ຫຼວງນໍ້າທາ ເລືອກນັກກີລາບານເຕະຮ່ວມງານມະຫາກໍາ ກີລາແຫ່ງຊາດ ທີ່ຊຽງຂວາງ

 ພາຍຫຼັງໄດ້ເລີ່ມເປີດການ ແຂ່ງຂັນກີລາບານເຕະເພື່ອຄັດ ເລືອກເອົານັກກີລາດີເດັ່ນເປັນຕົວ ແທນໃຫ້ແກ່ແຂວງຫຼວງນໍ້າທາການແຂ່ງຂັນໃນງານມະຫາກໍາກີ ລາແຫ່ງຊາດຄັ້ງທີ 11 ທີ່ແຂວງ ຊຽງຂວາງ ການແຂ່ງຂັນໄດ້ເລີ່ມມາແຕ່ວັນທີ 4 ພະຈິກ 2019 ມີທີມນັກກີລາທັງໜົດ 12 ທີມຄື:ທີມບໍລິສັດໂຊກໄຊ, ມສ ສາມັກຄີ, ວິທະຍາໄລຄູ, ປກສ, ໂຮງຮຽນເຕັກວິຊາຊີບ, ຮ້ານມິດສໍາພັນ, ວິ ສີສົມບັດ, ມສ ເທສະບານແຂວງ, ບ້ານວຽງເງິນ, ບ້ານນໍ້າຈ້າງ, ພະແນກໄປສະນີໂທລະຄົມມະນາຄົມແລະການສືສານ  ແລະທີມນັກກີລາ ທະຫານແຂວງ, ການແຂ່ງຂັນໄດ້ ແບ່ງອອກເປັນ 4 ສາຍ, ເພື່ອຄັດເລືອກເຂົ້າຮອບ 8 ທີມ, ຄັດເລືອກ ເຂົ້າຮອບ 4 ທີມ ເພື່ອເຂົ້າຊີງຊະ ນະເລີດຕາມດໍາດັບ.

ວັນທີ 29 ພະຈິກ 2019 ທີ່ເດີ່ນກີລາໃໝ່ຂອງແຂວງໆຫຼວງນໍ້າທາຈັດງານການແຂ່ງຂັນກີລາບານເຕະ 11 ຄົນ,ໂດຍການເປັນປະທານຂອງທ່າທອງແດງ ສິດທິສົນປະທານສະຫະພັນບານເຕະແຂວງຫຼວງນໍ້າທາ, ເຂົ້າຮ່ວມຂອງທ່ານ ບຸນຍີ່ ແກ້ວຄູນເມືອງ ຮອງເຈົ້າແຂວງໆຫຼວງນໍ້າທາ, ມີຄະນະກໍາມະການຕະຫຼອດຮອດນັກກີລາເຂົ້າຮ່ວມ.

ຜົນການແຂ່ງຂັນຊະນະເລີດ ໄດ້ແກ່ທີມວິສີສົມບັດຊະນະ ປກສ ແຂວງດ້ວຍ 2 ປະຕູຕໍ່ 1 ໄດ້ຮັບຫຼຽນພ້ອມດ້ວຍຂັນເງິນ 1 ໜ່ວຍພ້ອມເງິນລາງວັນ 5 ລ້ານກີບ, ທີ 2 ທີມ ປກສ ແຂວງໄດ້ຮັບເງິນ ລາງວັນ 4 ລ້ານກີບ, ທີ 3 ໂຮງຮຽນ ມສ ເທສະບານໄດ້ຮັບຫຼຽນ ພ້ອມເງິນສົດ 3 ລ້ານກີບ ແລະທີ 4 ທີມໂຮງຮຽນເຕັກນິກ-ວິຊາຊີບແບບປະສົມໄດ້ຮັບເງິນລາງວັນ 2 ລ້ານກີບ, ກ່າວມອບຂອງທ່ານ ບຸນຍີ່ ແກ້ວຄູນເມືອງ ຮອງເລຂາພັກແຂວງຮອງເຈົ້າແຂວງໆຫຼວງ ນໍ້າທາ.

ຊຶ່ງແຂວງຫຼວງນໍ້າທາ ແມ່ນໄດ້ ສົ່ງທີມນັກກີລາບານເຕະທີມວິສີ ສົມບັດເປັນຕົວແທນທີມນັກກີລາ ເຂົ້າຮ່ວມງານມະຫາກໍາກີລາແຫ່ງຊາດຄັ້ງທີ 11 ທີ່ແຂວງຊຽງຂວາງ.

--------------------

ພາບ ແລະຂ່າຈາກໜັງສືິພິມເສດຖະກິດ-ສັງຄົມ

แชร์