ເປີດບໍລິສັດ ລາວເນເຊີນນໍເພເມັ້ນເນັດເວີກ

  ວັນທີ 25 ພະຈິກ 2019 ທີ່ໂຮງແຮມຄຣາວພາຊ່ານະຄອນຫຼວງວຽງຈັນ ໄດ້ມີພິທີເປີດໂຕບໍລິສັດລາວເນເຊີນ ນໍເພເມັ້ນເນັດເວີກ ຈຳກັດ ແລະ ເປີດໂຕຜະລິດຕະ ພັນໂອນເງິນຂ້າມທະນາຄານໂດຍຜ່ານຕູ້ເອທີເອັມໃຫ້ກຽດເຂົ້າຮ່ວມ ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ, ທ່ານ ຫົງຄຳ ເພັດດາວົງ ຜູ້ອຳ ນວຍການບໍລິສັດລາວເນເຊີນນໍເພເມັ້ນເນັດເວີກຈຳກັດບັນດາທ່ານທີ່ຕາງໜ້າຖືຮຸ້ນຂອງບໍລິສັດ, ບັນດາກົມຂອງທະນາຄານແຫ່ງ ສປປ ລາວ, ກະຊວງ, ທະນາຄານທຸລະກິດພາກສ່ວນກ່ຽວຂ້ອງເຂົ້າຮ່ວມ.

 ທ່ານ ຫົງຄຳ ເພັດດາວົງກ່າວວ່າ: ບໍລິສັດ ລາວເນເຊີນນໍເພເມັ້ນເນັດເວີກ ຈຳກັດ ໄດ້ສ້າງຕັ້ງຂຶ້ນເດືອນມີນາ 2019 ໂດຍພາຍໃຕ້ການຮ່ວມມືຂອງບັນດາຜູ້ຖືຮຸ້ນພາຍ ໃນນຳພາໂດຍທະນາຄານແຫ່ງ ສປປ ລາວ, ພ້ອມກັບ 7 ທະນາຄານທຸລະກິດຍັກໃຫຍ່ຂອງ ສປປ ລາວຄື: ທະນາຄານການຄ້າຕ່າງປະເທດລາວມະຫາຊົນ, ທະນາ ຄານພັດທະນາລາວ, ທະນາຄານສົ່ງເສີມກະສິກຳ, ທະນາຄານຮ່ວມພັດທະນາ, ທະນາຄານຮ່ວມທຸລະກິດລາວ-ຫວຽດ, ທະນາຄານ ເອັສທີ ຈຳກັດ ແລະ ທະນາຄານ

ບີໄອຊີ ລາວ ຈຳກັດ  ແລະ ຜູ້ຖືຮຸ້ນຕ່າງປະເທດອັນໄດ້ແກ່: ບໍລິສັດ ຢູນຽນເພ ສາກົນຈຸດປະສົງການດຳເນີນທຸລະກິດຂອງບໍລິສັດ ແມ່ນເຮັດໜ້າທີ່ຄວບຄຸມລະບົບຊຳລະທຸລະກຳຍ່ອຍໃນ ສປປ ລາວ ຕາມຄຳຂວັນຂອງບໍລິສັດທີ່ວ່າ: “ທຸກທີ່, ທຸກເວລາ ແລະທຸກເຄື່ອງມືການຊຳລະ (Any Time, Any Where and Any Paym ent Channel)” ສອດຄ່ອງກັບລະດັບຄາດໝາຍທີ່ໄດ້ວາງໄວ້ໃນແຜນຍຸດທະສາດພັດທະນາລະບົບສະຖາບັນການເງິນ-ເງິນຕາຂອງ ສປປ ລາວ ໄລຍະ 10 ປີ (2016-2025) ແລະຕາມວິໄສທັດຮອດປີ 2030.

ສະໜັບສະໜຸນໂດຍ: HONDA

  ນອກນັ້ນຍັງໄດ້ເປີດໂຕຜະລິດຕະພັນໃໝ່ຄື: ການໂອນເງິນຂ້າມທະນາຄານໂດຍຜ່ານຕູ້ເປັນຜະລິດຕະພັນໜຶ່ງຂອງບໍລິສັດທີ່ໃຫ້ມວນຊົນສາມາດນຳໃຊ້ບັດສິນເຊື່ອ ຫຼື ບັດເງິນຝາກຂອງຕົນເຮັດທຸລະກຳການໂອນເງິນໂດຍນຳໃຊ້ຕູ້ເອທີເອັມ, ຕູ້ຊີດີເອັມຂອງທະນາຄານໃດກໍ່ໄດ້ທີ່ເປັນສະມາຊິກຂອງບໍລິສັດ LAPNet ໂດຍ ຂັ້ນຕອນຂອງ

ການໂອນ ແມ່ນການພິມເລກໜ້າບັດຂອງຜູ້ທີ່ຈະຮັບເງິນໂອນເພື່ອກວດສອບວ່າມີບັນຊີປາຍທາງນັ້ນແທ້ບໍສ່ວນຈຳນວນເງິນໂອນສູງສຸດ 10 ລ້ານ ກີບຕໍ່ຄັ້ງ ແລະສູງສຸດ 50 ລ້ານກີບຕໍ່ວັນ ປະຈຸບັນໄດ້ມີ 6 ທະນາຄານທີ່ເປັນສະມາຊິກຂອງບໍລິສັດ ແມ່ນກຳລັງຢູ່ໃນໄລຍະຂຸ້ນຂ້ຽວພັດທະນາ ແລະ ທົດລອງລະບົບຂອງຕົນເຊັ່ນ: ທະນາຄານພັດທະນາລາວ, ທະນາຄານສົ່ງເສີມກະສິກຳ, ທະນາຄານມາຣູຮານເຈແປນລາວ ຈໍາກັດ, ທະນາຄານການຄ້າ ຕ່າງປະເທດລາວ ມະຫາ ຊົນ, ທະນາຄານບີໄອຊີລາວ ຈຳກັດ ແລະ ທະນາຄານຮ່ວມພັດທະນາ.

__________

ຂຽນໂດຍ: ແພງຕາ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์