ລາວແຟຊັນວິກ ຮ່ວມມືກໍ່ຕັ້ງສະພາແຟຊັນກັບ ສ.ເກົາຫຼີ

 ໂຄງການລາວແຟຊັນວິກ ແລະສົ່ງເສີມນັກອອກແບບໜຸ່ມນ້ອຍລາວໄດ້ເຊັນສັນຍາຮ່ວມມືການກໍ່ຕັ້ງສະພາແຟຊັນກັບສາທາລະນະລັດເກົາຫຼີ-ອາຊຽນ ເພື່ອສົ່ງເສີມການພັດທະນາວົງການແຟຊັນລະຫວ່າງກຸ່ມ 10 ປະເທດອາຊຽນ.

  ທ່ານນາງ ປານີ ໄຊຍະວົງສ໌ ຜູ້ກໍ່ຕັ້ງລາວແຟຊັ້ນວິກ ແລະໂຄງການສົ່ງເສີມນັກອອກແບບໜຸ່ມນ້ອຍລາວກ່າວວ່າ: ລາວແຟຊັນວິກເປັນໂຄງການທີ່ໃຫຍ່ສຸດຂອງລາວທີ່ໄດ້ຄັດເລືອກເອົານັກອອກແບບທີ່ມີຊື່ສຽງໃນວົງການແຟຊັນໄປສູ່ລະດັບເວທີສາກົນ ແລະ ໄດ້ສ້າງເຄືອຂ່າຍການຮ່ວມມືຢ່າງແໜ້ນແຟ້ນກັບບັນດາວົງການແຟຊັນສາກົນຄຽງຄູກັນນັ້ນລາວແຟຊັນວິກຍັງມີເປົ້າໝາຍສຳຄັນໃນການສ້າງໂອກາດໃຫ້ກັບບັນດານັກອອກແບບໜຸ່ມນ້ອຍຂອງລາວທີ່ຍັງດ້ອຍໂອກາດໃຫ້ມີເວທີສະແດງຜົນງານການອອກແບບ ແລະ ເປີດໂອກາດໃຫ້ພວກເຂົາໄດ້ກ້າວເຂົ້າສູ່ວົງການແຟຊັນມືອາຊີບສຳລັບໂຄງການລາວແຟຊັນວິກ 2019 ຊຶ່ງໄດ້ແຂ່ງຂັນໂດຍພາຍໃຕ້ຫົວຂໍ້ “ກີບດອກໄມ້” ແລະ ມີນັກອອກແບບໜຸ່ມນ້ອຍລາວ 5 ຄົນທີ່ຊະນະເລີດຂອງການອອກແບບປະດິດຊຸດອາພອນ.

ສະໜັບສະໜຸນໂດຍ: HONDA

  ເພື່ອໃຫ້ວົງການແຟຊັນວິກລາວໄດ້ພັດທະນາກ້າວຂຶ້ນເລື້ອຍໆ ໃນວັນທີ 25 ພະຈິກ 2019 ຜ່ານມານີ້ທີ່ງານອາຊຽນ-ເກົາຫຼີແຟຊັນວິກເມືອງບູຊານປະເທດເກົາຫຼີ ທ່ານນາງ ປານີ ໄຊຍະວົງສ໌ ໄດ້ເຊັນສັນຍາຮ່ວມມືກໍ່ຕັ້ງສະພາແຟຊັນກັບສາທາລະນະລັດເກົາຫຼີ-ອາຊຽນເພື່ອສົ່ງເສີມການຮັດທີ່ແໜ້ນແຟ້ນທາງດ້ານການພັດທະນາວົງການແຟຊັນລະຫວ່າງກຸ່ມ 10 ປະເທດອາຊຽນ ແລະສາທາລະລັດເກົາຫຼີໃນການຍົກລະດັບສ້າງສັນຜົນງານຂອງນັກອອກແບບໜຸ່ມນ້ອຍຂອງລາວໃຫ້ນັບແຕ່ມື້ມີຄວາມໂດດເດັ່ນໃນດ້ານສິລະປະການປະຍຸກ ແລະມີການຂະຫຍາຍຕົວຂຶ້ນລະດັບສາກົນ.

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• ບໍລິການໂຄສະນາທາງເຟສບຸກ ແລະເວັບໄຊ
• ໂທ: 021 313645, 316511

• 05/12/2019