ທັດສະດາ ຈັນພູມສະຫວັນ ນາງສາວດອກງິ້ວບານ 2019

      ການຈັດປະກວດນາງສາວດອກງິ້ວບານປະຈຳປີ 2019 ໃນງານເທສະການດອກງິ້ວບານຄັ້ງທີ 19 ຂອງປະເພນີວັດທະນະທຳປະຊາຊົນດອນຊາວເຂດເສດຖະກິດພິເສດສາມຫຼ່ຽມຄຳເມືອງຕົ້ນເຜິ້ງແມ່ນໄດ້ສຳເລັດລົງໄປດ້ວຍດີທີ່ໄດ້ເລີ່ມຈັດແຂ່ງຂັນແຕ່ວັນທີ 23-25 ຊຶ່ງທັງໝົດມີ 20 ນາງສາວທີ່ໄດ້ຖືກຄັດເລືອກເຂົ້າຮ່ວມປະກວດຜ່ານການປະກວດນາງສາວທີ່ຄວ້າຕຳແໜ່ງນາງສາວດອກງິ້ວບານປະຈຳປີແມ່ນນາງສາວທັດສະດາຈັນ ພູມສະຫວັນ .

   ງານປະກວດນາງສາວດອກງິ້ວບານປະຈຳປີ 2019 ຮອບຊີງສະນະເລີດໄດ້ຈັດຂຶ້ນວັນທີ 25 ມັງກອນພາຍຫຼັງທີ່ດຳເນີນມາແຕ່ວັນທີ 23 ມັງກອນທີ່ດອນຊາວ, ເຂດເສດຖະກິດພິເສດສາມຫຼ່ຽມຄຳ, ເມືອງຕົ້ນເຜິ້ງ, ໂດຍໃຫ້ກຽດເຂົ້າຮ່ວມຂອງທ່ານບົວຄົງ ນາມມະວົງເຈົ້າແຂວງໆບໍ່ແກ້ວ, ທ່ານຈ້າວ ເຫວີ່ຍ ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄຳ, ທ່ານສຸຂະ ຫຼ່ຽນທອງຄຳຫົວໜ້າພະແນກ ຖວທ ແຂວງບໍ່ແກ້ວ ແລະທ່ານເຈົ້າເມືອງຕົ້ນເຜິ້ງພ້ອມບັນດາແຂກຖືກເຊີນທັງພາຍໃນ ແລະຕ່າງປະເທດເຂົ້າຮ່ວມ.

   ນາງສາວດອກງິ້ວບານເຊິ່ງເປັນກິດຈະກຳໜຶ່ງທີ່ມີຄວາມສຳຄັນຂອງງານເທດສະການດອກງິ້ວບານທຸກໆປີໂດຍຈະມີການຄັດເລືອກເອົານາງສາວທີ່ມີຄຸນນະສົມບັດທີ່ພຽບພ້ອມເປັນຜູ້ຮັບຕໍາແໜ່ງອັນຊົງກຽດນີ້ເພື່ອເປັນທູດວັດທະນະທຳໃນການເຜີຍແຜ່ຮີດຄອງປະເພນີອັນດີງາມຂອງທ້ອງຖິ່ນທີ່ເປັນເອກະລັກສະເພາະຂອງເຂດທ້ອງຖິ່ນໃຫ້ສາກົນໄດ້ຮັບຮູ້ໃນນັ້ນນາງສາວທີ່ຜ່ານການຄັດເລືອກເຂົ້າຮ່ວມປະກວດຮອບຊີງຊະນະເລີດທັງໝົດມີ 20 ຄົນພ້ອມໄດ້ລາງວັນຊົມເຊີຍເປັນເງິນສົດຄົນລະ 3,9 ລ້ານກີບຜ່ານການປະກວດຮອບສຸດທ້າຍນາງສາວດອກງິ້ວບານປະຈຳປີ 2019 ຜູ້ໄດ້ຮັບຕໍາແໜ່ງຊະ ນະເລີດແມ່ນໝາຍເລກ 19 ນາງສາວທັດສະດາຈັນ ພູມສະຫວັນມາຈາກບ້ານຂອນແກ້ວເມືອງຫ້ວຍຊາຍພ້ອມໄດ້ຄອງມົງກຸດ,ສາຍສະພາຍ ແລະເງິນລາງວັນ 11,7 ລ້ານ ກີບ, ອັນດັບສອງແມ່ນໝາຍເລກ 8 ນາງສາວຂັນແກ້ວ ໄຊຍະວຸດທິມາຈາກບ້ານສີດອນໄຊເມືອງຕົ້ນເຜິ້ງພ້ອມໄດ້ຮັບເງິນລາງວັນ 9,1 ລ້ານ ກີບ, ອັນດັບສາມໝາຍເລກ 3 ນາງສາວທັດດາວ ສິລິນໍໄລມາຈາກບ້ານປາກທາເມືອງປາກທາພ້ອມກັບໄດ້ຮັບເງິນລາງວັນ 6,5 ລ້ານກີບ ແລະອັນດັບສີ່ໝາຍເລກ 20 ນາງສາວຈາມຄຳດາລາສັກມາຈາກບ້ານສີບຸນເຮືອງເມືອງຫ້ວຍຊາຍພ້ອມໄດ້ຮັບເງິນລາງວັນ 3,9 ລ້ານກີບ.

   ງານເທສະການດອກງິ້ວບານເປັນງານວັດທະນະທຳປະເພນີຂອງປະຊາຊົນເຂດດອນຊາວທີ່ໄດ້ປະຕິບັດກັນມາຊຶ່ງປີນີ້ແມ່ນຈັດເປັນຄັ້ງທີ 19 ແລະພ້ອມທັງຕິດພັນກັບການສົ່ງເສີມປີທ່ອງທ່ຽວລາວ-ຈີນ 2019 ເພື່ອໃຫ້ນັກລົງທຶນທັງພາຍໃນ ແລະຕ່າງປະເທດໄດ້ມາສຳພັດຄວາມງາມທາງທຳມະຊາດ ແລະ ວັດທະນະທຳໃນເຂດເສດຖະກິດພິເສດສາມຫຼ່ຽມຄຳຂອງເມືອງຕົ້ນເຜິ້ງຫຼາຍຂຶ້ນພາຍສຳເລັດພິທີລ້ວນແຕ່ມີບັນຍາກາດອັນຄຶກຄື້ນມ່ວນຊື່ນທີ່ສະຫງ່າງາມທ່າມກາງບັນຍາກາດຂອງດອກງິ້ວປ່າທີ່ກຳລັງບານປຽບເໝືອນໄມຕີຈິດມິດຕະພາບຕ້ອນຮັບບັນດານັກທ່ອງທ່ຽວພ້ອມທັງສະແດງໄດ້ເຫັນເຖິງການ ພັດທະນາເຂດເສດຖະກິດພິເສດສາມຫຼ່ຽມຄຳທີ່ກຳລັງມີຄວາມເຕີບໃຫຍ່ຂະຫຍາຍຕົວຢ່າງຕໍ່

แชร์