ເຂື່ອນນໍ້າຂອງໄຊຍະມອບສິ່ງສາທາລະນະປະໂຫຍດໃຫ້ 3 ບ້ານ ທີ່ຖືກໂຄງການ

  ພິທີມອບ-ຮັບສິ່ງສາທາລະນະປະໂຫຍດໃຫ້ບ້ານປາກໄຜ່, ບ້ານຫ້ວຍເຄືອ ແລະບ້ານປາກເຮົ້າເມືອງໄຊຍະບູລີ ທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້ານໍ້າຂອງໄຊຍະບູລີໄດ້ຈັດຂຶ້ນໃນວັນ ທີ 26 ພະຈິກ 2019 ນີ້ທີ່ເດີ່ນໂຮງຮຽນປະຖົມຂອງບ້ານປາກໄຜ່ໂດຍການໃຫ້ກຽດເຂົ້າຮ່ວມຂອງ ທ່ານ ບຸນແທນ ທີແກ້ວ ເຈົ້າເມືອງໄຊຍະບູລີ, ທ່ານ ສົມສະໄຫວ ເລັ່ງສະຫວັດ ຫົວໜ້າໂຄງການບໍລິສັດພອນສະຫວັນພັດທະນາ ຈຳກັດຜູ້ດຽວ, ມີກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການຂອງເມືອງ, ຫົວ ໜ້າໜ່ວຍງານ RMU ແຂວງໄຊຍະບູລີ, ພະນັກງານວິຊາການ, ພໍ່ແມ່ປະຊາຊົນຕະຫຼອດຮອດນ້ອງນ້ອຍນັກຮຽນເຂົ້າຮ່ວມ.

   ທ່ານ ສົມຈິດ ວົງພະຈັນ ຕາງໜ້າບໍລິສັດພອນສະຫວັນພັດທະນາຈຳກັດຜູ້ດຽວ ໄດ້ຂຶ້ນຜ່ານບົດບັນທຶກການມອບ-ຮັບສິ່ງສາທາລະນະປະໂຫຍດໃຫ້ບ້ານຈັດສັນບ້ານປາກໄຜ່,ບ້ານຫ້ວຍເຄືອ ແລະບ້ານປາກເຮົ້າລະຫວ່າງບໍລິສັດພອນສະຫວັນພັດທະນາຈຳກັດຜູ້ດຽວ ແລະອົງການປົກຄອງເມືອງໄຊຍະບູລີ ທ່ານກ່າວວ່າ: ເພື່ອເປັນການທົດແທນຊັບສິນສີ່ງສາທາລະນະປະໂຫຍດຢູ່ບ້ານເດີມຊຶ່ງໄດ້ຮັບຜົນກະທົບຈາກໂຄງການເຂື່ອນໄຟຟ້ານໍ້າຂອງໄຊຍະບູລີໂດຍແມ່ນບໍລິສັດພອນສະຫັວນພັດທະນາຈຳກັດຜູ້ດຽວກໍ່ຄືໂຄງການເຂື່ອນໄຟຟ້າພະລັງງານນໍ້າຂອງໄຊຍະບູລີເປັນຜູ້ຮັບຜິດຊອບການຈັດຕັ້ງປະຕິບັດ ແລະ ກໍ່ສ້າງສຳເລັດ 100% ຊຶ່ງສິ່ງສາທາລະນະປະໂຫຍດທີ່ມອບ

ໃນຄັ້ງນີ້ບ້ານປາກໄຜ່ປະກອບມີເສັ້ນທາງໃນບ້ານ 1 ເສັ້ນກວ້າງ 6 ແມັດ, ຍາວ 543ແມັດ, ຕ້ານເຈື່ອນກະຕ່າຫີນ 360 ແມັດ, ຕ້ານເຈື່ອນslopelinin g ຍາວ 360 ແມັດ, ທໍ່ນໍ້າລອດທາງເຂົ້າເຮືອນຂະໜາດຟີ 40 ຈຳນວນ 134 ແມັດ,ທໍ່ນໍ້າລອດທາງເຂົ້າເຮືອນຂະໜາດຟີ 100 ຈຳນວນ 24 ແມັດ, ຮ່ອງລະບາຍນໍ້າຮູບໂຕ V-DITCH 964 ແມັດ, ຫຼັກປະກັນໄພທາງ 4 ຊຸດ, ສາຍສົ່ງໄຟໄຟ້ແຮງຕໍ່າ 0,4 kV ຈໍານວນ 600 ແມັດ, ຕິດຕັ້ງໝໍ້ແປງໄຟຟ້າ 100 KVA ຈຳ

