ເປີດງານວາງສະແດງສິນຄ້າກະສິກຳອິນຊີລາວ

  ໃນລະຫວ່າງວັນທີ 28-29 ພະຈິກ 2019 ທີ່ສວນເຈົ້າຟ້າງຸ່ມນະຄອນຫຼວງວຽງຈັນກະຊວງກະສິກໍາ ແລະປ່າໄມ້ຮ່ວມກັບກະຊວງອຸດສາຫະກໍາ ແລະການຄ້າ ແລະອົງການສະຫະປະຊາຊາດເພື່ອການພັດທະນາໄດ້ຈັດພິທີເປີດງານວາງສະແດງສິນຄ້າກະສິກໍາອິນຊີລາວໂດຍເຂົ້າຮ່ວມຂອງທ່ານ ບຸນຂວາງຄໍາ ບຸນເຮືງ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້, ທ່ານ ສົມຈິດ ອິນທິມິດ ຮອງລັດຖະມົນຕິກະຊວງອຸດສາຫະກໍາ ແລະ ການຄ້າ, ທ່ານ ນາງ ມິໂຮະ ຊິໂຣໂຕຣິ, ຜູ້ຕາງໜ້າອົງການອັງແທກ, ມີບັນດາລັດຖະມົນຕີ, ຮອງລັດຖະມົນຕີ, ຫົວໜ້າກົມ, ຮອງກົມຈາກບັນດາກະຊວງ ແລະຂະແໜງການຕ່າງໆຜູ້ຜະລິດ ແລະຜູ້ປະກອບການ, ບັນດາບໍລິສັດ ຕ່າງໆເຂົ້າຮ່ວມ.

 
 ການຈັດງານຄັ້ງນີ້ແມ່ນເພື່ອໂຄສະນາຜົນສໍາເລັດຂອງການພັດທະນາກະສິກໍາອິນຊີໃນໄລຍະຜ່ານມາຕັ້ງແຕ່ປີ 2004-2019 ພ້ອມດຽວກັນນັ້ນກໍ່ເປັນການສົ່ງເສີມການ ຜະລິດກະສິກຳອິນຊີຕາມມາດຕະຖານກະສິກຳອິນຊີ ແລະກ້າວໄປເຖິງການຜະລິດຕາມມາດຕະຖານຂອງພາກພື້ນ ແລະສາກົນເພື່ອເປັນສິນຄ້າທັງເປັນການປົກ ປ້ອງຜູ້ຜະລິດ ແລະຜູ້ບໍລິໂພກ ແລະການທຳລາຍສະພາບແວດລ້ອມ.

ສະໜັບສະໜຸນໂດຍ: HONDA

 ໃນງານດັ່ງກ່າວໄດ້ມີກຸ່ມຜູ້ຜະລິດ, ສະມາຄົມ, ສະຫະກອນ, ຜູ້ປະກອບການ, ບໍລິສັດ ແລະຜູ້ປະກອບການທັງໝົດຈຳນວນ78 ຫົວໜ່ວຍ ໃນນັ້ນ, ຜູ້ເຂົ້າຮ່ວມວາງສະແດງດ້ານກະສິກຳອິນຊີຈຳນວນ 66 ຫົວໜ່ວຍ ແລະດ້ານກະສິກຳທີ່ດີຈຳ ນວນ 2 ຫົວໜ່ວຍ, ຊຶ່ງຜົນຜະລິດ ແລະຜະລິດຕະພັນທີ່ນໍາມາວາງສະແດງປະກອບມີ: ພືດຜັກ, ໝາກໄມ້, ເຂົ້າ, ຊາ, ກາເຟ, ຜະລິດຕະພັນປຸງແຕ່ງນອກຈາກນັ້ນຍັງມີສິນຄ້າ ODOP ຂອງລາວຈໍານວນ 4 ຫົວໜ່ວຍ ຊຶ່ງປະກອບດ້ວຍສິນຄ້າຫຼາກຫຼາຍເຊັ່ນ: ກະແລັມ, ນໍ້າໝາກກ້ຽງ, ໜັງເຄັມ, ໝໍ້າ, ຜະລິດຕະພັນຢາພື້ນເມືອງ ແລະອື່ນໆ.

__________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์