ສຳເລັດການແຂ່ງຂັນສີລະປະ-ວັນນະຄະດີ ທົ່ວເມືອງຫາດຊາຍຟອງ

  ໃນລະຫວ່າງວັນທີ 28-29 ພະຈິກ ຜ່ານມາທີ່ສວນວັດທະນະທຳຊຽງຄວນ, ຫ້ອງການສຶກສາທິການ ແລະກີລາ ເມືອງຫາດຊາຍຟອງ ໄດ້ຈັດງານແຂ່ງຂັນສີລະປະ -ວັນນະຄະດີຂອງນັກຮຽນສາມັນທົ່ວເມືອງມີທັງໂຮງຮຽນພາກລັດ ແລະ ເອກະຊົນ, ໂດຍເຂົ້າຮ່ວມຂອງ ທ່ານ ນາງ ຊື່ນຈິດ ເສລີໂນຄຳ ຮອງຫົວໜ້າພະແນກສຶກສາທິ ການ ແລະກີລານະຄອນ ຫຼວງວຽງຈັນ, ທ່ານ ສິມມະລີບູລົມ ຫົວໜ້າຫ້ອງການສຶກສາທິການ ແລະກີລາເມືອງຫາດຊາຍ ຟອງ, ທ່ານ ນາງ ສ້ອຍສຸດາອິນ ເມືອງໄຊປະທານບໍລິສັດສວນວັດທະນະທຳຊຽງຄວນຈຳກັດ ຊຶ່ງເປັນຜູ້ໃຫ້ການສະໜັບສະໜູນງານດັ່ງກ່າວ, ພ້ອມດ້ວຍບັນດາພາສ່ວນທີ່ກ່ຽວຂ້ອງ ແລະນ້ອງນັກຮຽນທົ່ວເມືອງຫາດຊາຍຟອງເຂົ້າຮ່ວມ.

ສະໜັບສະໜຸນໂດຍ: HONDA

  ທ່ານ ສິມມະລີບູລົມ ກ່າວວ່າ: ການຈັດງານແຂ່ງຂັນສີລະປະ-ວັນນະຄະດີນັກຮຽນສາມັນທົ່ວເມືອງຫາດຊາຍຟອງປະຈຳສົກປີ 2019-2020 ແມ່ນເພື່ອພັດທະນາການສຶກສາຕາມ 5 ຫຼັກມູນຂອງການສຶກສາທີ່ກະຊວງສຶກສາທິການ ແລະກີລາວາງອອກ,ພ້ອມທັງເປັນການປະຕິບັດຕາມແຜນການເຄື່ອນໄຫວກິດຈະກຳຂອງນັກຮຽ ນສາມັນປະ ຈຳສົກຮຽນ 2019-2020 ຂອງຫ້ອງການສຶກສາເມືອງ, ພັດທະນາວຽກສີລະປະ-ວັນນະຄະດີໃຫ້ມີຄວາມກ້າວໜ້າຕາມຍຸກຕາມສະໄໝ, ມີຫົວຄິດປະ ດິດສ້າງ ແລະ ເພື່ອເປັນການສົ່ງເສີມພອນສະຫວັນທາງດ້ານສີລະປະ-ວັນນະຄະດີໃຫ້ແກ່ນ້ອງນັກຮຽນ, ເພື່ອຫ່າງ ໄກຈາກສິ່ງເສບຕິດ ແລະເຮັດໃຫ້ປະກົດການຫຍໍ້ທໍ້ ແລະ ເຮັດໃຫ້ປະກົດການຫຍໍ້ທໍ້ໃນບັນດານັກຮຽນຫຼຸດລົງທັງນີ້ຍັງເປັນການຄັດເລືອກເອົານັກສີລະປະທີ່ດີເດັ່ນເປັນຕົວແທນຂອງເມືອງເຂົ້າຮ່ວມການແຂ່ງຂັນຂັ້ນນະ ຄອນຫຼວງວຽງຈັນ.

