ເຈດີບີ ເຊັນບົດບັນທຶກຄວາມເຂົ້າໃຈກັບສູນການສຶກສາໄມໂຄຣເທັກ

  ທ້າຍເດືອນພະຈິກຜ່ານມາທີ່ສໍານັກງານໃຫຍ່ທະນາຄານຮ່ວມພັດທະນາ ນະຄອນຫຼວງວຽງຈັນ ໄດ້ມີພິທີເຊັນບົດບັນທຶກຄວາມເຂົ້າໃຈລະຫວ່າງທະນາຄານຮ່ວມພັດ ທະນາ ແລະສູນການສຶກສາ ໄມໂຄຣເທັກ ບໍລິການຮຽນຕໍ່ຕ່າງປະເທດວ່າດ້ວຍການອອກບັດ VISA Debit ແລະ ບັດ UnionPay Debit ໃຫ້ແກ່ນັກສຶກສາທີ່ຈະໄປຮຽນຕໍ່ຕ່າງປະເທດເປັນກຽດເຂົ້າຮ່ວມໂດຍທ່ານ ວິໄລ ສີພະພອນ ຜູ້ອໍານວຍການໃຫຍ່ທະນາຄານຮ່ວມພັດທະນາ, ທ່ານ ຄຳຊູ ຢ່າງ ຮອງຜູ້ອຳນວຍການໃຫຍ່ທະນາ ຄານຮ່ວມພັດທະນາ, ຜູ້ຊີ້ນຳສູນບໍລິການທົ່ວປະເທດ ແລະພະແນກທຸລະກິດການຕະຫຼາດ, ມີຄະນະອໍານວຍການແລະວິຊາການທີ່ກ່ຽວຂ້ອງເຂົ້າຮ່ວມ, ຝ່າຍສູນການສຶກສາໄມໂຄຣເທັກມີທ່ານນາງ ສຸດາພອນ ພົນອາສາ ຮອງຜູ້ອໍານວຍການໃຫຍ່ສູນການສຶກສາໄມໂຄຣເທັກ ແລະຜູ້ບໍລິຫານລະດັບສູງຂອງສູນການສຶກສາກໍໄດ້ເຂົ້າຮ່ວມ.

  ໃນພິທິທັງສອງຝ່າຍໄດ້ເຫັນດີເປັນເອກະພາບກັນລົງນາມວ່າດ້ວຍການວ່າດ້ວຍການອອກບັດ VISA Debit ແລະ ບັດUnionPay Debit ໃຫ້ແກ່ນັກສຶກສາທີ່ຈະໄປຮຽນຕໍ່ຕ່າງປະເທດຊຶ່ງລົງນາມໂດຍທ່ານ ຄໍາຊູ ຢ່າງ ຮອງຜູ້ອໍານວຍການໃຫຍ່ທະນາຄານຮ່ວມພັດທະນາ, ຜູ້ຊີ້ນຳສູນບໍລິການທົ່ວປະເທດ ແລະພະແນກທຸລະກິດການຕະຫຼາດ ແລະ ທ່ານ ນາງ ສຸດາພອນ ພົນອາສາ ຮອງຜູ້ອໍານວຍການໃຫຍ່ສູນການສຶກສາໄມໂຄຣເທັກເພື່ອຕອບສະໜອງໃຫ້ນັກສຶກສາທີ່ຈະໄປຮຽນຢູ່ຕ່າງປະເທດໃຫ້ມີຄວາມສະດວກສະບາຍສາມາດເປີດນໍາໃຊ້ນໍາໃຊ້ບັດ VISA Debit ໄດ້ທີ່ປ່ອງບໍລິການທະນາຄານຮ່ວມພັດທະນາທົ່ວປະເທດໂດຍບໍ່ເສຍຄ່າສະໝັກສະມາຊິກນັກສຶກສາທ່ານໃດສົນໃຈສາມາດປຶກສາຂໍ້ມູນເພີ່ມເຕີມໄດ້ທີ່ສູນການສຶກສາໄມໂຄຣເທັກ ຊຶ່ງເປັນຜູ້ທີ່ມີປະສົບການດ້ານການບໍລິການການສຶກສາຮຽນຕໍ່ທີ່ຕ່າງປະເທດພ້ອມ ກັນນັ້ນກໍ່ເປັນການຊຸກຍູ້ ແລະສົ່ງເສີມໃຫ້ນັກສຶກສາເຂົ້າເຖິງການບໍລິການທາງດ້ານການເງິນທີ່ຄົບວົງຈອນ ແລະ ໄດ້ມາດຕະຖານສາກົນ.

ທະນາຄານຮ່ວມພັດທະນາໄດ້ຂະຫຍາຍຕາໜ່າງການບໍລິການຈາກ 4 ໜ່ວຍບໍລິການມາເປັນ 60 ໜ່ວຍບໍລິການໃນຂອບເຂດທົ່ວປະເທດ, ແລະການພັດທະນາລະບົບໄອທີໃຫ້ມີຄວາມທັນສະໄໝອອກຜະລິດຕະພັນຢ່າງຫຼວງຫຼາຍເພື່ອຕອບສະໜອງຄວາມຕ້ອງການ ແລະ ຄວາມເພີ່ງພໍໃຈຂອງລູກຄ້າໃນການເຂົ້າເຖິງແຫຼ່ງທຶນເງິນກູ້ ເພື່ອສ້າງເສດຖະກິດຄອບຄົວຜູ້ທີ່ມີລາຍຮັບນ້ອຍ ແລະ ສົ່ງເສີມທຸລະກິດ SME ທຸລະກິດຂະໜາດນ້ອຍ ແລະ ຂະໜາດກາງ, ນອກຈາກນັ້ນຍັງໄດ້ຍັງໄດ້ສະໜອງທຶນປ່ອຍສິນເຊື່ອໃຫ້ແກ່ໂຄງການຂອງລັດຖະບານໄດ້ບັນລຸຜົນສໍາເລັດຫຼາຍຢ່າງໃນການບໍລິການທາງດ້ານການເງິນໃຫ້ກັບປະຊາຊົນບັນດາເຜົ່າ, ປະຈຸບັນລູກຄ້າມີຄວາມເຊື່ອ ໝັ້ນ ແລະໄວ້ວາງໃຈໃຫ້ຄວາມສະໜັບສະໜູນທະນາຄານ JDB ຕະຫຼອດມາຊຶ່ງທັງໝົດນີ້ກໍຍ້ອນການຊີ້ນຳນຳພາຢ່າງໄກ້ຊິດຈາກພັກ-ລັດຖະບານກໍຄືຂັ້ນເທີງໂດຍສະ ເພາະກໍແມ່ນທະນາຄານແຫ່ງ ສປປ ລາວ ເຮັດໃຫ້ເປັນທະນາຄານຮ່ວມພັດທະນາມີຄວາມທັນສະໄໝໄດ້ນໍາໃຊ້ເຕັກໂນໂລຊີທີ່ທັນສະໄໝເຂົ້າໃນການບໍລິການໃຫ້ມີການເຕີບໃຫ່ຍຂະຫຍາຍຕົວຢ່າງຕໍ່ເນື່ອງໂດຍໄປຕາມຄໍາຂວັນຂອງທະນາຄານຮ່ວມພັດທະນາ “ ເຕີບໃຫ່ຍໄປພ້ອມກັນ”.

__________

ຂຽນໂດຍ: ຄໍາຕົ້ນ ວໍລະຈັກ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์