ເມືອງມະຫາໄຊ ສຳເລັດກອງປະຊຸມໃຫຍ່ ຄັ້ງທີ XIII

 ກອງປະຊຸມໃຫຍ່ຄັ້ງທີ XIII ຂອງອົງ ຄະນະພັກເມືອງມະຫາໄຊ ແຂວງຄໍາມ່ວນ ໄດ້ດໍາເນີນຂຶ້ນໃນລະຫວ່າງວັນທີ 3-4 ທັນວາ 2019 ໂດຍການເປັນປະທານຂອງ ສະຫາຍ ບົວພັນ ແສງຈັນ ວ່າການເລຂາພັກເມືອງ, ເຈົ້າເມືອງໆມະຫາໄຊ, ເປັນກຽດເຂົ້າຮ່ວມມີສະຫາຍ ໂອໄດ ສຸດາພອນ ກຳມະການສູນກາງພັກ,ເລຂາພັກແຂວງ, ເຈົ້າແຂວງໆຄຳມ່ວນ, ມີບັນດາຄະນະບໍລິຫານງານພັກແຂວງ, ຄະນະບໍລິຫານງານພັກເມືອງອ້ອມຂ້າງ, ພະນັກງານອາວຸໂສບຳນານຕະຫຼອດເຖິງຜູ້ແທນສົມບູນຈຳ ນວນ 141 ສະຫາຍທີ່ເປັນຕົວແທນໃຫ້ແກ່ສະມາຊິກພັກຈຳນວນ 2.038 ສະຫາຍໃນທົ່ວເມືອງເຂົ້າຮ່ວມ.

ສະໜັບສະໜຸນໂດຍ: HONDA

ສະຫາຍ ບົວພັນ ແສງຈັນ ວ່າການເລຂາພັກເມືອງ, ເຈົ້າເມືອງໆມະຫາໄຊໄດ້ກ່າວໄຂກອງປະຊຸມພ້ອມທັງຕີລາຄາຜົນສຳເລັດຂອງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງ ທີ XII ຂອງອົງຄະນະພັກເມືອງໃນໄລຍະ 5 ປີຜ່ານມາ ຊຶ່ງເມືອງມະຫາໄຊ ແມ່ນມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບໂດຍພື້ນຖານ,ເສດຖະກິດມີການຂະຫຍາຍຕົວໃນລະດັບທີ່ດີ, ລວມຍອດຜະລິດຕະພັນພາຍໃນປະຕິບັດໄດ້ 295,5 ຕື້ກີບ,ສະເລ່ຍລາຍຮັບຕໍ່ຫົວຄົນ 10 ລ້ານກວ່າ ກີບ ຫຼື ເທົ່າກັບ 1.269 ໂດລາສະຫະລັດ, ໄລຍະ 5 ປີຜ່ານມາມີໂຄງການລົງທຶນທັງໝົດ 145 ໂຄງການ, ປະຕິບັດໄດ້ 102 ໂຄງການມີມູນຄ່າການລົງທຶນທັງໝົດ 586 ຕື້ກີບ, ໃນນັ້ນໂຄງການລົງທຶນຂອງລັດມີ 53 ໂຄງການມູນຄ່າ 563 ຕື້ກີບ, ທຶນສົມທົບລະຫວ່າງເມືອງກັບບ້ານ 11 ໂຄງການ ມູນຄ່າ 2,28 ຕື້ກີບ ,  ໂຄງການຊ່ວຍເຫຼືອຈາກຕ່າງປະເທດ 31 ໂຄງການມູນຄ່າ 12 ຕື້ກີບ ແລະ ໂຄງການລົງທຶນ ພາກເອກະຊົນທັງພາຍໃນ ແລະ ຕ່າງປະເທດ 7 ໂຄງການ ມູນຄ່າ 7 ຕື້ກີບ. ປີ 2019 ທົ່ວເມືອງ ມີເນື້ອທີ່ນາປີ 9.060 ເຮັກຕາທຽບໃສ່ປີ 2014 ເພີ່ມຂຶ້ນ 410 ເຮັກຕາ, ຜົນຜະລິດ 25 ພັນໂຕນ ສະເລ່ຍເຂົ້າກິນໃສ່ຫົວຄົນເທົ່າກັບ 659 ກິໂລ ຕໍ່ຄົນຕໍ່ປີ, ວຽກງານພັດທະນາຊົນນະບົດ ແລະລຶບລ້າງຄວາມທຸກຍາກໄດ້ຍົກຍ້າຍປະຊາຊົນທີ່ບໍ່ມີທີ່ຢູ່ອາໄສຖາວອນ ແລະບໍ່ມີເນື້ອທີ່ທຳການຜະລິດໄປຢູ່ບ້ານນໍ້າມະລາຈຳນວນ 22 ຄອບຄົວ, ມີພົນລະເມືອງ 106 ຄົນ, ກໍ່ສ້າງເສັ້ນທາງດິນແດງເຂົ້າຫາບ້ານສຳເລັດ 100% ຂອງຈຳນວນບ້ານທັງໝົດໃນທົ່ວເມືອງ, ຂະຫ ຍາຍຕາຄ່າຍໄຟຟ້າສາມາດຊົມໃຊ້ໄດ້ກວມເອົາ 90%, ມາຮອດປະຈຸບັນທົ່ວເມືອງມີບ້ານພັດທະນາ 58 ບ້ານ ເທົ່າກັບ 86%, ຄອບຄົວພັດທະນາ 5.868 ຄອບຄົວເທົ່າກັບ 83%, ສາມາດລຶບລ້າງບ້ານທຸກຍາກໄດ້ 100% ແລະ ຄອບຄົວທຸກຍາກ ຍັງເຫຼືອ 10 ຄອບຄົວເທົ່າກັບ 0,13%.

