ຈີນທົດລອງ”ຊຸດຢູນີຟອມອັດສະລິຍະ”ຕິດຕາມນັກຮຽນໜີໂຮງຮຽນ

    ເອີ້ນວ່າເປັນຂ່າວດີຂອງຜູ້ປົກຄອງແຕ່ອາດເປັນຂ່າວຮ້າຍຂອງເດັກນັກຮຽນຫຼ້າສຸດມີການເປີດເຜີຍວ່າໂຮງຮຽນຫຼາຍກວ່າ 10 ແຫ່ງໃນມົນທົນກຸຍໂຈວທາງຕອນໃຕ້ຂອງ ສປ ຈີນ ໄດ້ມີການນຳຊຸດຢູນີຟອມອັດສະລິຍະ (Intelligent uniforms) ທີ່ຜະລິດຈາກບໍລິສັດ Guanyu Technology ມາເລີ່ມໃຊ້ກັບນັກຮຽນໃນໂຮງຮຽນແລ້ວເພື່ອເພີ່ມປະສິດທິພາບການຕິດຕາມນັກຮຽນໃນໂຮງຮຽນຫຼາຍຂຶ້ນ.

   ທັງນີ້ຊຸດຢູອຸຍນີຟອມດັ່ງກ່າວຈະເຮັດການຝັງຊິບ 2 ຕົວເອົາໄວ້ໂດຍຫາກນັກຮຽນມີການເຂົ້າອອກໂຮງຮຽນລະບົບກໍຈະເຮັດການສົ່ງຂໍ້ມູນແຈ້ງເຕືອນອັດຕະໂນມັດໃຫ້ຜູ້ປົກຄອງ ແລະຄູຮູ້ຊຶ່ງຫາກເປັນການອອກຈາກພື້ນທີ່ໂຮງຮຽນໂດຍບໍ່ໄດ້ຮັບອະນຸຍາດກໍຈະມີການສົ່ງສຽງສຸກເສີນທັນທີນັ້ນຈະເຮັດໃຫ້ເດັກນັກຮຽນຈະບໍ່ສາມາດໜີໂຮງຮຽນໄດ້ອີກຕໍ່ໄປລວມທັງບໍ່ສາມາດສັບປ່ຽນເສື້ອຢູນີຟອມກັບໝູ່ ເພື່ອນໄດ້ເນື່ອງຈາກແຕ່ລະຊຸດຈະມີການເຊື່ອມໂຍງຂໍ້ມູນກັບລະບົບສະແກນໃບໜ້ານັກຮຽນແຕ່ລະຄົນເອົາໄວ້ທີ່ໜ້າໂຮງຮຽນ.

   ສຳລັບຊຸດຢູນີຟອມອັດສະລິຍະ ນັ້ນຮອງຮັບການຊັກໄດ້ເຖິງ 500 ເທື່ອ ແລະທົນຄວາມຮ້ອນໄດ້ສູງສຸດເຖິງ 150 ອົງສາເຊຊຶ່ງຫຼັງຈາກທີ່ໄດ້ມີການນຳເອົາຢູນີຟອມດັ່ງກ່າວມາໃຊ້ກໍປາກົດວ່າຕົວເລກເຂົ້າຮຽນຂອງນັກຮຽນສູງຂຶ້ນຂະນະທີ່ Lin Zongwu ອາຈານໃຫຍ່ຂອງໂຮງຮຽນແຫ່ງໜຶ່ງໃນມົນທົນກຸຍໂຈວເປີດເຜີຍວ່າທາງໂຮງຮຽນເລືອກທີ່ຈະບໍ່ໃຊ້ລະບົບຕິດຕາມນັກຮຽນຫຼັງຈາກເລີກຮຽນແລ້ວເນື່ອງຈາກຈະເປັນການລະເມີດສິດທິສ່ວນບຸກຄົນເພາະເຈຕະນາທຳອິດເລີ່ມຄືຕ້ອງການໃຊ້ລະບົບດັ່ງກ່າວເພື່ອກະຕຸ້ນໃຫ້ນັກຮຽນເຂົ້າຮຽນເທົ່ານັ້ນ.

แชร์