ງ່າຍເອົາໃຈຜູ້ຊື້ລໍ້ຍູ້ອັດສະລິຍະຈາກອາເມລິກາຊື້-ຈ່າຍ

   ເມື່ອ 2-3 ວັນທີ່ຜ່ານມາໄດ້ມີຂ່າວເລື່ອງ Kroger (ຮ້ານ ຂາຍເຄື່ອງທີ່ໃຫຍ່ທີ່ສຸດໃນອາເມລິ ກາ) ຮ່ວມມືກັບ Microsoft ພັດທະນາເຕັກໂນໂລຊີໃນການໃຊ້ໂທລະສັບມືຖືສະແກນບາໂຄດສິນຄ້າທີ່ທ່ານຕ້ອງການຊື້ຫຼັງຈາກນັ້ນບໍ່ດົນ TechCrunce ໄດ້ລາຍງານວ່າທີມ Caper Labs ໄດ້ເຮັດການຕໍ່ຍອດຄວາມຄິດນີ້ໂດຍການສ້າງ Caper’s shopping cart ຂຶ້ນມາ.

   Caper’s shopping cart ຄືລໍ້ຍູ້ຊື້ຂອງໃນຮ້ານຄ້າທີ່ມີການຕິດຕັ້ງເຕັກໂນໂລຊີການສະແກນບາໂຄດສິນຄ້າເມື່ອເຮົາເອົາສິນຄ້າໃສ່ລົງໃນກະຕ່າໃນລໍ້ຍູ້ຕິດຕັ້ງກ້ອງອີກ 3 ຕົວ ແລະເຄື່ອງກວດຈັບນ້ຳໜັກເຮັດໃຫ້ມັນສາມາດສະແກນສິນຄ້າທີ່ຖືກໃສ່ເຂົ້າໄປໃນລໍ້ຍູ້ໄດ້ນອກຈາກນີ້ຍັງມີໜ້າຈໍ touchscreen   ຂະໜາດນ້ອຍຕິດໄວ້ທີ່ລໍ້ຍູ້ເພື່ອໃຊ້ເປັນບ່ອນຊຳລະເງິນໄດ້ທັນທີຍັງບໍ່ພໍຈໍ touchscreen ນີ້ຍັງບອກແຜນຜັງຂອງຮ້ານຄ້າໂຄສະນາສິນຄ້າ ແລະແນະນຳສິນຄ້າທີ່ກຳລັງຈັດໂປຣໂມຊັນໃຫ້ທ່ານອີກດ້ວຍ.

   ໃນປະຈຸບັນນີ້ຮ້ານຄ້າຍ່ອຍ 2 ແຫ່ງໃນນິວຢອກໄດ້ນຳ Caper’s hopping cart ເຂົ້າມາໃຊ້ແລ້ວທາງຮ້ານຄ້າຍັງບອກອີກວ່າມັນຊ່ວຍເພີ່ມຍອດຂາຍໃຫ້ກັບທາງຮ້ານອີກດ້ວຍ.

แชร์