ຮອດປີ 2024 ເມືອງຄອບຈະສູ້ຊົນເຮັດໃຫ້ເສດຖະກິດຂະຫຍາຍຕົວສະເລ່ຍ 7,5% ຕໍ່ປີ

 ທ່ານ ແພງຊ້ອຍ ແພງເມືອງ ເຈົ້າເມືອງຄອບ ແຂວງໄຊຍະບູລີ ໄດ້ໃຫ້ຮູ້ວ່າ: ອີກ 5 ປີຂ້າງໜ້າ (2020-2024) ເມືອງ ຄອບຈະສູ້ຊົນເຮັດໃຫ້ເສດຖະກິດຂອງເມືອງຂະຫຍາຍຕົວຕໍ່ເນື່ອງດ້ວຍຈັງຫວະສະເລ່ຍ 7,5% ຕໍ່ປີ, ລວມຍອດຜະລິດຕະພັນພາຍໃນໃຫ້ບັນລຸ 503 ຕື້ກີບ, ສະເລ່ຍໃສ່ຫົວຄົນໜຶ່ງໃຫ້ໄດ້ 22 ລ້ານກີບ ຫຼື ເທົ່າ ກັບ 2.600 ໂດລາ,ໂຄງປະກອບເສດຖະກິດໃຫ້ຫັນປ່ຽນໄປຕາມທິດຄື: ກະສິກໍາຂະຫຍາຍຕົວ 5% ກວມເອົາ 28% ຂອງລວມຍອດລາຍຮັບ,ອຸດສາຫະກໍາຂະຫຍາ ຍຕົວ 19% ກວມເອົາ 37% ຂອງລວມຍອດລາຍຮັບ ແລະການບໍລິການຂະຫຍາຍຕົວ 7% ກວມເອົາ 35% ຂອງລວມຍອດລາຍຮັບ.

 ຮອດປີ 2024 ຄາດຄະເນພົນລະເມືອງມີປະມານ 22.789 ຄົນ, ອັດຕາເງິນເຟີ້ໃຫ້ຢູ່ໃນລະດັບຕໍ່າກວ່າການຂະຫຍາຍຕົວຂອງເສດຖະກິດ ແລະຮັບປະກັນທາງດ້ານອັດຕາແລກປ່ຽນເໜັງຕີງເພີ່ມ ຫຼືຫຼຸດບໍ່ເກີນ 5% ຕໍ່ປີ, ສູ້ຊົນເກັບລາຍຮັບພາຍໃນເຂົ້າງົບປະມານໃຫ້ໄດ້ 16,04 ຕື້ກີບ, ຄຸ້ມຄອງລາຍຈ່າຍໃຫ້ຢູ່ໃນລະດັບ 45,24 ຕື້ກີບ, ສູ້ຊົນລະດົມທຶນເພື່ອການພັດທະນາໃນ 5 ປີບໍ່ໃຫ້ຫຼຸດ 30% ຂອງຍອດລາຍຮັບ, ຜະລິດເຂົ້າໃຫ້ໄດ້ 9.385 ໂຕນ ໃນປີ 2024, ສູ້ຊົນເຮັດໃຫ້ຜົນຜະລິດພືດອຸດສາຫະກຳ (ສາລີ, ໝາກເດືອຍ, ໝາກຖົ່ວດິນ) ໃຫ້ໄດ້ບໍ່ຫຼຸດ 18,3 ພັນໂຕນ ໂດຍການເພີ່ມສະມັດຕະພາບ, ຜົນຜະລິດພືດຜັກສະບຽງອາຫານໃຫ້ໄດ້ 1,7 ພັນໂຕນ ຂຶ້ນໄປ, ໃນນີ້ຜົນຜະລິດພືດຜັກທີ່ຜະລິດຕາມມາດຕະຖານກະສິກຳສະອາດກວມ 35%, ຝູງສັດໃຫຍ່ຂະຫຍາຍຕົວສະເລ່ຍ 5,5% ຕໍ່ປີ, ຂະຫຍາຍເນື້ອທີ່ສວນປູກຫຍ້າລ້ຽງສັດໃຫ້ໄດ້ 30 ເຮັກຕາ ຕໍ່ປີ.

