ເມືອງເງິນ ແຂ່ງຂັນຊ່ວງເຮືອປະຈຳປີ

 ເມື່ອບໍ່ດົນມານີ້ທີ່ອ່າງເກັບນໍ້າຫ້ວຍນານ້ອຍ ເມືອງເງິນ ແຂວງໄຊຍະບູລີ ໄດ້ຈັດງານແຂ່ງຂັນຊ່ວງເຮືອປະຈຳປີ 2019, ເຂົ້າຮ່ວມມີທ່ານ ດວງຕາ ໄຊວຸດ ຫົວໜ້າຄະ ນະຈັດຕັ້ງແຂວງໄຊຍະບູລີ, ທ່ານ ຄຳແພງ ຕັດສະຫວັດ ເຈົ້າເມືອງເງິນ, ມີຄະນະນຳຂອງແຂວງ, ຄະນະນຳຂອງເມືອງ, ບັນດາເມືອງອ້ອມຂ້າງມາຈາກແຂວງນ່ານ ປະເທດໄທ, ມີບັນດາ ນັກທຸລະກິດ, ນັກສີພາຍ, ແລະ ພໍ່ແມ່ປະຊາຊົນພາຍໃນເມືອງ, ຕ່າງເມືອງ, ຕ່າງແຂວງ ແລະຕ່າງປະເທດເຂົ້າຮ່ວມຢ່າງຄັບຄາໜາແໜ້ນ.

ສະໜັບສະໜຸນໂດຍ: HONDA

  ທ່ານ ຄຳແພງ ຕັດສະຫວັດ ເຈົ້າເມືອງເງິນໃນນາມປະທານຈັດງານກໍ່ໃຫ້ກຽດຂຶ້ນກ່າວເປີດງານແຂ່ງຂັນຊ່ວງເຮືອປະຈຳປີ 2019 ຢ່າງເປັນທາງການ, ງານແຂ່ງ ຂັນຊ່ວງເຮືອໃນປີນີ້ແມ່ນມີເຮືອເຂົ້າຮ່ວມແຂ່ງຂັນທັງໝົດ 21 ລຳ, ເພດຍິງ 10 ລຳ ເພດຊາຍ 11 ລຳ ໃຊ້ເວລາການແຂ່ງຂັນ 1 ວັນ ແລະມີເຮືອມິດຕະພາບລະ ຫວ່າງເມືອງຕໍ່ເມືອງອີກດ້ວຍພາຍໃນງານມີຮ້ານວາງສະແດງສິນຄ້າຫັດຖະກຳທີ່ຜະລິດຈາກຊາວເມືອງເງິນ, ຜົນຜະລິດກະສິກຳ ແລະປະກວດອາຫານພື້ນເມືອງ.

  ສຳລັບຜົນການແຂ່ງຂັນທີ 1 ເພດຊາຍແມ່ນບໍລິສັດ ສັນຕິໄຊ ໄດ້ຮັບຂັນເງິນຂອງທ່ານເຈົ້າເມືອງ 1 ໜ່ວຍ, ເງິນສົດ 6 ລ້ານກີບ, ທີ 1 ເພດຍິງ ແມ່ນເຮືອບ້ານທອງ ໄດ້ຮັບຂັນເງິນຂອງທ່ານເຈົ້າເມືອງ 1 ໜ່ວຍ ເງິນສົດ 6 ລ້ານກີບ,ທີ 2 ເພດຊາຍ ບ້ານນາງົວ ໄດ້ຮັບເງິນສົດ 5 ລ້ານກີບ, ທີ 2 ເພດຍິງ ແມ່ນເຮືອບ້ານນາງົວ ໄດ້ຮັບເງິນສົດ 5 ລ້ານກີບ, ທີ 3 ເພດຊາຍ ແມ່ນບ້ານທອງໄດ້ຮັບເງິນສົດ 4 ລ້ານກີບ ແລະທີ 3 ເພດຍິງແມ່ນເຮືອບ້ານນາຍາງຄຳໄດ້ຮັບເງິນສົດ 4 ລ້ານກີບ ແລະ ຊະນະ ເລີດ ເຮືອມິດຕະພາບແມ່ນເມືອງຄອບໄດ້ຮັບຂັ້ນເງິນ1 ໜ່ວຍ ເງິນສົດ 2,5 ລ້ານກີບ, ທີ 2 ແມ່ນເຮືອມິດຕະພາບເມືອງເງິນ ແລະທີ 3 ແມ່ນເຮືອມິດຕະພາບຈາກເມືອງຊຽງຮ່ອນ ໃຫ້ກຽດຂຶ້ນມອບລາງວັນຊະນະເລີດເພດຊາຍ-ເພດຍິງ ໂດຍແມ່ນ ທ່ານ ດວງຕາ ໄຊວຸດ ຫົວໜ້າຄະນະຈັດຕັ້ງແຂວງໄຊຍະບູລີ.

-------------

ໜັງສືພິມເສດຖະກິດ-ສັງຄົມ

แชร์