ຮັບຮອງ 4 ບ້ານ ກຸ່ມຊຽງແຂງ ເປັນບ້ານວັດທະນະທໍາ.

  ໃນທ້າຍເດືອນພະຈິກຜ່ານມາຢູ່ທີ່ໂຮງຮຽນປະຖົມບ້ານກໍເພນ ເມືອງສິງ ແຂວງຫຼວງນໍ້າທາໄດ້ຈັດພິທີປະກາດຮັບຮອງເອົາ 4 ບ້ານຄື:ບ້ານກໍເພນ, ບ້ານໂລກູ, ບ້ານເອີຫຼ້າ ແລະບ້ານຈ່າເຂີນ ກຸ່ມຊຽງ ເປັນບ້ານວັດທະນະທຳ, ເປັນກຽດເຂົ້າຮ່ວມທ່ານ ນາງ ແສງຈ້ອຍ ສິງຖະໜອມ ຮອງເຈົ້າເມືອງໆສິງ, ມີທ່ານ ກົງທອງແກ້ວ ບົວພາ ເລຂາຄະນະພັກຮາກຖານກຸ່ມບ້ານຊຽງແຂງ,ທ່ານ ວັນໄຊ ປັນຍາສັກ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງສິງ, ມີຫົວໜ້າຫ້ອງການ-ຮອງຫ້ອງການທີ່ກ່ຽວຂ້ອງ, ພະນັກງານວິຊາການ, ນາຍບ້ານທັງ 4 ບ້ານ, ຄູ-ອາຈານ ແລະປະຊາຊົນ 4 ບ້ານເຂົ້າຮ່ວມ.

   ທ່ານ ວັນໄຊ ປັນຍາສັກ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງສິງ ໄດ້ຜ່ານບົດປະເມີນຜົນຂອງບ້ານ ກໍເພນ, ບ້ານເອີຫຼ້າ, ບ້ານໂລກູ ແລະ ບ້ານຈ່າເຂີນ ຊຶ່ງແມ່ນບ້ານຂອງຊົນເຜົ່າອາຄາ.ບ້ານກໍເພນ ມີປະຊາ ກອນທັງໝົດ 112 ຄົນ, ຍິງ 60 ຄົນ,18 ຫຼັງຄາເຮືອນ, 19 ຄອບ ຄົວ, ບ້ານເອີຫຼ້າມີປະຊາກອນທັງ ໝົດ 256 ຄົນ, ຍິງ 139 ຄົນດ 48 ຄອບຄົວ, 44 ຫຼັງຄາເຮືອນ, ບ້ານ ໂລກູມີປະຊາກອນທັງໝົດ 375 ຄົນ,ຍິງ175 ຄົນ, 63 ຄອບຄົວ, 57 ຫຼັງຄາເຮືອນ ແລະ ບ້ານຈ່າເຂີນມີປະຊາກອນ 157 ຄົນ, ຍິງ 67 ຄົນ, 35 ຄອບຄົວ,30 ຫຼັງຄາເຮືອນປະຊາຊົນສ່ວນຫຼາຍຖືເອົາອາຊີບປູກຝັງລ້ຽງສັດ ເປັນອາຊີບຕົ້ນຕໍ, ຄ້າຂາຍເປັນອາຊີບສຳຮອງ, ພ້ອມນັ້ນໄດ້ມອບໃບຢັ້ງຢືນບ້ານວັດທະນະທຳ ແລະຄອບຄົວວັດທະນະທຳໃຫ້ຈໍານວນ 4 ບ້ານ ໃຫ້ກຽດມອບທ່ານ ນາງ ແສງຈ້ອຍ ສິງຖະໜອມ ແລະໃຫ້ກຽດ ຮັບໂດຍນາຍບ້ານທັງ 4 ບ້ານໂດຍ ຊ່ອງໜ້າຜູ້ເຂົ້າຮ່ວມເພື່ອເປັນສັກຂີພິຍານ.

ສະໜັບສະໜຸນໂດຍ: HONDA

  ຈາກນັ້ນທ່ານ ນາງ ແສງຈ້ອຍ ສິງຖະໜອມ ໄດ້ໃຫ້ກຽດໂອ້ລົມກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ບ້ານຍາດມາໄດ້ໃນໄລຍະຜ່ານມາພ້ອມທັງເນັ້ນໜັກຫຼາຍບັນຫາທີ່ສຳຄັນເປັນຕົ້ນແມ່ນຄວາມສາມັກຄີພາຍໃນພາຍນອກຈຳແນກໄດ້ມິດສັດຕູ ແລະໃຫ້ນາຍບ້ານທັງ 4 ບ້ານຈົ່ງຮັກສາມູນເຊື້ອບ້ານວັດທະນະທຳ ແລະນຳພາປະຊາຊົນພາຍໃນບ້ານຂອງຕົນເອງສ້າງຄວາມເຂັ້ມແຂງດ້ວຍຕົນເອງເພື່ອໃຫ້ກາຍເປັນບ້ານພັດທະນາໃນຕໍ່ໜ້າ.

---------------

 ໜັງສືພິມເສດຖະກິດ-ສັງຄົມ

แชร์