ສະໜັບສະໜຸນໂດຍ: HONDA

 ສູ້ຊົນເຮັດໃຫ້ມູນຄ່າການສົ່ງອອກສິນຄ້າໃຫ້ເພີ່ມຂຶ້ນສະເລ່ຍ 7% ຕໍ່ປີ, ຄຸ້ມຄອງການນໍາເຂົ້າສິນຄ້າໃຫ້ຢູ່ໃນລະດັບສະເລ່ຍ 9% ຕໍ່ປີ, ສູ້ຊົນເຮັດໃຫ້ການຂະຫຍາຍຕົວຜະລິດດ້ານອຸດສາຫະກຳປຸງແຕ່ງ ແລະຫັດຖະກໍາເພີິ່ມຂຶ້ນສະ ເລ່ຍ 1,5% ຕໍ່ປີ, ອອກທະບຽນວິສາຫະກິດໃຫ້ໄດ້ 60 ຫົວໜ່ວຍທຶນຈົດທະບຽນທັງໝົດ 7 ຕື້ກີບ, ສໍາຫຼອດ ແລະອອກໃບຕາດິນໃຫ້ ໄດ້ 1.750 ຕອນຂຶ້ນໄປ, ປີລະ 350 ຕອນ, ສູ້ຊົນໃຫ້ໄດ້ຊົມໃຊ້ໄຟຟ້າຈາກພາຍໃນ 70% ຂຶ້ນໄປ ແລະ ຄົວຄອບຊົມໃຊ້ໄຟຟ້າໃຫ້ໄດ້ 100% ໃນປີ 2024, ປັບປຸງເສັ້ນທາງເຂົ້າຫາບ້ານໃຫ້ສາມາດທຽວໄດ້ 2 ລະດູຄື: ບ້ານນໍ້າໂຕ່ມ ແລະ ບ້ານຄົກເມີຍ, ສູ້ຊົນໃຫ້ມີຈຳນວນນັກສຶກສາຮຽນຈົບວິຊາຊີບ

ໃນລະດັບຕ່າງໆປີລະ 120 ຄົນ ຂຶ້ນໄປ, ການເຂົ້າເຖິງປະກັນສຸຂະພາບຂອງປະຊາຊົນໃຫ້ໄດ້ 100% ສ້າງບ້ານຕົວແບບດ້ານກະສິກຳໃຫ້ໄດ້ 19 ບ້ານ, ຊຸກຍູ້ຄອບຄົວ ແລະ ບ້ານທີ່ບໍ່ທັນບັນລຸມາດຖານພົ້ນທຸກຕາມດໍາລັດ 348 ຂອງລັດຖະບານໃຫ້ໄດ້ 30 ຄອບຄົວ ຕໍ່ປີ, ສ້າງບ້ານສີຂຽວໃຫ້ໄດ້ 14 ບ້ານ, ສ້າງບ້ານສະອາດ ແລະ ງາມຕາໃຫ້ໄດ້ 3 ບ້ານ, ປັບປຸງບ້ານສາທາລະນະສຸກແບບຢ່າງທີ່ໄດ້ປະກາດໄປແລ້ວໃຫ້ໄດ້ຕາມມາດຖານ ແລະ ສ້າງໃໝ່ໃຫ້ໄດ້ 3 ບ້ານ, ສ້າງຄອບຄົວວັດທະນະທຳໃຫ້ໄດ້ 200 ຄອບຄົວ ແລະ ສ້າງບ້ານວັດທະນາທຳໃຫ້ 3 ບ້ານ ແລະ ດຶງດູດນັກທ່ອງທ່ຽວໃຫ້ໄດ້ 5 ພັນຄົນຕໍ່ປີ.

__________

ຂຽນໂດຍ: ອຸ່ນເຮືອນ ໂພທິລັກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์