ບົວລະພາ ຫາລືຂະຫຍາຍຈຸດສຸມພັດທະນາທີ່ເປັນບຸລິມະສິດ

  ກອງປະຊຸມປຶກສາຫາລືການຈັດຕັ້ງຜັນຂະຫຍາຍຈຸດສຸມພັດທະນາທີ່ເປັນບຸລິມະສິດໄລຍະ 2019-2020 ຮ່າງເປົ້າໝາຍ ແລະກິດຈະກຳພັດທະນາຊົນນະບົດ ແລະ ລຶບລ້າງຄວາມທຸກຍາກຂອງເມືອງບົວລະພາໄດ້ຈັດຂຶ້ນໃນທ້າຍເດືອນພະຈິກຜ່ານມາທີ່ຫ້ອງການກະສິກຳ ແລະປ່າໄມ້ເມືອງພາຍໃຕ້ການເປັນປະທານຂອງ ທ່ານ ແກ້ວອຸ ດອນ ບຸດສິງຂອນ ເຈົ້າເມືອງໆບົວລະພາ, ມີທ່ານ ໄຄສີ ດາລາສີ ຮອງຫົວໜ້າພະແນກກະສິກຳ ແລະ ປ່າໄມ້ແຂວງຄຳມ່ວນພ້ອມດ້ວຍບັນດາທ່ານໃນຄະນະປະຈຳພັກເມືອງຄະນະພັກເມືອງ, ຫົວໜ້າ, ຮອງຫົວໜ້າ, ຕະຫຼອດຮອດພະນັກງານ, ວິຊາການທີ່ກ່ຽວຂ້ອງເຂົ້າຮ່ວມ.

 ທ່ານ ໄຄສີ ດາລາສີ ຮອງພະແນກກະສິກຳ-ປ່າໄມ້ແຂວງໃຫ້ທິດຊີ້ນຳສະຫຼຸບຜົນການຈັດຕັ້ງປະຕິບັດ ແລະໄດ້ຜ່ານແຈ້ງການແນະນຳເລກ 8042/ກຜງ ວ່າດ້ວຍການຈັດຕັ້ງຜັນຂະຫຍາຍຈຸດສຸມພັດທະນາທີ່ເປັນບຸລິມະສິດໄລຍະ 2016-2020 ຮ່າງເປົ້າໝາຍ ແລະ ກິດຈະກໍາພັດທະນາຊົນນະບົດ ແລະລຶບລ້າງຄວາມທຸກຍາກດໍາລັດສະບັບເລກທີ 65/ນຍລົງວັນທີ 19 ສິງຫາ 2016 ວ່າດ້ວຍການຮັບຮອງເອົາຈຸດສຸມພັດທະນາທີ່ເປັນບຸລິມະສິດໄລຍະ 2016-2020 ແລະ ດໍາລັດເລກທີ 348/ລບ,16 ພະຈິກ 2017 ວ່າດ້ວຍມາດຕະຖານພົ້ນທຸກ ແລະມາດຕະຖານການພັດທະນາ, ແຈ້ງການເລກທີ 1018/ກປ ລົງວັນທີ 12 ຕຸລາ 2016 ວ່າດ້ວຍການຈັດຕັ້ງຜັນຂະຫຍາຍຈຸດສຸມພັດທະນາທີ່ບຸລິມະສິດໄລຍະ 2016-2020; ແຜນການພັດທະນາຊົນນະບົດ ແລະລຶບລ້າງຄວາ ມທຸກຍາກພາຍໃນເມືອງບົວລະພາຈາກນັ້ນບັນດາຂະແໜງການ,ຫ້ອງການຕ່າງໆກໍ່ໄດ້ພ້ອມກັນຄົ້ນຄວ້າ ແລະ ປະກອບຄຳຄິດເຫັນເນັ້ນໜັກຕື່ມໃສ່ໃນວຽກງານທີ່ຍັງຄົງຄ້າງ.

ສະໜັບສະໜຸນໂດຍ: HONDA

 ໃນຕອນທ້າຍຂອງກອງປະຊຸມເຈົ້າເມືອງໆບົວລະພາໄດ້ສະແດງຄວາມຍ້ອງຍໍຊົມເຊີຍແຕ່ລະພາກສ່ວນທີ່ໄດ້ພ້ອມກັນປຶກສາຫາລື ແລະໄດ້ເຫັນດີເປັນເອກະພາບກັບການນຳສະເໜີຂອງແຕ່ລະຈຸງານມາດຕະຖານພົ້ນທຸກ ແລະ ບ້ານທີ່ບັນລຸຕາມການເກັບກຳຂໍ້ມູນຕົວຈິງ ແລະ ສະເໜີໃຫ້ທຸກພາກສ່ວນຕ້ອງສຸມໃສ່ໃນການແກ້ໄຂຄວາມທຸກ ຍາກ,ຊຸກຍູ້ສົ່ງເສີມການຜະລິດຂອງພໍ່ແມ່ປະຊາຊົນໃຫ້ກາຍເປັນສິນຄ້າສາມາດຕອບສະໜອງໄດ້ຕາມຄວາມຕ້ອງການຂອງສັງຄົມ.

---------------

ຂຽນໂດຍ: ບຸນປະພາດ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ      

 

แชร์