  ຜົນການແຂ່ງຂັນສີລະປະ-ວັນນະຄະດີນັກຮຽນໃນຄັ້ງນີ້ປະເພດຮ້ອງເພງຊັ້ນປະຖົມອັນດັບທີ 1 ທ້າວ ສຸວັນນາ ໂຮງຮຽນປະຖົມ ມະຍຸລີ, ອັນດັບທີ 2 ທ້າວ ພອນ ສະຫວັນ ຈາກໂຮງຮຽນປະຖົມສີ ຖານໃຕ້, ມັດທະຍົມຕອນຕົ້ນອັນ ດັບທີ 1ນາງ ປາລະມີ ໄຊຍະວົງ ໂຮງຮຽນຫ້ອມສະຫວັນ, ອັນດັບທີ 2 ນາງ ພຸດສະດາ ໄຊຍະລາດໂຮງຮຽນສາລາຄຳ, ມັດທະຍົມ ຕອນປາຍອັນດັບທີ 1 ນາງ ເພັດນາລິນ ໂຮງຮຽນແສງສະຫວັນ 2,ອັນດັບທີ 2 ນາງ ແພນດ້າໂຮງຮຽນ ມສ ສີຖານໃຕ້.

  ສ່ວນປະເພດຂັບລຳຊັ້ນປະຖົມອັນດັບທີ 1 ນາງ ໂບນັດ ວິພົງໄຊ ຈາກໂຮງຮຽນປະຖົມແສງສຸລີ, ອັນດັບທີ 2 ນາງ ດາວລະອໍ ຈາກໂຮງຮຽນປະຖົມດອນດູ່, ມັດທະ ຍົມຕອນຕົ້ນອັນດັບທີ 1 ນາງ ລັດດາວັນ ໂຮງຮຽນພົງສະຫວັນ, ອັນດັບທີ 2 ທ້າວ ພູທອນ ຈາກ ມສ ສິມມະໂນ, ມັດທະຍົມປາຍອັນ ດັບທີ 1 ນາງ ສຸລິຍາ ມສ ສິມມະໂນ, ອັນດັບທີ 2 ນາງ ອາລິຍາ ໂຮງຮຽນພົງສະຫວັນ.

  ສຳລັບປະເພດຟ້ອນລວມໝູ່ຊັ້ນປະຖົມອັນດັບທີ 1 ບົດຟ້ອນໃຕ້ຮົ່ມທຸງໄຊຜືນແຜ່ນດິນຄຳໂຮງຮຽນປະຖົມນິລັນການ, ອັນດັບທີ 2 ບົດຟ້ອນວຽງຈັນຂວັນໃຈຈາກໂຮງ ຮຽນປະຖົມຫ້ອມສະຫວັນ, ມັດທະຍົມຕອນຕົ້ນອັນດັບທີ 1 ບົດ ຟ້ອນປະເທດລາວດິນແດນອັນຍະ ມະນີແຫ່ງແມ່ນໍ້າຂອງມໍຕົ້ນ ທ່າມ່ວງ, ອັນດັບທີ 2 ບົດຟ້ອນຊົມ ເຊີຍນໍ້າໃຈ 20 ມັງກອນໝັ້ນຍືນໂຮງຮຽນວຽງສະຫວັນ 2, ມັດທະຍົມຕອນປາຍອັນດັບທີ 1 ບົດຟ້ອນ ໃຕ້ຮົມທຸງໄຊໂຮງຮຽນແສງສະຫວັນ 2 ແລະອັນດັບທີ 2 ບົດ ຟ້ອນຈາລຶກໃນດວງໃຈໃຕ້ຮົມທຸງໄຊຂອງພັກປະຊາໂຮງຮຽນ ມປ ທ່າເດື່ອ.

______________

ໜັງສືພິມເສດຖະກິດ-ສັງຄົມ

แชร์