ເມືອງໄຊເສດຖາ ເປີດໃຊ້ນ້ຳຊົນລະປະທານແຫ່ງຊາດ

  ເນື່ອງໃນໂອກາດວັນຊົນລະປະທານແຫ່ງຊາດຄົບຮອບ 4 ປີ (ວັນທີ 3 ພະຈິກ 2017 ຫາທີ 3 ພະຈິກ 2019), ດັ່ງນັ້ນໃນວັນທີ 22 ພະຈິກ 2019 ເມືອງໄຊເສດຖາ ແຂວງອັດຕະປື ໄດ້ຈັດພິທີເປີດນໍາໃຊ້ນໍ້າຊົນລະປະທານແຫ່ງຊາດ ຂຶ້ນຢູ່ບ້ານໄຊສີ ເມືອງໄຊເສດຖາ, ໂດຍໃຫ້ກຽດເຂົ້າຮ່ວມຂອງທ່ານ ອຸດສະຫະ ກົມມະເມືອງ ຮອງເຈົ້າເມືອງປະທານກວດກາພັກ-ລັດ ເມືອງໄຊເສຖາ, ມີທ່ານ ພອນປະເສີດ ທອງສີທາວົງ ຮອງຫົວໜ້າພະແນກກະສິກໍາ ແລະປ່າໄມ້ແຂວງ ແລະ ຫ້ອງການອ້ອມຂ້າງເມືອງພ້ອມດ້ວຍເຂົ້າຮ່ວມ.

ທ່ານ ອຸດສະຫະ ກົມມະເມືອງ ກ່າວວ່າ: ຕະຫຼອດໄລຍະຜ່ານພັກ ແລະລັດຖະບານຍາມໃດກໍ່ໄດ້ເອົາໃຈໃສ່ຂະຫຍາຍຕາໜ່າງພື້ນຖານໂຄງລ່າງຊົນລະປະທານທ່ານ ອຸດ ສະຫະ ກົມມະເມືອງ ໄດ້ກ່າວຕື່ມວ່າ: ຍ້ອນເຫັນໄດ້ຄວາມໝາຍຄວາມສໍາຄັນຂອງຊົນລະປະທານພັກ ແລະ ລັດຖະບານເຮົາຈຶ່ງໄດ້ສ້າງນິຕິກໍາ, ເພື່ອເປັນຂໍ້ກໍານົດກົດ

ໝາຍ ແລະ ເປັນບ່ອນອິງໃນການຈັດຕັ້ງປະຕິບັດການຄຸ້ມຄອງນໍາໃຊ້ ແລະ ພັດທະນາຊົນລະປະທານໃຫ້ເປັນຂະບວນການທີ່ກ້າວໜ້າ ແລະ ຍືນຍົງທັງເຂົ້າສູ່ລະບົບກົດ ໝາຍເທື່ອກ້າວໂດຍຕິດພັນກັບການຂະຫຍາຍຕາໜ່າງຂະແໜງກະສິກໍາ, ທີ່ທັນສະໃໝ ແລະມີປະສິດທິຜົນສູງ, ມາຮອດວັນທີ 14 ທັນວາ 2012 ກອງປະຊຸມສະ ພາແຫ່ງຊາດຈຶ່ງໄດ້ມີມະຕິຮັບຮອງເອົາກົດໝາຍວ່າດວ້ຍຊົນລະປະທານຂຶ້ນຢ່າງເປັນທາງການ ແລະປະທານປະເທດກໍໄດ້ອອກດໍາລັດປະກາດໃຊ້ໃນວັນທີ 17 ມັງກອນ 2013, ກົດໝາຍດັ່ງກ່າວລວມມີ 9 ພາກ 8 ໜວດ ແລະ 79 ມາດຕາ, ຊຶ່ງໄດ້ກໍານົດເປັນວັນຊົນລະປະທານແຫ່ງຊາດຄືວັນທີ 3 ພະຈິກ ຂອງທຸກໆປີ.

ສະໜັບສະໜຸນໂດຍ: HONDA

  ວັນຊົນລະປະທານແຫ່ງຊາດແມ່ນໄດ້ນໍານົດຂຶ້ນໃນສະໄໝຕໍ່ສູ້ກູ້ຊາດເນື່ອງຈາກໄລຍະນັ້ນສະບຽນອາຫານບໍ່ພຽນພໍໂດຍສະເພາະແມ່ນເຂົ້າເພື່ອຮັບໄຊ້ປະຊາຊົນ ແລະແນວໜ້າ, ການນໍາຈຶ່ງໄດ້ຄົ້ນຄວ້າຫາວິທີແກ້ໄຂໂດຍສົມທົບກັບ ສສ ຫວຽດນາມ ກໍ່ສ້າງເໝືອງຝາຍຊົນລະປະທານເພື່ອສະໜອງນໍ້າຜະລິດກະສິກໍາຢູ່ເຂດປົດປ່ອຍເມືອ ງຊຽງຄໍ້ ແຂວງຫົວພັນ ຊຶ່ງເລີ່ມລົງມື້ກໍ່ສ້າງຊົນລະປະທານແຫ່ງທໍາອິດຂອງລາວໃນວັນທີ 3 ພະຈິກ 1967 ແລະ ສໍາເລັດໃນວັນທີ 3 ພະຈິກປີ 1970 ຊຶ່ງສາມາດ

ຫົດເນື້ອທີ່ໄດ້ປະມານ 200 ກວ່າ ເຮັກຕາ ພາຍຫຼັງປະເທດຊາດໄດ້ ຮັບການປົດປ່ອຍເພື່ອປະຕິບັດແນວທາງປ່ຽນແປງໃໝ່ຮອບດ້ານພັກ-ລັດຖະບານໄດ້ສຸມທຶນຮອນໃສ່ເປັນຈໍານວນມະຫາສານໃນການກໍ່ສ້າງຄອງຊົນລະປະທານຕາມເຂດທີ່ມີເງື່ອນໄຂຢ່າງບໍ່ຢຸດຢັ້ງແນ່ໃສການປັບປຸງຊີວິດການເປັນຂອງປະຊາຊົນບັນດາເຜົ່າໃຫ້ດີຂຶ້ນເທື່ອລະ ກ້າວ, ສໍາລັບເມືອງໄຊເສດຖາກໍ່ໄດ້ຖືສໍາຄັນຕໍ່ ແລະສຸມໃສການກໍ່ສ້າງປັບປຸງຮັກສາຄອງຊົນລະປະທານເຊິ່ງທົ່ວເມືອງໄຊເສດຖາມີຄອງຊົນລະປະທານ 5 ແຫ່ງທີ່ກໍ່ສ້າງສໍາເລັດ ແລະ ນໍາໃຊ້ໄດ້ສາມາດຫົດເນື້ອທີ່ການຜະລິດໄດ້ 400 ເຮັກຕາ.

__________

ຂຽນໂດຍ: ຈະເລີນໄຊ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

 

แชร์