ວາງສະແດງຜົນງານການຂຽນຕົວໜັງສື ແລະຮູບແຕ້ມຈີນ

  ໃນລະຫວ່າງວັນທີ 30 ພະຈິກ-5 ທັນວາ 2019 ທີ່ນະຄອນຫຼວງວຽງຈັນ ສູນວັດທະນະທໍາຈີນ ປະຈໍາ ສປປ ລາວ ຮ່ວມກັບຄະນະບໍລິຫານງານກຸ່ມໂຮງຮຽນສອນ ແລະຮຽນພາສາຈີນ,ສະມາຄົມນັກຂຽນຕົວໜັງສືຈີນຂອງລາວ, ສະຖາບັນຂົງຈືມະຫາວິທະຍາໄລແຫ່ງຊາດໄດ້ຈັດພິທີເປີດງານວາງສະແດງຜົນງານການຂຽນຕົວໜັງສື ແລະຮູບແຕ້ມຈີນ ຄັ້ງທີສາມ ໂດຍມີທ່ານ ສິນເສິນ ທີ່ປຶກສໍາສະຖານທູດຈີນປະຈໍາ ສປປ ລາວ, ທ່ານ ສີຄຸນ ບຸນວິໄລ ເລຂາທິການສະມາຄົມມິດຕະພາບລາວ-ຈີນ, ທ່ານ ບຸນສິໜອງ ສີຫາລາດ ຫົວໜ້າກົມວິຈິດສິນກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ທ່ານ ບົວເງິນ ພິມມະຈັກ ຮອງຫົວໜ້າກົມວິຈິດສິນ, ທ່ານ ນາງ ຍອນວິໄລ ໄຊຍະເລີດ ອໍານວຍການສະຖາບັນຂົງຈືຝ່າຍລາວ, ທ່ານ ນາງ ຫຼີຊ່ຽວ ອໍານວຍການສະຖາບັນຂົງຈືຝ່າຍຈີນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສະໜັບສະໜຸນໂດຍ: HONDA

  ການຈັດງານໃນຄັ້ງນີ້ເພື່ອສະໜອງເວທີໃຫ້ແກ່ຄົນມັກຮັກໃນການຂຽນຕົວໜັງສືຈີນ ແລະຮູບແຕ້ມຈີິນໄດ້ມີໂອກາດແລກປ່ຽນຮຽນຮູ້ເຊິ່ງກັນ ແລະກັນ, ພ້ອມກັນນັ້ນຍັງເປັນການເຜີຍແຜ່ວັດທະນະທໍາຈີນທີ່ມີມູນເຊື້ອອັນດີງາມ ແລະເສີມຂະຫຍາຍມິດຕະພາບລາວ-ຈີນໃຫ້ເລິກເຊິ່ງກວ່າເກົ່າ ແລະພາຍໃນງານທີ່ມີສີສັນຫຼາກຫຼາຍຂອງ ຊາວຈີນທີ່ອາໄສຢູ່ລາວ, ຄົນລາວ ແລະຊາວຕ່າງຊາດຜູ້ທີ່ມັກຮັກໃນການຂຽນຕົວໜັງສືຈີນ ແລະຮູບແຕ້ມຈໍານວນ 60 ໃບ, ຊຶ່ງຜູ້ເຂົ້າຮ່ວມໄດ້ໃຊ້ພູ່ກັນເປັນຕົວສືທີ່ໄດ້ສະ ແດງໃຫ້ເຫັນຄວາມຮັກຕໍ່ສິລະປະວັດທະນະທໍາຈີນທີ່ເປັນມູນເຊື້ອ, ການອວຍພອນໃຫ້ແກ່ປີທ່ອງທ່ຽວລາວ-ຈີນ ແລະສັນລະເສີນຕໍ່ມິດຕະພາບລາວ-ຈີນ.

  ໃນງານດັ່ງກ່າວທາງບໍລິສັດ ເອັສທີເອັສຂາອອກ-ຂາເຂົ້າຈໍາກັດ ຜູ້ດຽວໄດ້ຊື້ຜົນງານຂອງທ່ານ ເຢີ້ ຈ້ຽນເຝີ່ງ ຜູ້ອໍານວຍການສະມາຄົມນັກຂຽນຕົວໜັງສືຈີນຂອງລາວ ໄດ້ມອບເງິນ 18 ລ້ານກີບ ໃຫ້ແກ່ໂຮງຮຽນປະຖົມບໍລິບູນຈີນປາກເຊທີ່ປະສົບໄພນໍ້າຖ້ວມໃນໄລຍະຜ່ານມາ

--------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 05/12/2019