ທຫລ ຍົກລະດັບມາດຕະຖານສາກົນການລາຍງານການເງິນ

 ມາດຕະຖານ BASEL II” ໃນວັນທີ 4 ທັນວາ 2019 ທີ່ ທຫລ ໂດຍການໃຫ້ກຽດເຂົ້າຮ່ວມຂອງທ່ານ ນາງ ຂັນແກ້ວ ຫຼ້າມະນີເງົາ ຫົວໜ້າກົມບັນຊີ ແລະການເງິນ; ພ້ອມນີ້, ກໍມີທ່ານ ຈະຕຸພອນ ບຸຊະຍະອັງກູນ ຜູ້ຈັດ ການສາ ຂາທະນາຄານກະສິກອນໄທ ຈຳກັດສາຂານະຄອນຫຼວງວຽງຈັນ ພ້ອມດ້ວຍນັກວິທະຍາກອນ ແລະ ບັນດາພະນັກງານຈາກກົມ-ທຽບເທົ່າກົມກ່ຽວຂ້ອງເຂົ້າ ຮ່ວມ.

ການສຳມະນາຄັ້ງນີ້ ໄດ້ລົງເລິກກ່ຽວ ກັບມາດຕະຖານສາກົນດ້ານການລາຍ ງານການເງິນ (IFRS9) ປຽບທຽບ ຄວາມແຕກຕ່າງ ແລະວິທີການຄໍານວນ; ແນວທາງການກຽມຄວາມພ້ອມ; ຜົນກະ ທົບທີ່ເກີດຂຶ້ນ ແລະຂໍ້ຄວນລະມັດລະວັງ ໃນການນໍາໃຊ້ມາດຕະຖານໃໝ່; ລາຍ ລະອຽດມາດຕະຖານບັນຊີສາກົນ (IAS12) ອາກອນລາຍໄດ້; ລາຍລະ ອຽດມາດຕະຖານບັນຊີສາກົນ (IAS19) ຜົນປະໂຫຍດຂອງພະນັກ ງານ; ຫຼັກເກນຂອງ BASEL II ແລະ BASEL III ແລະຄວາມຮູ້ທີ່ຕິດພັນກັບວຽກງານບັນຊີ ແລະການເງິນ.

ສະໜັບສະໜຸນໂດຍ: HONDA

  ມາດຕະຖານສາກົນດ້ານການລາຍງານການເງິນ IFRS ເປັນມາດຕະຖານ ການລາຍການເງິນທີ່ເປັນທີ່ຍອມຮັບຂອງສາກົນຊຶ່ງມີບົດບາດສໍາຄັນຕໍ່ກັບການຈັດຕັ້ງປະ ຕິບັດວຽກງານບັນຊີໂດຍສະເພາະວຽກງານບັນຊີໃນຂົງເຂດຂະແໜງການທະນາຄານເພື່ອເຮັດໃຫ້ເອກະສານລາຍງານການເງິນມີປະສິດທິພາບ, ຮັບປະກັນຄວາມໜ້າເຊື່ອຖື ແລະ ສາມາດປະຕິບັດໄດ້. ສໍາລັບຢູ່ ສປປ ລາວ, ໃນປີ 2013 ກົດໝາຍວ່າດ້ວຍການບັນຊີ (ສະບັບປັບປຸງ) ໄດ້ກໍານົດໃຫ້ວິສາຫະກິດທີ່ຮັບໃຊ້ຜົນປະໂຫຍດສາ ທາລະນະເຊັ່ນ: ທະນາຄານ ແລະ ສະຖາບັນການເງິນຕ້ອງປະຕິບັດຕາມມາດຕະຖານສາກົນດ້ານການລາຍງານການເງິນ IFRS ຊຶ່ງໃນປະຈຸບັນກົມບັນຊີ ແລະ ການເງິນສາມາດສັງລວມເນື້ອໃນໂດຍຫຍໍ້ຂອງມາດຕະຖານສາກົນດ້ານການລາຍງານການເງິນ IFRS ທີ່ຕິດພັນກັບຂະແໜງການທະນາຄານເປັນສະບັບພາສາລາວໄດ້ 16 ມາດຕະຖານທີ່ເປັນຄູ່ມືພື້ນຖານໃຫ້ແກ່ການຈັດຕັ້ງປະຕິບັດວຽກງານການບັນຊີຂອງຂະແໜງການທະນາຄານພ້ອມທັງຄົ້ນຄວ້າ, ຜັນຂະຫຍາຍເພື່ອໝູນໃຊ້ມາດ ຕະຖານສາກົນດ້ານການລາຍງານການເງິນ IFRS ອອກເປັນບົດແນະນຳການຈັດຕັ້ງປະຕິບັດໄດ້ 11 ມາດຕະຖານເພື່ອເປັນລະບຽບການ ແລະເປັນບ່ອນອີງໃຫ້ທະນາ ຄານທຸລະກິດ ແລະສະຖາບັນການເງິນ.

ພາບຂ່າວ:

   ທ່ານຫົວໜ້າກົມບັນຊີ ແລະການເງິນໄດ້ເນັ້ນວ່າ: ການຄຸ້ມຄອງທະນາຄານທຸລະກິດເປັນວຽກງານທີ່ສຳຄັນ ແລະທ້າທາຍຂອງຂະແໜງການທະນາຄານໃນການຄຸ້ມ ຄອງທະນາຄານທຸລະກິດ, ການຮັກສາຄວາມໜັ້ນຄົງ ແລະການເຕີບໃຫຍ່ຂະຫຍາຍຕົວຂອງລະບົບທະນາຄານໂດຍການຜັນຂະຫຍາຍແຜນແມ່ບົດໃນການຄຸ້ມຄອງທະ ນາຄານທຸລະກິດຕາມມາດຕະຖານບາເຊວໂດຍສະເພາະການກະກຽມຄວາມພ້ອມໃນການຈັັດຕັ້ງປະຕິບັດມາດຕະຖານ BASEL II ເພື່ອເຮັດໃຫ້ລະບົບທະນາຄານມີຄວາມໝັ້ນຄົງ, ເຂັ້ມແຂງ, ຍືນຍົງ ແລະທັນກັບສະພາບການຂະຫຍາຍຕົວຂອງຂະແໜງການທະນາຄານທັງໃຫ້ສາມາດເຊື່ອມໂຍງກັບພາກພື້ນ ແລະໃຫ້ຫຍັບເຂົ້າໃກ້ມາດຕະຖານສາກົນເທື່ອລະກ້າວ.

___________

ຂຽນໂດຍ: ຣັດສະໝີ ດວງສັດຈະ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์