ມອບ-ຮັບສິ່ງເສດເຫຼືອທະຫານອາເມລິກາ ໃນປາງສົງຄາມຢູ່ລາວ

  ໃນວັນທີ 4 ທັນວາ 2019, ທີ່ສະໜາມບິນສາກົນວັດໄຕ, ນະຄອນຫຼວງວຽງຈັນ, ໄດ້ມີການຈັດພິທີມອບ-ຮັບສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ, ຊຶ່ງສິ່ງເສດເຫຼືອດັ່ງກ່າວແມ່ນຜົນສໍາເລັດທີ່ໄດ້ຮັບຈາກການປະຕິບັດງານຮ່ວມຢູ່ພາກສະໜາມຂອງຄະນະວິຊາການລາວ-ອາເມລິກາ ໃນການສໍາຫຼວດແລະຂຸດຄົ້ນເພື່ອຊອກຫາຮ່ອງຮອຍ ແລະສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວຄັ້ງທີ1 ປະຈໍາສົກປີ 2019-2020 ຢູ່ເຂດບ້ານກົກໝາກ ເມືອງວິລະບູລີ ແຂວງສະຫວັນນະເຂດ ແລະເຂດບ້ານວັກໃຕ້ ເມືອງກະລືມແຂວງເຊກອງ.

ພາບຂ່າວ:

ໂດຍຕາງໜ້າໃຫ້ແກ່ລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແມ່ນທ່ານ ທອງສະຫວັນ ພົມວິຫານ ຮອງລັດຖະມົນຕີກະຊວງການຕ່າງປະເທດເປັນຜູ້ກ່າວມອບ, ສ່ວນຕາງໜ້າໃຫ້ແກ່ລັດຖະບານສະຫະລັດອາເມລິກາແມ່ນທ່ານ Colin Crosby ອຸປະທູດຊົ່ວຄາວຂອງສະຫະລັດອາເມລິກາ ປະຈໍາ ສປປ ລາວ ເປັນຜູ້ກ່າວຮັບ,ນອກນີ້ຍັງມີເຈົ້າໜ້າທີ່ຂັ້ນສູງຈາກກະຊວງການຕ່າງປະເທດ, ກະຊວງປ້ອງກັນປະເທດ, ຫ້ອງວ່າການນະຄອນຫຼວງວຽງຈັນ ແລະຄະນະພະແນກການ

ພາບຂ່າວ:

ຕ່າງປະເທດນະຄອນຫຼວງວຽງຈັນ ກໍໄດ້ເປັນກຽດເຂົ້າຮ່ວມ, ມີບັນດາພະນັກງານວິຊາການສອງຝ່າຍລາວ-ອາເມລິກາທີ່ເຮັດວຽກຕົວຈິງຢູ່ພາກສະໜາມຈໍານວນໝຶ່ງກໍໄດ້ເຂົ້າຮ່ວມ, ຈໍານວນຜູ້ທີ່ເຂົ້າຮ່ວມທັງໝົດ 150 ຄົນ, ການສໍາຫຼວດ ແລະ ຂຸດຄົ້ນຄັ້ງນີ້ໄດ້ຄົ້ນພົບສິ່ງເສດເຫຼືອຂອງທະຫານອາເມລິກາຢູ່ເຂດບ້ານກົກໝາກເມືອງວິ ລະບູລີ ແຂວງສະຫວັນນະເຂດ ແລະຢູ່ເຂດບ້ານວັກໃຕ້ ເມືອງກະລືມ ແຂວງເຊກອງ.

ສະໜັບສະໜຸນໂດຍ: HONDA

ພາບຂ່າວ:

  ນັບແຕ່ມື້ເລີ່ມຕົ້ນຂອງການຮ່ວມມືມາຮອດປະຈຸບັນ, ສອງຝ່າຍໄດ້ຂຸດຄົ້ນພົບສິ່ງເສດເຫຼືອຂອງທະຫານອາເມລິກາ ແລະຈັດສົ່ງແລ້ວຈຳນວນ 287 ຄົນ ໃນຈໍານວນຜູ້ຫາຍສາບສູນທັງໝົດ 573 ຄົນ ຫຼື ຫຼາຍກວ່າ 50% ແລະ ຍັງອີກ 286 ຄົນທີ່ຝ່າຍອາເມລິກາຈໍາເປັນ ແລະ ຕ້ອງການການຮ່ວມມືຈາກຝ່າຍລາວໃນການສືບຕໍ່ຄົ້ນ ຫາ, ຊຶ່ງລັດຖະບານລາວເຫັນດີຈະສືບຕໍ່ໃຫ້ການຮ່ວມມືກັບອາເມລິກາບົນພື້ນຖານຄວາມອາດສາມາດ ແລະເງື່ອນໄຂຕົວຈິງຂອງຕົນກໍຄືອີງໃສ່ບັນຍາກາດການພົວພັນຮ່ວມມືລະຫວ່າງສອງປະເທດລາວ-ອາເມລິກາ ໃນອະນາຄົດ.

ພາບຂ່າວ:

________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์