ຄຳມ່ວນສະຫຼອງວັນຊາດຄົບຮອບ 44 ປີ

  ພິທີໂຮມຊຸມນຸມສະເຫຼີມສະຫຼອງວັນຊາດທີ 2 ທັນວາ ຄົບຮອບ 44 ປີ (2 ທັນວາ 1975-2 ທັນວາ 2019) ແລະລະນຶກວັນຄ້າຍວັນເກີດປະທານໄກສອນ ພົມວິ ຫານ ຄົບຮອບ 99 ປີ (13 ທັນວາ 1920-13 ທັນວາ 2019) ຈັດ ຂຶ້ນໃນວັນທີ 2 ທັນວາ 2019 ທີ່ ສະໂມສອນຫຼັກ 4 ໂດຍເປັນກຽດເຂົ້າຮ່ວມ ແລະ ກ່າວປາ ໃສຂອງ ທ່ານ ໂອໄດ ສຸດາພອນ ກຳມະການສູນກາງພັກ, ເລຂາພັກແຂວງເຈົ້າແຂວງໆຄຳມ່ວນ, ມີບັນດາທ່ານພະນັກງານປະຕິວັດ-ອາວຸໂສບຳນານ, ຄະນະບໍລິຫານງານພັກແຂວງ, ພະແນກການອ້ອມຂ້າງ, ອົງການຈັດຕັ້ງມະຫາຊົນ, ນາຍ ແລະພົນທະຫານ, ນາຍ ແລະ ພົນ ຕຳຫຼວດ ຕະຫຼອດເຖິງນັກສຶກສາປັນຍາຊົນເຂົ້າຮ່ວມ.

ສະໜັບສະໜຸນໂດຍ: HONDA

 ທ່ານ ໂອໄດ ສຸດາພອນ ໄດ້ຂຶ້ນກ່າວປາໃສຕໍ່ພິທີໂຮມຊຸມນຸມຊຶ່ງໄດ້ຫວນຄືນມູນເຊື້ອຂອງຊາດ-ຂອງພັກພ້ອມທັງຍົກໃຫ້ເຫັນເຖິງຜົນງານການປົກປັກຮັກສາ ແລະ ສ້າງ ສາພັດທະນາປະເທດຊາດຕະຫຼອດໄລຍະ 44 ປີຜ່ານມາ. ຊຶ່ງກ່ອນໜ້າວັນທີ 2 ທັນວາ 1975 ຊາດລາວໄດ້ຖືກຈັກກະພັດຕ່າງ ດ້າວຮຸກຮານກົດຂີ່ຂົ່ມເຫັງປະຊາຊົນລາວກາຍເປັນຂ້ອຍຂ້າຂອງພວກເຂົາເປັນເວລາອັນຍາວນານແຕ່ດ້ວຍມູນເຊື້ອຕໍ່ສູ້ອັນພິລະອາດຫານ, ເດັດດ່ຽວບໍ່ຍອມຈຳນົນປະ ຊາຊົນລາວເຮົາໄດ້ດຳເນີນການຕໍ່ສູ້ຢ່າງຕໍ່ເນື່ອງ-ລຽນຕິດຢ່າງດຸເດືອດຂ້ຽວຂາດ ແລະຫຍຸ້ງຍາກລຳບາກເພື່ອຍາດເອົາຄວາມເປັນເອກະລາດ ແລະອິດສະຫຼະພາບຂອງຊາດເພື່ອປົດປ່ອຍປະເທດຊາດໂດຍພາຍ

ໃຕ້ການນຳພາຂອງພັກ ປະຊາຊົນລາວ ໃນເມື່ອກ່ອນ (ພັກປະຊາຊົນປະຕິວັດລາວ ໃນ ປະຈຸບັນ) ແລະ ສາມາດຍາດໄດ້ໄຊຊະນະນັບມື້ນັບເຕີບໃຫຍ່ຂະຫຍາຍຕົວຈາກໄຊຊະນະນີ້ໄປສູ່ໄຊຊະນະໃໝ່ຈົນໄດ້ໄຊຊະນະທີ່ສົມບູນ ໃນວັນທີ 2 ທັນວາ 1975 ແລ້ວ ສະຖາປະນາເປັນປະເທດ ສາທາ ລະນະລັດ ປະຊາທິປະໄຕ ປະຊາ ຊົນລາວຂຶ້ນ ເຮັດໃຫ້ສົງຄາມອັນຍືດເຍື້ອຍາວນານ ແລະຂະບວນການຕໍ່ສູ້ອັນສະຫງ່າອົງອາດກວ່າໝູ່ໃນປະຫວັດສາດຂອງຊາດລາວວິລະຊົນໄດ້ສິ້ນສຸດລົງດ້ວຍໄຊຊະນະອັນຍິ່ງໃຫຍ່. ພ້ອມນັ້ນກໍ່ໄດ້ຍົກໃຫ້ເຫັນເຖິງຊີວິດ ແລະການເຄື່ອນໄຫວປະຕິວັດຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາ ລົບຮັກຂອງປວງຊົນລາວ ທ່ານ ແມ່ນຜູ້ຮັກຊາດ, ນັກປະຕິວັດທີ່ຍິ່ງໃຫຍ່ຂອງຊາດ, ວິລະບູລຸດຜູ້ນຳຂອງພັກ-ລັດ ທີ່ປີຊາສາມາດສະຫຼາດສ່ອງໃສທັງເປັນນັກທິດສະດີ ແລະພຶດຕິກຳ, ເປັນຜູ້ທີ່ມີຄຸນສົມບັດສິນທຳປະຕິວັດສູງສົ່ງ, ມີທັດສະນະມະຫາຊົນກວ້າງຂວາງທັງເປັນຜູ້ວາງແນວທາງ ແລະ ແບບຢ່າງປະຕິບັດແນວທາງຕ່າງປະເທດຢ່າງຖືກຕ້ອງເຮັດໃຫ້ ສປປ ລາວ ມີບົດບາດໃນເວທີສາກົນນັບມື້ສູງຂຶ້ນ.

  ໃນໂອກາດສະເຫຼີມສະຫຼອງວັນດັ່ງກ່າວບັນດາການນໍາຂອງແຂວງຍັງໄດ້ເຄື່ອນໄຫວວາງພວງມາລາຢູ່ອະນຸສາວະລີນັກຮົບນິລະນາມ, ອະນຸສາວະລີປະທານ ໄກສອນ ພົມວິຫານ ແລະອະນຸສາວະລີປະທານ ສຸພານຸວົງ ເພື່ອລະນຶກເຖິງບຸນຄຸນ, ຄຸນງາມຄວາມດີທີ່ເພິ່ນໄດ້ສ້າງໄວ້.

 --------------------

ໜັງສືພີມເສດຖະກິດ-ສັງຄົມ

แชร์