ໜຸ່ມນ້ອຍສ້າງໂຮງຮຽນຂຶ້ນເອງ ເພື່ອໃຫ້ເດັກນ້ອຍທຸກຍາກເຂົ້າຮຽນລ້າ

  ນິກາໂນ ກິນເຕໂຣສ (Nica nor Quinteros) ໜຸ່ມນ້ອຍອາຍຸ 12 ປີ ຈາກປະເທດອາກຊັງຕິນ ທີ່ກໍ່ສ້າງໂຮງຮຽນຂອງຕົວເອງຂຶ້ນມາເພື່ອໃຫ້ເດັກນ້ອຍທີ່ທຸກຍາກ ໄດ້ຮັບໂອກາດອັນຍິ່ງໃຫຍ່ເຂົ້າເຖິງການຮຽນໜັງສືຄືທີ່ລາວເຄີຍໄດ້ໂອກາດມາຄືກັນ.

ຕາມຂ່າວຕ່າງປະເທດລາຍງານວ່າໂດຍຈຸດເລີ່ມຕົ້ນຂອງແນວຄິດອັນຍິ່ງໃຫຍ່ນີ້ເກີດຂຶ້ນຕອນທີ່ລາວມີອາຍຸພຽງ 9 ປີ ເມື່ອລາວເຫັນວ່າເດັກນ້ອຍຫຼາຍຄົນ ໃນເຂດທີ່ລາວອາໄສຢູ່ນັ້ນບໍ່ມີໂອກາດທີ່ໄດ້ຮຽນໜັງສືເພາະຖານະທາງຄອບຄົວຂອງເດັກນ້ອຍເຫຼົ່ານັ້ນມີຄວາມທຸກຍາກຕະຫຼອດຈົນເກີດມາໃນຄອບຄົວຂອງຄົນບໍ່ມີທີ່ຢູ່ອາໄສລາວເລີຍຮ່ວມກັບຍ່າຂອງຕົວເອງກໍ່ຕັ້ງໂຮງຮຽນທີ່ຢູ່ໃນສວນຫຼັງບ້ານໃຫ້ເດັກນ້ອຍດ້ອຍໂອກາດໄດ້ຮຽນໜັງສືຊຶ່ງກໍມີນັກຮຽນເຖິງ 36 ຄົນເລີຍ,ໂຮງຮຽນຂອງລາວນັ້ນມີ 3 ຫ້ອງຮຽນ ໂດຍສ້າງຈາກວັດສະດຸງ່າຍໆ ເຊັ່ນ: ໄມ້ອັດ, ແກັດເຈ້ຍ, ຮວມທັງ ປຶ້ມຂຽນຣີໄຊເຄີນເພື່ອໃຫ້ນັກຮຽນ ໃຊ້ໃນການຈົດເນື້ອໃນຊຶ່ງໂຮງຮຽນນ້ອຍໆຂອງລາວນັ້ນກໍຍັງໄດ້ຮັບການສະໜັບສະໜຸນຈາກຄົນໃນຊຸມຊົນມາຊ່ວຍເຫຼືອໃນການບໍລິຈາກສິ່ງຂອງທີ່ຈຳເປັນໃນການຮຽນ ໂດຍນິກາໂນກິນເຕໂຣສ (Nicanor Quinteros) ຮັບໜ້າທີ່ເປັນນາຍຄູໃຫຍ່ຂອງໂຮງຮຽນ ແລະ ໄດ້ໝູ່ເພື່ອນຂອງລາວເປັນຄູໃນການສອນ.

ນອກຈາກການເຮັດໜ້າທີ່ເປັນຄູໃຫຍ່ແລ້ວລາວກໍຍັງຕ້ອງເຮັດໜ້າທີ່ເປັນນັກຮຽນອີກດ້ວຍໂດຍລາວຕ້ອງເດີນທາງກວ່າ 4 ກິໂລ ແມັດດ້ວຍການຂີ່ລົດຖີບ ເພື່ອໄປຮຽນ ແລະ ຂີ່ກັບມາເພື່ອມາເຮັດໜ້າທີ່ເປັນຄູສອນໃນໂຮງຮຽນຂອງຕົວເອງ ແລະ ລາວກໍຍັງເກັບເງິນຄ່າເຂົ້າໜົມສ່ວນຕົວໃນການຊື້ເຂົ້າໜົມມາຢາຍໃຫ້ກັບນັກຮຽນໃນໂຮງຮຽນຂອງລາວອີກດ້ວຍ.

----------------

ໜັງສືພີມເສດຖະກິດ-ສັງຄົມ

แชร์