນປະເທດຊາດມີການພັດທະນາເສດຖະກິດ-ສັງຄົມກ້າວໄປຂ້າງໜ້າ ຢ່າງມີຄວາມຍືນຍົງສະນັ້ນ ຈຶ່ງຢາກປະກອບສ່ວນຕາມເງື່ອນໄຂ ແລະທ່າແຮງທີ່ມີ ແລະພ້ອມຈະສືບຕໍ່ຄຽງຄູ່ກັບສັງຄົມລາວຕະ ຫຼອດໄປເພື່ອປະກອບສ່ວນຊ່ວຍ ເຫຼືອພາກສ່ວນທີ່ຍັງຂາດເຂີນໄດ້ມີຄວາມສະດວກກາຍເປັນທ່າແຮງ ທີ່ສຳຄັນໃນການປະກອບສ່ວນພັດ ທະນາ ແລະສ້າງສາປະເທດຊາດໃຫ້ມີຄວາມຈະເລີນຮຸ່ງເຮື່ອງສີວິ ໄລຕະຫຼອດໄປ.

    ຕະຫຼອດໄລຍະໃນປີ 2019 ບໍ ລິສັດ ດາວຄຳ ຄອນກຣີດ ຈຳກັດ ໄດ້ປະກອບສ່ວນຊຸກຍູ້ທັງດ້ານເຄື່ອງກີລາ, ຊ່ວຍເຫຼືອໄພພິບັດຕ່າງໆໃນຂອບເຂດທົ່ວປະເທດ ແລະອື່ນໆ ໃຫ້ແກ່ສັງຄົມລາວກໍຄື ບັນດາພາກສ່ວນທັງພາກລັດ ແລະ ເອກະຊົນລວມມູນຄ່າເກືອບ 50 ລ້ານກີບ, ໃນນັ້ນໄດ້ອຸປະຖຳງານພົບປະການນຳລະຫວ່າງສູນກາງຊາວໜຸ່ມປະຊາຊົນປະຕິວັດລາວ ແລະກອງປະຊຸມຄະນະເຈົ້າເມືອງ ທົ່ວປະເທດຈຳນວນ 4 ລ້ານກີບ, ອຸປະຖຳຊຸດກີລາໃຫ້ບັນດາກົມກອງຂອງຕຳຫຼວດ-ທະຫານ ຈັດກິດຈະກຳເພື່ອສະເຫຼີມສະຫຼອງວັນ ສຳຄັນຕ່າງໆຂອງຊາດລວມມູນ ຄ່າ 25 ລ້ານກີບ, ຊ່ວຍເຫຼືຶອໄພພິບັດຕ່າງໆ ຕາມໜ່ວຍງານກູ້ໄພ ແລະອົງການທີ່ກ່ຽວຂ້ອງຈຳນວນ 10 ລ້ານກີບ, ຊ່ວຍເຫຼືອງານບຸນ ປະເພນີຂອງຊາດ 7 ລ້ານກີບ ແລະ ຊ່ວຍເຫຼືອວຽກງານປ້ອງກັນຊາດ-ປ້ອງກັນຄວາມສະຫງົບ ຈຳນວນ 3 ລ້ານກີບ.

-------------------------

ພາບ ແລະຂ່າວຈາກ: ໜັງສືພີມເສດຖະກິດ-ສັງຄົມ

แชร์