ບ້ານນາວຽງຄຳ ອອກແຮງງານລວມ ຕ້ອນຮັບວັນຊາດ

   ເຊົ້າວັນທີ 30 ພະຈິກ 2019 ທີ່ໜ້າເດີ່ນອານຸສາວະລີ ສຸພານຸວົງ ແຂວງຫຼວງພະບາງ ໄດ້ມີການຮ່ວມຕົວກັນຂອງປະຊາຊົນພາຍໃນບ້ານໆນາວຽງຄຳຈັດກິດຈະກຳຮ່ວມແຮງຮ່ວມໃຈອອກແຮງງານເພື່ອຕ້ອນຮັບວັນຊາດ ທີ 2 ທັນວາ ຄົບຮອບ 44 ປີ ໂດຍການນໍາພາຂອງທ່ານ ຄໍາສິງ ສຸວັນນະລາດ ນາຍບ້ານໆນາວຽງຄຳພ້ອມດ້ວຍປະຊາຊົນພາຍໃນບ້ານຈຳນວນ 100 ກວ່າຄົນເຂົ້າຮ່ວມ.

  ທ່ານ ຄຳສິງ ສຸວັນນະລາດ ຍັງໄດ້ໃຫ້ສຳພາດວ່າ: ໃນການລວມຕົວປະຊາຊົນພາຍໃນບ້ານຄັ້ງນີ້ກໍ່ເພື່ອເປັນການສ້າງຄວາມສາມັກຄີພາຍໃນບ້ານບ້ານນາວຽງຄຳຂອງເຮົານັ້ນເອງ, ໃຫ້ມີຄວາມເປັນລະບຽບ-ຮຽບຮ້ອຍສ້າງຄວາມສະອາດງາມຕາທັງເປັນການຕ້ອນຮັບວັນຊາດທີ 2 ທັນວາຄົບຮອບ 44 ປີ ໃນການອອກແຮງງານຄັ້ງນີ້ໄດ້ນໍາພາປະຊາຊົນພາຍໃນບ້ານອະນາໄມຕາມເສັ້ນທາງຫຼວງຂອງບ້ານ, ໂດຍມີການປັດກວດອະນາໄມຕາມແຄມທາງ,ຖາງຫຍ້າຕາມ ຂ້າງທາງ ແລະ ອະນາໄມຕາມຮ່ອງນ້ຳທີ່ມີການເປີເປື້ອນຮ່ອງນ້ຳບໍ່ໄຫຼເນື່ອງຈາກເສດຂີ້ເຫຍື້ອທີ່ຄ້າງພາຍໃນຮ່ອງລະບາຍນ້ຳໃຫ້ມີຄວາມສະອາດສວຍງາມ ແລະຍັງເປັນການທໍາລາຍແຫຼ່ງແຜ່ພັນຂອງຍຸງລາຍນຳອີກ.

ສະໜັບສະໜຸນໂດຍ: HONDA

  ໃນການອອກແຮງງານລວມກັນຄັ້ງນີ້ຍັງໄດ້ເຫັນເຖິງຄວາມເປັນນ້ຳໜຶ່ງໃຈດຽວຂອງປະຊາຊົນພາຍໃນບ້ານທີ່ຕັ້ງໜ້າປະຕິບັດຊ່ວຍເຫຼືອສ້າງຄວາມສາມັກຄີເປັນກຸ່ມກ້ອນອະນາໄມຂອບເຂດບ້ານຂອງຕົນໃຫ້ມີຄວາມເປັນລະບຽບຮຽບຮ້ອຍສະອາດງາມຕາຕໍ່ສາຍຕາຂອງແຂກຕ່າງດ້າວທ້າວຕ່າງແດນທີ່ຜ່ານເຂົ້າມາທ່ຽວຊົມບ້ານເມືອງເຮົາ ແລະ ຍັງເປັນການສ້າງຄວາມສາມັກຄີເປັນນ້ຳໜຶ່ງໃຈດຽວຂອງປະຊາຊົນພາຍໃນບ້ານເພື່ອຕ້ອນຮັບວັນຊາດທີ 2 ທັນວາ ໜັ້ນຍືນ.

__________

ຂຽນໂດຍ: ສອນມະນີ ໄຊສະຫວັດ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

 

 

แชร์