ນີຣະດາ ຈອມເພັດ ເປີດການແຂ່ງຂັນກີລາ-ສີລະປະ​ປະຈຳປີ

 ໂຮງຮຽນນີຣະດາ ຈອມເພັດ ໄດ້ຈັດພິທີເປີດລະດູການແຂ່ງຂັນກີລາ-ສີ​ລະ​ປະ ປະຈຳສົກຮຽນ 2019-2020 ຂຶ້ນເມື່ອວັນທີ 27 ພະຈິກຜ່ານມາທີ່ໂຮງຮຽນດັ່ງກ່າວ, ໂດຍການເຂົ້າຮ່ວມຂອງ ທ່ານ ຄຳພົນ ໄຊຍະເພັດ ຮອງຫົວໜ້າຫ້ອງການສຶກສາທິການ ແລະ ກີລາ ເມືອງສີສັດຕະນາກ, ມີນາຍບ້ານຈອມເພັດເໜືອ ແລະ ບັນດາຜູ້ອຳນວຍການໂຮງຮຽນອ້ອມຂ້າງ, ພ້ອມທັງບັນດາຄູ-ອາຈານ ແລະນ້ອງນັກຮຽນເຂົ້າຮ່ວມຢ່າງຄຶກຄື້ນ.

  ທ່ານນາງ ນີລາວັນ ວີຣະຖາວອນ ຜູ້ອຳນວຍການໂຮງຮຽນນີຣະດາ ຈອມເພັດ ກ່າວວ່າ: ການຈັດກິດຈະກຳຄັ້ງນີ້, ເພື່ອສົ່ງເສີມການພັດທະນາຮອບດ້ານໃນການເຄື່ອ ນໄຫວຂອງຮ່າງກາຍ,​ ທັກສະດ້ານສັງຄົມ-ດ້ານຈິດໃຈ ແລະ​ທັກສະດ້ານມະນຸດສຳພັນ,​ ສົ່ງເສີມສຸຂະພາບໃຫ້ແກ່ນັກຮຽນຍ້ອນງານແມ່ນເວົ້າເຖິງຄວາມແຂງແຮງ,​ ຍືດຍຸ່ນ ແລະ​ພະລັງ​ເຊິ່ງຍັງເປັນສິ່ງທີ່ຊ່ວຍເພີ່ມການພັດທະນາທາງດ້ານສະໝອງອີກດ້ວຍ,​ ບັນດານັກຮຽນໄດ້ຮັບໂອກາດໃຫ້ລະດົມສະໝອງ,​ ວາງແຜນ,​ ຕັດສິນໃຈ​ ແລະ​ຈັດບູດຂອງເຂາເຈົ້າເອງຊຶ່ງຈະພັດທະນາຄວາມຮູ້ສຶກຮັບຜິດຊອບ ແລະ​ຮັບຮູ້ເຖິງຄວາມສຳຄັນຂອງຄວາມເປັນເອກະພາບໃນທີມເພື່ອປະສົບຜົນສຳເລັດ.

  ການແຂ່ງຂັນປະຈຳສົກຮຽນ 2019-2020​ ປະກອບມີ​ 2 ລະດັບ​ ຄື: ລະດັບຊັ້ນປະຖົມ ແລະ​ລະດັບຊັ້ນມັດທະຍົມ​ໃນນັ້ນປະກອບດ້ວຍ​ 10 ທີມ​ ແຕ່ລະທີມຈະມີສີປະຈຳຂອງທີມໃຜລາວເຊັ່ນ: ຊັ້ນປະຖົມມີ 4 ທີມ​ຄື: ທີມສີແດງ,​ ສີເຫຼືອງ,​ ​ສີຂຽວ​ ແລະ ​ທີມສີຟ້າໃນແຕ່ລະທີມປະກອບມີນັກນຽນແຕ່ຊັ້ນ ປ1 ຫາ​ ປ5 ແລະ​ ມີຈໍານວນເທົ່າກັນ;​ ສ່ວນຊັ້ນມັດທະຍົມ​ມີ​ 6 ທີມ​ຄື: ທີ​ມສີແດງ,​ສີເຫຼືອງ,​ ສີຂຽວ, ສີຟ້າ,​ ສີມ່ວງ​ ແລະ​ສີບົວ (ຊັ້ນ​ລະ​ທີ​ມ ຄື ຊັ້ນມ.1-ມ.6, ສ່ວນ ຊັ້ນ ມ.7 ແມ່ນເປັນຜູ້ບໍລິຫານຈັດການ ແລະ ເປັນຜູ້ຊີ້ນຳໃນແຕ່ລະທີມ.

