ຫາລືສືບຕໍ່ປະຕິບັດໂຄງການພັດທະນາກະສິກຳ

  ກອງປະຊຸມຂອງຄະນະກຳມະການປະສານງານຮ່ວມໂຄງການພັດທະນາກະສິກຳແບບມີສ່ວນຮ່ວມແຂວງສະຫວັນນະເຂດໄດ້ຈັດຂຶ້ນໃນວັນທີ 21 ພະຈິກຜ່ານມາ, ທີ່ຫ້ອງປະຊຸມພະແນກກະສິກຳ ແລະປ່າໄມ້ແຂວງທັງນີ້ກໍເພື່ອຮັບຟັງການປະເມີນຜົນໄລຍະເຄິ່ງໂຄງການພ້ອມທັງມີການປຶກສາຫາລືຮ່ວມກັນໃນການຈັດຕັ້ງປະຕິບັດໂຄງ ການດັ່ງກ່າວໃນຕໍ່ໜ້າພາຍໃຕ້ການເປັນປະທານຂອງ ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດທັງເປັນປະທານຊີ້ນຳໂຄງການພັດທະນາກະ ສິກຳແບບມີສ່ວນຮ່ວມຂັ້ນແຂວງ ແລະທ່ານ ກາຊາກຸຈິ ໂກຕະ ຫົວໜ້າທີມປະເມີນຜົນຕາງໜ້າອົງການໄຈກາປະຈຳໂຕກຽວ,ມີບັນດາຕາງໜ້າກົມທີ່ມາຈາກກະຊວງກະສິກໍາ ແລະ ປ່າໄມ້, ເຈົ້າເມືອງ-ຮອງເຈົ້າເມືອງ, ພະແນກການອ້ອມຂ້າງແຂວງ, ຄະນະຊ່ຽວຊານອົງການໄຈກາ, ຄະນະຊີ້ນຳໂຄງການຂັ້ນແຂວງ, ຂັ້ນເມືອງ ແລະ ຄະ ນະຈັດຕັ້ງປະຕິບັດໂຄງການເຂົ້າຮ່ວມ.

ສະໜັບສະໜຸນໂດຍ: HONDA

  ທ່ານ ທ່ອນແກ້ວ ພຸດທະໄກຍະລາດ ກ່າວໃນກອງປະຊຸມຄັ້ງນີ້ວ່າ: ໂຄງການພັດທະນາກະສິກຳແບບມີສ່ວນຮ່ວມແຂວງສະຫວັນນະເຂດ ຫຼື SAVAN PAD ໄດ້ເລີ່ມຈັດຕັ້ງປະຕິບັດມາແຕ່ເດືອນ ກໍລະກົດ 2017 (ເມືອງຈຳພອນ, ໄຊບູລີ, ທ່າປາງທອງ, ຊົນນະບູລີ, ໄກສອນພົມວິຫານ, ພະລານໄຊ) ຕາມການລາຍງານຂອງຄະນະຮັບຜິດຊອບ ແລະທີມງານປະເມີນຜົນສະແດງໃຫ້ເຫັນວ່າໂຄງການມີຄວາມຄືບໜ້າຫຼາຍພໍສົມຄວນ ແລະ ສາມາດບັນລຸໄດ້ຕາງເປົ້າໝາຍຂອງໂຄງການໂດຍສະ ເພາະແມ່ນການສ້າງຄວາມເຂັ້ມແຂງໃຫ້ກັບພະນັກງານວິຊາການຂອງ ແຂວງ ແລະ ເມືອງ ຕະຫຼອດຮອດກຸ່ມຊາວນາຜູ້ຜະລິດ, ການຊຸກຍູ້ການຜະລິດເພື່ອເຮັດໃຫ້ຜົນຜະລິດກະສິກຳຂອງຊາວກະສິກອນກາຍເປັນສິນຄ້າເຮັດໃຫ້ຊາວກະສິກອນມີລາຍຮັບຈາກການຜະລິດ ກະສິກຳຍາວນານ ແລະຍືນຍົງ ແລະສ້າງໃຫ້ເປັນຕົວແບບເພື່ອສາ

ມາດຂະຫຍາຍໄປສູ່ໂຄງການອື່ນພາຍໃນແຂວງ ກໍ່ຄືຕ່າງແຂວງ; ໃນນາມການນຳຂອງແຂວງຂໍ ສະແດງຄວາມຂອບໃຈເປັນຢ່າງສູງຕໍ່ລັດຖະບານຍີ່ປຸ່ນກໍຄືປະຊາຊົນຍີ່ປຸ່ນໂດຍຜ່ານອົງການ JICA ທີ່ໄດ້ໃຫ້ການສະໜັບສະໜູນທາງດ້ານງົບປະມານກໍຄືຊ່ຽວຊານໃນໄລຍະທີ່ຜ່ານມາ ແລະ ຕໍ່ໜ້າໃນການສືບຕໍ່ຈັດຕັ້ງປະຕິບັດໂຄງການໃຫ້ສຳ ເລັດພ້ອມນີ້, ກໍ່ຢາກໃຫ້ທາງໂຄງການເອົາໃຈໃສ່ໃນການສ້າງຄອບຄົວຕົວແບບໃຫ້ໄດ້ໃນແຕ່ລະຊະນິດພືດ ແລະ ຄອບຄົວຕົວແບບດັ່ງກ່າວນີ້ຕ້ອງກາຍເປັນວິຊາການປະຈໍາບ້ານສາມາດຖ່າຍທອດບົດຮຽນໃຫ້ແກ່ຄອບຄົວອື່ນ ຫຼື ເຂດອື່ນໄດ້, ຄຽງຄູ່ກັນນີ້ກໍ່ຕ້ອງໄດ້ເອົາໃຈໃສ່ໃນການຈັດຕັ້ງກຸ່ມຊາວນາພ້ອມທັງສ້າງຄວາມເຂັ້ມແຂງໃຫ້ເຂົາເຈົ້າເພື່ອກ້າວໄປເປັນສະຫະກອນຕາມນະໂຍບາຍຂອງລັດຖະບານ ແລະ ອີກອັນໜຶ່ງກໍ່ສະເໜີໃຫ້ທາງອົງການໄຈກາຕ້ອງໄດ້ກຳນົດແຜນກິດຈະກຳ, ແຜນງົບປະມານເປັນອັນລະອຽດຕື່ມເພື່ອເຮັດໃຫ້ການປະຕິບັດກິດຈະກຳຂອງໂຄງການສຳເລັດຕາລະດັບຄາດໝາຍ.

 ໃນກອງປະຊຸມຍັງໄດ້ລາຍງານຜົນຂອງການປະເມີນເຄິ່ງໄລຍະຂອງໂຄງການ ແລະໄດ້ນຳສະເໜີຜົນການຄັດເລືອກໂຄງການເປົ້າໝາຍໃໝ່ຊຶ່ງປະກອບມີ: ໂຄງການກຸດຕາປໍ ເມືອງໄຊພູທອງ, ໂຄງການສອງຄອນເມືອງສອງຄອນ, ໂຄງການໜອງເດີ່ນເມືອງສອງຄອນ ແລະ ໂຄງການຫ້ວຍສະຄວງ ເມືອງພີນ.

---------------

ໜັງສືພີມເສດຖະກິດ-ສັງຄົມ

แชร์