ຫາລືເພີ່ມມູນຄ່າຜະລິດກະສິກໍາໂພຊະນາການ

  ວັນທີ 4 ທັນວາ 2019 ກົມສົ່ງເສີມເຕັກນິກ ແລະປຸງແຕ່ງກະສິກໍາ, ກະຊວງກະສິກໍາ ແລະປ່າໄມ້ຈັດກອງປະຊຸມປຶກສາຫາລືວຽກງານການເພີ່ມມູນຄ່າຜະລິດກະສິກໍາເພື່ອໂພຊະນາການຂຶ້ນທີ່ໂຮງແຮມຄຣາວພລາຊ່າ ນະຄອນຫຼວງວຽງຈັນ ເປັນປະທານຂອງທ່ານ ທອງສະຫວັນ ພັນທະລາວົງ ຮອງຫົວໜ້າກົມສົ່ງເສີມເຕັກນິກ ແລະ ປຸງແຕ່ງກະສິກໍາ, ທ່ານ ນາຊ່າ ຮາຢັດ ຜູ້ຕາງໜ້າອົງການອາຫານ ແລະການກະເສດປະຈໍາລາວມີຜູ້ຕາງໜ້າຈາກກົມກ່ຽວຂ້ອງບັນດາຄູ່ຮ່ວມພັດທະນາເຂົ້າ ຮ່ວມ.

   ທ່ານ ທອງສະຫວັນ ພັນທະລາວົງ ກ່າວວ່າ: ວຽກງານການເພີ່ມມູນຄ່າຜົນຜະລິດກະສິກຳເພື່ອໂພຊະນາການຈະສາມາດເປັນແຫຼ່ງອາຫານໃຫ້ກັບປະຊາຊົນຊຶ່ງສາ ມາດເກັບໄວ້ບໍລິໂພກໃນຍາມຂາດແຄນ ແລະຍາວນານໄດ້ພ້ອມທັງສາມາດເປັນແຫຼ່ງລາຍຮັບທີ່ສຳຄັນໃຫ້ແກ່ຄອບຄົວໂດຍສະເພາະແມ່ຍິງ ໃນປີ 2020 ກະຊວງກະສິກຳຈະຈັດຕັ້ງ ແລະ ຜັນຂະຫຍາຍຜົນຂອງການປະເມີນກາງສະໄໝໂດຍຈະເນັ້ນໃສ່ວຽກງານສົ່ງເສີມການເພີ່ມມູນຄ່າຜົນຜະລິດກະສິກຳການແປຮູບ ແລະ ການຕະຫຼາດຂອງອາຫານເພື່ອໃຫ້ທຸກຄົນສາມາດເຂົ້າເຖິງແຫຼ່ງອາຫານທີ່ດີຕໍ່ສຸຂະພາບ.

ສະໜັບສະໜຸນໂດຍ: HONDA

  ທ່ານ ນາຊ່າ ຮາຢັດ ໄດ້ປະກອບຄໍາເຫັນຕໍ່ກອງປະຊຸມວ່າ: ຜ່ານມາ ສປປ ລາວ ແມ່ນເນັ້ນໃສ່ຜະລິດພືດເປັນອຸດສາຫະກຳ ແລະ ປຸງແຕ່ງຜົນຜະລິດກະສິກຳທີ່ບໍ່ໃຫ້ຄຸນຄ່າດ້ານໂພຊະນາການຊຶ່ງບໍ່ສາມາດຮັບປະກັນ ແລະສະທ້ອນໃຫ້ເຫັນສະພາບໂພຊະນາການທີ່ດີຂຶ້ນຂອງປະຊາຊົນວຽກງານການເພີ່ມມູນຄ່າຈຳເປັນຕ້ອງມີຫຼາຍຂະ ແໜງການທີ່ຈະຕ້ອງຊ່ວຍກັນຂັບເຂື່ອນ ແລະຊຸກຍູ້ສົ່ງເສີມເພື່ອໃຫ້ວຽກງານດັ່ງກ່າວສາມາດຈັດຕັ້ງໄດ້ຢ່າງມີປະສິດທິພາບ ແລະປາກົດຜົນເປັນຈິງ, ກອງປະຊຸມຍັງໄດ້ປຶກສາຫາລືກ່ຽວກັບການຮ່ວມມືເພື່ອຮັບປະກັນເປົ້າໝາຍການພັດທະນາແຫ່ງຊາດເພື່ອເຮັດໃຫ້ທຸກຄົນສາມາດເຂົ້າເຖິງອາຫານທີ່ມີໂພຊະນາການໄດ້ຕະຫຼອດປີນໍາອີກ.

 

-----------------

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์