ເມືອງຫົງສາ ຈັດການແຂ່ງຂັນກີລາບານເຕະ

  ວັນທີ 2 ທັນວາ 2019 ທີເດີ່ນກີລາເມືອງຫົງສາ ໄດ້ຈັດ ການແຂ່ງຂັນກີລາບານເຕະເພື່ອສະເຫຼີມສະຫຼອງວັນຊາດທີ 2 ທັນວາ ຄົບຮອບ 44 ປີ ແລະວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 99 ປີ, ນໍາພາໂດຍ ທ່ານ ຄໍາຫຼ້າ ຜິວວັນນາ ເຈົ້າເມືອງ ຫົງສາ, ມີການນຳຂອງເມືອງ, ແຂກຖືກເຊີນ, ຄູຝຶກ, ນັກກີລາ ແລະມວນຊົນຊາວເມືອງຫົງສາ ເຂົ້າຮວ່ມຢ່າງພ້ອມພຽງ.

ການແຂ່ງຂັນກີລາບານເຕະໃນຄັ້ງນີ້ປະກອບມີ 12 ທີມ ກີລາ ເຂົ້າຮວ່ມແຂ່ງຂັນປະກອບມີ 3 ລຸ້ນຄືບານເຕະຊາຍລຸ້ນອາວຸໂສ,ບານເຕະຊາວໜຸ່ມຊາຍ ແລະບານ ເຕະຊາວໜຸ່ມຍິງ, ຜ່ານການແຂ່ງ ຂັນຊີງຊະນະເລີດລຸ້ນອາວຸໂສ ອັນ ດັບ 1 ແມ່ນທີມກຸ່ມການເມືອງວັດທະນະທໍາ-ສັງຄົມ, ໄດ້ຮັບຂັນໜຶ່ງ ໜ່ວຍພ້ອມດ້ວຍເງິນສົດ 1 ລ້ານກີບ, ອັນດັນ 2 ແມ່ນທີມກຸ່ມລັດ ວິສາຫະກິດ ແລະນັກທຸລະກິດໄດ້ ຮັບລາງວັນເງິນສົດ 6 ແສນກີບ, ລຸ້ນຊາວໜຸ່ມຊາຍ ອັນດັບທີ 1 ແມ່ນທີມກຸ່ມປກສ-ປກຊ ແລະຕຸ ລາການໄດ້ຮັບຂັນໜຶ່ງໜ່ວຍພ້ອມດ້ວຍເງິນສົດ 1 ລ້ານກີບ, ອັນດັບທີ 2 ແມ່ນທີມຫ້ອງວ່າການເມືອງໄດ້ຮັບລາງວັນເງິນສົດ 6 ແສນກີບ, ລຸ້ນຊາວໜຸ່ມຍິງ ອັນດັບທີ 1 ແມ່ນ ທີມໂຮງຮຽນ ມສ ບ້ານເມືອງຫານ ໄດ້ຮັບຂັນໜຶ່ງໜ່ວຍພ້ອມດ້ວຍເງິນສົດ 1 ລ້ານກີບ ແລະອັນດັບ ທີ 2 ແມ່ນທີມກຸ່ມເສດຖະກິດໄດ້ ຮັບລາງວັນເງິນສົດ 6 ແສນກີບ, ໃຫ້ກຽດມອບຂັນ ແລະລາງວັນ ເງິນສົດ ໂດຍແມ່ນທ່ານ ຄໍາຫຼ້າ ຜິວວັນນາ ເຈົ້າເມືອງຫົງສາ ແລະ ທ່ານ ນາງ ດາວວິນ ລາດຊະກິດ ຮອງເຈົ້າເມືອງຫົງສາ.

ໃນວັນດຽວກັນກໍ່ໄດ້ຈັດງານ ສະແດງສິລະປະ-ວັນນະຄະດີຢູ່ທີ່ເດີ່ນຜາມໄຊຂອງເມືອງການສະແດງສິລະປະ-ວັນນະຄະດີໃນຄັ້ງນີ້ປະກອບມີ 20 ລາຍການ, ໃນນັ້ນບົດຟ້ອນລວມໝູ່ 14 ລາຍການ, ຮ້ອງເພງ 5 ລາຍການ ແລະດົນຕີ ພື້ນເມືອງ 1 ລາຍການ, ທັງນີ້ກໍ່ ເພື່ອເປັນການສ້າງຂະບວນການຂໍ່ານັບຊົມເຊີຍວັນສໍາຄັນຕ່າງໆ ຂອງຊາດເປັນຕົ້ນແມ່ນວັນຊາດທີ 2 ທັນວາຄົບຮອບ 44 ປີ, ວັນຄ້າຍວັນເກີດຂອງປະທານ ໄກສອນ ພົມ ວິຫານຄົບຮອບ 99 ປີ ແລະ ຍັງເປັນການອະນຸລັກຮັກສາວັດທະນະທໍາອັນດີງາມຂອງຊາດລາວ ກໍ່ ຄືຂອງຊາວເມືອງຫົງສາ ໃຫ້ຢືນ ຢົງຕະຫຼອດໄປ.

----------------------

 ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์