ການຜະລິດອາເມລິກາຫຼຸດລົງ 4 ເດືອນລຽນຕິດ

   ຕາມຂໍ້ມູນທີ່ສະມາຄົມຄຸ້ມຄອງການຈຳໜ່າຍອາເມລິກາປະກາດເມື່ອບໍ່ດົນມານີ້ສະແດງໃຫ້ເຫັນວ່າ, ຕົວເລກດັດຊະນີຜູ້ຈັດການຝ່າຍຈັດຊື້ຂະແໜງການຜະລິດ ຫຼື (PMI) ອາເມລິກາໃນເດືອນພະຈິກໄດ້ຫຼຸດລົງ 0,2%, ບັນລຸ 48,1 ຈຸດ, ຊຶ່ງໄດ້ຊຸດໂຊມລົງເປັນ 4 ເດືອນລຽນຕິດ.

ຕາມຂ່າວຕ່າງປະເທດລາຍງານເມື່ອບໍ່ດົນມານີ້ວ່າຕົວເລກ PMI ຂອງຂະແໜງການຜະລິດແມ່ນຖືເອົາຄະແນນ 50 ເປັນເສັ້ນແບ່ງ, ສູງ ກວ່າ 50 ຖືວ່າຂະແໜງການການຜະລິດຂະຫຍາຍຕົວຄຶກຄື້ນ, ຕ່ຳກວ່າ 50 ຖືວ່າຊຸດໂຊມລົງ, ຊຶ່ງຂະແໜງການການຜະລິດກວມອັດຕາສ່ວນ 11% ຂອງເສດຖະກິດອາເມລິກາໂດຍຂະແໜງການການຜະລິດສືບຕໍ່ຊຸດໂຊມລົງໄດ້ເຮັດໃຫ້ວົງການພາຍນອກມີຄວາມວິຕົກກັງວົນຕໍ່ຄວາມໄວຂອງການເຕີບໂຕດ້ານເສດຖະກິດ ຂອງອາເມລິກາໃນໄຕມາດທີ 4 .

ນັກວິເຄາະເຫັນວ່າ, ຂະແໜງການການຜະລິດອາເມລິກາໄດ້ຕົກຢູ່ໃນສະພາບຄ່ອຍໆຊຸດໂຊມລົງ ແລະ ມີຄວາມອາດເປັນໄປໄດ້ຍາກທີ່ຈະກັບມາຟື້ນຟູຄືນໃນໄລຍະສັ້ນ.

-------------------

ໜັງສືພີມເສດຖະກິດ-ສັງຄົມ

แชร์