  ໃນການແຂ່ງຂັນແບ່ງອອກເປັນປະເພດຕ່າງໆ ອີງຕາມຊັ້ນຮຽນ ແລະ ໄວອາຍຸຊຶ່ງປະກອບມີຫຼາກຫຼາຍກວ່າ 30 ປະເພດໃນການແຂ່ງຂັນເຊັ່ນ: ແລ່ນສົ່ງປ່ຽນໄມ້, ຂີ້ມ້າ, ຕັກນໍ້າໃສ່ອົ້ງມື, ເປົ້າຈອກຕາມເຊືອກ, ເຕະບານ, ເປົ່າປິ່ງປ່ອງ, ເກມງູຂັ້ນໄດ, ປັກທໍ່, ຕດອກ, ໝາກພ້າວໂບລິງ, ເກມກີ້ງຕີນລົດ, ແລ່ນໄຖ, ດຶງເຊືອກ, ບານ ບ້ວງ, ບານສົ່ງ, ຕີປີງປ່ອງ, ກະຕໍ້, ແລ່ນ, ຕໍ່ຄຳສັບພາສາອັງກິດ ແລະກິດຈຳກຳອື່ນໆ.

ສະໜັບສະໜຸນໂດຍ: HONDA

--------

 

   ນອກຈາກນີ້, ຍັງມີການປະກວດບູດ, ການຖ່າຍຮູບ, ບົດເລື່ອງທຸກກິດຈະກຳແມ່ນມີຄວາມໝາຍຄວາມສຳຄັນໃຫ້ແກ່ແຕ່ລະທີມຈະຕ້ອງເຮັດວຽກເປັນທີມເວີກ, ຊຶ່ງຄວາມສະໜິດສະໜົມກັນ ເຫັນເຖິງຄວາມສຳຄັນຂອງການຫຼີ້ນແບບເປັນທຳ ແລະຄວາມສຳຄັນຂອງຄວາມເປັນນັກກີລາທາງໂຮງຮຽນເຊື່ອວ່າເປັນເປັນການຮຽນຮຽນຮູ້ມີປະໂຫຍດສຳລັບນັກຮຽນໃນການຮັບມືກັບສະພາບການທີ່ມີທັງການເສຍ ແລະການຊະນະ ຍິ່ງໄປກວ່ານັ້ນ ທາງໂຮງຮຽນຍັງ​ຈະ​ໄດ້​ມອບຫຼຽນ​ໃຫ​້ກັບ​ທີ​ມທີ່​ຊະນະ​ນໍາ​ອີກ ​ໃນ​ນັ້ນຊະນະເລີດອັນດັບທີ 1 ຈະ​ໄດ້​ຮັບຫຼຽນຄຳ, ອັນດັບທີ 2 ຫຼຽນເງິນ ​ແລະ ອັນດັບທີ 3 ຫຼຽນທອງແດງຊຶ່ງຈະເປັນການກະຕຸ້ນຄວາມນັບຖືຕົນເອງ ແລະ ຄວາມໝັ້ນໃຈໃນຕົນເອງ, ​ໂດຍ​ງານ​ດັ່ງກ່າວ​ຈະ​ດໍາ​ເນີນ​ໄປ​ຮອດ​ວັນ​ທີ 29 ພະຈິກ ​ຈຶ່ງ​ຈະ​ສໍາ​ເລັດ.

____________

  • ໜັງສືພິມເສດຖະກິດ-ສັງຄົມ
  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์