ເຊກອງ ໄຂ້ຍຸງກວ່າ 740 ກໍລະນີ

  ພະຍາດໄຂ້ຍຸງລາຍເປັນເຊື້ອພະຍາດທີ່ຮ້າຍແຮງຕໍ່ຊີວິດໃນໄລຍະຜ່ານມາແມ່ນມີການລະບາດທີ່ມີໂຕເລກສູງກວ່າປີຜ່ານມາ, ແຂວງເຊກອງນັບແຕ່ວັນທີ 1 ມັງກອນ 2019 ຮອດປະຈຸບັນອາທິດ ທີ 41 ພົບຜູ້ຕິດເຊື້ອໄຂ້ຍຸງລາຍ 742 ກໍລະນີແຕ່ບໍ່ມີຜູ້ເສຍຊີວິດ, ໃນນີ້ຫຼາຍສຸດແມ່ນເມືອງລະມາມມີ 563 ກໍລະນີ.

  ໃນວັນທີ 25 ພະຈິກ 2019 ທີ່ພະແນກສາທາລະນະສຸກແຂວງເຊກອງໄດ້ຈັດກອງປະຊຸມສະຫຼຸບຜົນງານການຈັດຕັ້ງປະຕິບັດປີ 2019  ແລະແຜນການປີ 2020 ວຽກງານປ້ອງກັນ ແລະ ຄວບຄຸມໄຂ້ຍຸງລາຍທົ່ວແຂວງເຊກອງໂດຍການເປັນປະທານຂອງ ທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ,ທ່ານ ວິສັນ ອິນທະວົງ ຫົວໜ້າພະແນກສາທາລະນະສຸກແຂວງ; ພ້ອມນີ້ກໍມີຜູ້ຕາງໜ້າກົມຄວບຄຸມພະຍາດໄຂ້ຍຸງກະຊວງສາທາລະນະສຸກ, ທ່ານຮອງເຈົ້າເມືອງ, ຫົວໜ້າ-ຮອງພະ ແນກ, ຫ້ອງການ, ອົງການທຽບເທົ່າຂັ້ນແຂວງ-ເມືອງ ແລະພາກສ່ວນກ່ຽວຂ້ອງເຂົ້າຮ່ວມ.

__________

ຂຽນໂດຍ: ສັນຍາ 
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์