   ກອງປະຊຸມໃຫຍ່ອົງຄະນະພັກເມືອງມະຫາໄຊ ຍັງໄດ້ຮັບຟັງການປະກອບຄຳເຫັນຈາກຕາງໜ້າຄະນະບໍລິຫານງານພັກເມືອງຍົມມະລາດ, ເມືອງໄຊບົວທອງ, ຕາງ ໜ້າຂົງເຂດປ້ອງກັນຊາດ-ປ້ອງກັນຄວາມສະຫງົບຂອງເມືອງ, ຕາງໜ້າຂົງເຂດເສດຖະກິດ, ວັດທະນະທຳສັງຄົມ, ອົງການຈັດຕັ້ງມະຫາຊົນ, ຄະນະພັກຮາກຖານບ້ານປ່າໜາມ ແລະຄອບຄົວຕົວແບບດ້ານການຜະລິດແນວພັນເຂົ້າບ້ານມະຫາໄຊ ແລະຜ່ານບົດສຳຫຼວດການນຳພາລວມຂອງອົງຄະນະພັກເມືອງຊຸດເກົ່າພ້ອມທັງຜ່ານມາດຖານເງື່ອນໄຂຂອງຜູ້ທີ່ລົງສະໝັກເລືອກຕັ້ງຄະນະບໍລິຫານງານພັກເມືອງຊຸດໃໝ່ຊຶ່ງມີຜູ້ລົງສະໝັກຈຳນວນ 29 ສະຫາຍ ເລືອກເອົາ 25 ສະຫາຍ, ກອງປະຊຸມຄັ້ງປະຖົມມະລຶກໄດ້ເປັນເອກະສັນກັນເລືອກເອົາ ສະຫາຍ ບົວພັນ ແສງຈັນ ເປັນເລຂາຄະນະບໍລິຫານງານພັກເມືອງ, ສະຫາຍ ສົມບູນ ແກ້ວວົງສາ ເປັນຮອງເລຂາ ແລະ ສະຫາຍ ອິນທະວົງ ພົມມະຈັນ ເປັນຮອງເລຂາທັງເປັນປະທານກວດກາພັກ.

-------------

ໜັງສືພີມເສດຖະກິດ-ສັງຄົມ

แชร์