ສາລະວັນແຕ່ງຕັ້ງເຈົ້າເມືອງຄົງເຊໂດນໃໝ່

  ຫວ່າງບໍ່ດົນຜ່ານມານີ້ ເມືອງຄົງເຊໂດນ ແຂວງສາລະວັນ ໄດ້ຈັດພິທີມອບ-ຮັບຕໍາແໜ່ງເຈົ້າ ເມືອງຄົງເຊໂດນຜູ້ເກົ່າ ສະຫາຍ ບຸນປອນ ອາສາພິທັກ ແລະເຈົ້າເມືອງຄົງເຊໂດນຜູ້ໃໝ່ ສະຫາຍ ແຫວນເພັດ ລັດດາວົງ ຂຶ້ນຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງ, ເປັນກຽດເຂົ້າຮ່ວມໂດຍສະຫາຍ ບົວທອງ ຄຸນຍອດ ປັນຍາ ຮອງເຈົ້າແຂວງສາລະວັນ, ມີການນຳແຂວງ, ພະນັກງານກໍ່ສ້າງຮາກຖານທ່ານ, ມີບັນດາຮອງເຈົ້າເມືອງ, ຫົວໜ້າຫ້ອງການອ້ອມຂ້າງເມືອງ ແລະພະນັກງານລັດຖະກອນສະມາຊິກພັກ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ສະໜັບສະໜຸນໂດຍ: HONDA

  ໂດຍປະຕິບັດຕາມມະຕິຕົກລົງຂອງຄະນະເລຂາທິການສູນກາງພັກ ເລກທີ 114/ຄລສພ, ລົງວັນທີ 14 ມິຖຸນາ 2019 ວ່າດ້ວຍການອະນຸມັດໃຫ້ພະນັກງານອອກພັກການ-ຮັບອຸດໜູນບໍານານຕົກລົງໃຫ້ສະຫາຍ ບຸນປອນ ອາສາພິທັກ ກຳມະການພັກແຂວງ, ເລຂາພັກເມືອງຄົງເຊໂດນ, ອອກພັກການຮັບອຸດໜູນບໍານານ ແລະປະ ຕິບັດຕາມຂໍ້ຕົກລົງຄະນະປະຈໍາພັກແຂວງສາລະວັນ ເລກທີ 425/ຄຈພຂ.ສວ, ລົງວັນທີ 11 ພະຈິກ 2019 ວ່າດ້ວຍການແຕ່ງຕັ້ງເລຂາພັກເມືອງຄົງເຊໂດນ ແລະ ຂໍ້ຕົກລົງຂອງທ່ານ ເຈົ້າແຂວງສາລະວັນ ສະບັບເລກທີ 708/ຈຂ,ສວ, ລົງວັນທີ 11 ພະຈິກ 2019 ວ່າດ້ວຍການແຕ່ງຕັ້ງ ສະ ຫາຍ ແຫວນເພັດ ລັດດາວົງກຳມະ ການພັກແຂວງ ເປັນເຈົ້າເມືອງຄົງ ເຊໂດນຜູ້ໃໝ່, ຈາກນັ້ນກັນນັ້ນ ສະຫາຍ ບຸນປອນ ອາສາພິທັກ ເຈົ້າ ເມືອງຄົງເຊໂດນຜູ້ເກົ່າກໍໄດ້ຂຶ້ນຜ່ານບົດສະຫຼຸບຕີລາຄາການຊີ້ນຳໆພາຂອງຄະນະບໍລິຫານງານພັກເມືອງ 5 ປີ ສະໄໝທີ VII ເຊິ່ງ ມີຜົນສໍາເລັດຫຼາຍດ້ານມີທັງດ້ານດີ, ດ້ານອ່ອນ ແລະ ຂໍ້ຄົງຄ້າງວຽກງານທີ່ຈະສືບຕໍ່ປະຕິບັດໃນໄລຍະຕໍ່ໜ້າເພື່ອໃຫ້ຜູ້ມາຮັບໜ້າທີ່ໃໝ່ໄດ້ຮັບຮູ້ເຂົ້າໃຈ, ສະຫາຍ ແຫວນເພັດ ລັດດາວົງກໍໄດ້ຂຶ້ນຮັບໜ້າທີ່ພ້ອມທັງໃຫ້ຄໍາໝັ້ນສັນຍາວ່າຈະສືບຕໍ່ຈັດຕັ້ງປະຕິບັດ ແລະຊີ້ນໍາໆພາ, ຊຸກຍູ້ການພັດທະນາໃຫ້ເມືອງຄົງເຊໂດນໃຫ້ກ້າວໄກຂຶ້ນໄປເລື້ອຍໆ.

  ຈາກນັ້ນກໍໄດ້ມີການເຊັນບົດບັນທຶກມອບ-ຮັບໜ້າທີ່ຢ່າງເປັນທາງການລະຫວ່າງສະຫາຍ ບຸນປອນ ອາສາພິທັກ ເຈົ້າເມືອງຜູ້ເກົ່າກັບສະຫາຍ ແຫວນເພັດ ລັດດາວົງ ເປັນເຈົ້າເມືອງຄົງເຊໂດນຜູ້ໃໝ່ໂດຍຊ່ອງໜ້າທ່ານ ບົວທອງ ຄຸນຍອດປັນຍາ ຮອງເຈົ້າແຂວງສາລະວັນ, ມີບັນດາການນໍາຂັ້ນແຂວງ, ເມືອງ, ພະນັກງານກໍ່ສ້າງຮາກ ຖານ ຂັນແຂວງ, ພ້ອມດ້ວຍຫົວໜ້າ-ຮອງຫ້ອງການ ອ້ອມຂ້າງເມືອງ ແລະພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

__________

ຂຽນໂດຍ: ກິນດາວັນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์