ນວນ 1 ໜ່ວຍ, ໝໍ້ນັບໄຟຟ້າ (ກົງເຕີ) 3/9 ຈໍານວນ 24 ໜ່ວຍ, ຕິດຕັ້ງທໍ່ນໍ້າລິນຈຳນວນ 7910 ແມັດ, ອ່າງເກັບນໍ້າຂະໜາດ 4x4x3 ຈຳນວນ 1 ອົ່ງ, ກົງເຕີນໍ້າ ແລະ ຫີບກັນກົງເຕີ 24 ຊຸດ, ຕິດຕັ້ງກັອກນໍ້າ 3 ກັອກຕໍ່ຄອບຄົວຈຳນວນ 72 ກັອກ, ຕິດຕັ້ງນໍ້າກັອກໃສ່ອາຄານສາທາລະນະຈໍານວນ 2 ກັອກ, ຕິດຕັ້ງດອກໄຟ 4-6 ດອກຕໍ່ຄອບຄົວຈຳນວນ 24 ຄອບຄົວ, ກໍ່ສ້າງເຮືອນໃຫ້ປະຊາຊົນປະເພດທີ 1 ຈຳນວນ 21 ຫຼັງ, ເຮືອນປະເພດທີ 2 ຈຳນວນ 2 ຫຼັງ, ເຮືອນປະເພດທີ 3 ຈຳນວນ 1 ຫຼັງ.

ສະໜັບສະໜຸນໂດຍ: HONDA

  ບ້ານຫ້ວຍເຄືອປະກອບມີປັບດີນປຸກສ້າງຈຳນວນ 3 ຕອນລວມທັງໝົດ 1,8 ພັນຕາແມັດ, ກໍ່ສ້າງເຮືອນປະເພດ 1 ຈຳນວນ 3 ຫຼັງ,ຮ່ອງລະບາຍນໍ້າຄອນກຣີດ  165 ແມັດ, ວາງທໍ່ທາງເຂົ້າເຮືອນຟີ 40 ຈຳນວນ15 ຈຸດ, ຕິດຕັ້ງໝໍ້ແປງ 50 KVA ຈໍານວນ 1ໜ່ວຍ,ຕິດຕັ້ງເຄືອຂ່າຍ 0,4 KV ຍາວ 500 ແມັດ, ຕິດຕັ້ງກົງ ເຕີ 5/20 ຈຳນວນ 3 ໜ່ວຍ, ຕິດຕັ້ງດອກໄຟ 40 ວັດ 8 ດອກແລະ 20 ວັດ 6 ດອກ, ວາງທໍ່ນໍ້າລິນຍາວ 500 ແມັດ, ຕິດຕັ້ງມີເຕີນໍ້າ 3 ຊຸດ, ຕິດຕັ້ງກັອກນໍ້າຈຳນວນ 3 ກັອກ.

ບ້ານປາກເຮົ້າປັບປຸງຕອນດິນປຸກສ້າງ 3 ຕອນ 1,8 ພັນຕາແມັດ,ກໍ່ສ້າງເຮືອນປະເພດ 1 ຈໍານວນ 1 ຫຼັງ, ເຮືອນປະເພດ 2 ຈໍານວນ 1 ຫຼັງ, ເຮືອນປະເພດ 4 ຈໍານວນ 1 ຫຼັງ,ຮ່ອງລະບາຍນ້ໍາຄອນກີດ 112 ແມັດ,ວາງທໍ່ເຂົ້າເຮືອນຟີ 40 ຈຳນວນ 15 ຈຸດ,ຕິດຕັ້ງໝໍ້ແປງ 50 KVA ຈໍານວນ 1 ໜ່ວຍ,ຕິດຕັ້ງເຄືອຂ່າຍ 0,4 KV ຍາວ 60 ແມັດ, ຕິດຕັ້ງກົງເຕີ 5/20 ຈຳນວນ 3 ໜ່ວຍ, ຕິດຕັ້ງດອກໄຟ 40 ວັດ 10 ດອກ ແລະ 20 ວັດ 6 ດອກ, ເຈາະນໍ້າບາດານ 1 ບໍ່, ຕິດຕັ້ງໂປມນໍ້າ 1 ຊຸດ, ຕິດຕັ້ງຖັງສະຕັນເລດ 2000 ລິດຈຳນວນ 1 ຖັງ, ຕິດຕັ້ງເມີເຕີນ້ໍາ 3 ຊຸດ, ຕິດຕັ້ງກັອກ20 ມີລີແມັດ 3 ກັອກ.

__________

ຂຽນໂດຍ:  ສົມພົງ ສີສະຫວັດ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์