ສາລະວັນແຕ່ງຕັ້ງຜູ້ຮັກສາການເລຂາຄະນະ ບໍລິຫານງານຊາວໜຸ່ມ

 ພິທີມອບ-ຮັບໜ້າທີ່ເລຂາຄະນະບໍລິຫານງານຊາວໜຸ່ມແຂວງຜູ້ເກົ່າ ແລະ ຜູ້ຮັກສາການສາລະວັນຜູ້ໃໝ່, ລະຫວ່າງສະຫາຍ ຈັນສີລອນ ສີສົມບູນ ກຳມະການພັກແຂວງເລຂາຄະນະບໍລິຫານງານຊາວໜຸ່ມແຂວງຜູ້ເກົ່າກັບ ສະຫາຍ ຈັນເພັງ ສາຍທຳມະວົງເປັນຜູ້ຮັກສາການຄົນໃໝ່ໄດ້ຈັດຂຶ້ນໃນທ້າຍເດືອນ ພະຈິກ ຜ່ານມາທີ່ຫ້ອງ ການຊາວໜຸ່ມແຂວງໂດຍຊ້ອງໜ້າຂອງ ສະຫາຍ ບົວທອງ ຄຸນຍອດປັນຍາ ຮອງເລຂາພັກ ແຂວງຮອງເຈົ້າ ແຂວງໆສາລະວັນ ແລະຄະນະຊາວໜຸ່ມຂັ້ນແຂວງ ແລະ ເມືອງເຂົ້າຮ່ວມເປັນສັກຂີພິຍານ.

  ໂດຍປະຕິບັດຕາມຂໍ້ຕົກລົງຂອງຄະນະປະຈຳພັກແຂວງສາລະວັນ ເລກທີ 422/ຄຈພຂ.ສວ ລົງວັນທີ 8 ພະຈິກ 2019 ວ່າດ້ວຍການໂຍກຍ້າຍ ສະຫາຍ ຈັນສິລອນ ສີສົມບູນ ກຳມະການພັກແຂວງເລຂາຄະນະບໍລິຫານງານຊາວໜຸ່ມແຂວງໄປຈຳປະການ ແລະ ຮັບໜ້າທີ່ໃໝ່ ແລະ ປະຕິບັດຕາມຂໍ້ຕົກລົງເລກທີ 424/ຄຈພຂ.ສວ ລົງວັນທີ 8 ພະຈິກ 2019 ວ່າດ້ວຍການເຫັນດີແຕ່ງຕັ້ງ ສະຫາຍ ຈັນເພັງ ສາຍທຳມະວົງ ຮອງເລຂາ ຄຊປປລ ແຂວງເປັນຜູ້ຮັກສາການຄົນໃໝ່, ໂອກາດດຽວກັນນັ້ນ ສະຫາຍ ຈັນສິລອນ ສີສົມບູນ ກໍ່ໄດ້ກ່າວມອບໜ້າທີ່ວຽກງານທີ່ຕົນຮັບຜິດຊອບເປັນຕົ້ນແມ່ນ: ວຽກງານການຊີ້ນຳໆພາໃນໄລຍະ 5 ປີຜ່ານມາທັງດ້ານວຽກງານການຈັດຕັ້ງພັກ ແລະວຽກງານລັດ, ທັງດ້ານດີ, ຂໍ້ຄົງຄ້າງ ແລະບັນດາວຽກງານຕ່າງໆທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດໃນຕໍ່ໜ້າເພື່ອເຮັດໃຫ້ຜູ້ຮັບໜ້າທີ່ໃໝ່ໄດ້ຮັບຮູ້, ເຂົ້າ ໃຈ ແລະ ມີຄວາມເປັນເອກະພາບກັນໃນຄະນະ.ຈາກນັ້ນກໍ່ໄດ້ເຊັນບົດບັນທຶກມອບ-ຮັບ ຢ່າງເປັນທາງການ.

ສະໜັບສະໜຸນໂດຍ: HONDA

  ໃນຕອນທ້າຍ ສະຫາຍ ບົວທອງ ຄຸນຍອດປັນຍາ ໄດ້ສະແດງຄວາມຊົມເຊີຍຕໍ່ໝາກຜົນໆງານທີ່ຍາດມາໄດ້ແຫ່ງຜົນສຳເລັດຫຼາຍດ້ານ, ພ້ອມທັງໄດ້ເນັ້ນໜັກໃຫ້ຜູ້ຮັກສາການກໍ່ຄືພະນັກງານຫຼັກແຫຼ່ງຕ້ອງເຊີດຊູຄວາມຮັບຜິດຊອບ,ເພີ່ມທະວີບົດບາດໃນການນຳພາຊາວໜຸ່ມເຂົ້າໃນທຸກຂົງເຂດວຽກງານໃຫ້ເປັນຂະບວນກວ້າງຂວາງ, ຍົກສູງຕໍ່ການຄົ້ນຄວ້າຮໍ່າຮຽນ, ແບບແຜນການນຳພາ, ວິທີເຮັດວຽກໃຫ້ສູງຂຶ້ນກວ່າເກົ່າ ແລະ ສືບຕໍ່ນຳພາວຽກງານອົງການ ຈັດຕັ້ງຊາວໜຸ່ມໃຫ້ມີຄວາມເຂັ້ມແຂງໃນທຸກດ້ານ, ເພີ່ມທະວີຄວາມສາມັກຄີພາຍໃນ ແລະພາຍນອກໃຫ້ກວ້າງຂວາງ, ທັງເປັນເຈົ້າການປະຕິບັດໜ້າທີ່ວຽກງານດ້ວຍຄວາມຮັບຜິດຊອບ ແລະສຳເລັດຕາມລະ ດັບຄາດໝາຍທີ່ວາງໄວ້.

__________

ຂຽນໂດຍ: ທິດລານີ ໂຄດໂຍທາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์