ເຂື່ອນເຊຂະໝານ 1 ສ້າງທາງໃຫ້ເມືອງຊານໄຊ ມູນຄ່າ 6 ຕື້ກວ່າກີບ

  ເສັ້ນທາງແຕ່ເທດສະບານເມືອງຊານໄຊ ຫາເຂື່ອນເຊຂະໝານ 1 ໄດ້ສຳເລັດການກໍ່ສ້າງຢ່າງເປັນທາງການແລ້ວພາຍຫຼັງໄດ້ເລີ່ມລົງມືການກໍ່ສ້າງມາແຕ່ຄັ້ງວັນທີ 20 ພະຈິກ 2017 ເປັນຕົ້ນມາ ທາງດັ່ງກ່າວເປັນເສັ້ນທາງປູຢາງ, ມີ ຄວາມຍາວ 6 ກິໂລແມັດ, ລວງກ້ວາງໜ້າທາງ 7,5 ແມັດ, ຂອບເສັ້ນທາງມີຮ່ອງລະບາຍນໍ້າ ລວມມູນຄ່າການກໍ່ສ້າງ 7,10 ແສນໂດລາ ຫຼືປະມານ 6 ຕື້ກວ່າກີບ ໂດຍໄດ້ຮັບການຊ່ວຍເຫຼືອລ້າຈາກບໍລິສັດກໍ່ສ້າງເຂື່ອນໄຟຟ້າເຊຂະໝານ 1 ຈໍາກັດ.

  ວັນທີ 23 ພະຈິກ 2019 ທີ່ເມືອງຊານໄຊ ໄດ້ຈັດພິທີເປີດນຳໃຊ້ ແລະສົ່ງມອບເສັ້ນທາງຢ່າງເປັນທາງການແລ້ວໂດຍການເຂົ້າຮ່ວມຂອງ ທ່ານ ເລັດ ໄຊຍະພອນ ເຈົ້າແຂວງອັດຕະປື, ມີທ່ານ ແກ້ວວົງວຽນ ບຸດສະວົງ ຮອງປະທານສະພາປະຊາຊົນແຂວງ, ທ່ານ ສຸວັນສີ ແກ້ວວິເສີດ ເຈົ້າເມືອງຊານໄຊ ແລະ ທ່ານ ເລວັນໂຕນ ປະທານສະພາບໍລິຫານງານບໍລິສັດໄຟຟ້າເຂື່ອນເຊຂະໝານ 1 ຈໍາກັດພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສະໜັບສະໜຸນໂດຍ: HONDA

  ເສັ້ນທາງແຕ່ເທດສະບານເມືອງຊານໄຊ ຫາເຂື່ອນເຊຂະໝານ 1 ເບື່ອງຕົ້ນແມ່ນເສັ້ນທາງດິນ, ໃນລະດູຝົນທາງມື່ນ, ລະດູແລງຂີ້ຝຸ່ນເຮັດໃຫ້ການສັນຈອນໄປມາພົບຄວາມຫຍຸ້ງຍາກຕໍ່ບັນຫາດັ່ງກ່າວເຈົ້າຂອງການລົງທຶນບໍລິສັດຮຸ້ນສ່ວນໄຟຟ້າຫວຽດນາມ-ລາວ ໄດ້ຊີ້ນຳບໍລິສັດໄຟຟ້າເຊຂະໝານ 1 ກໍ່ສ້າງເສັ້ນທາງໂດຍໄດ້ຮັບການອະ ນຸຍາດຈາກແຂວງອັດຕະປື ແລະການເຫັນດີຈາກພະແນກໂຍທາທິການ ແລະຂົນສົ່ງແຂວງ (ຍທຂ).

  ໂຄງການກໍ່ສ້າງທາງແຕ່ເມືອງຊານໄຊ ຫາ ເຂື່ອນເຊຂະໝານ 1 ແມ່ນໂຄງການໜຶ່ງທີ່ນອນຢູ່ໃນແຜນພັດທະນາພື້ນຖານໂຄງລ່າງຂອງເມືອງ, ຊຶ່ງເປັນໂຄງການທີ່ມີຄວາມໝາຍສຳຄັນທາງດ້ານເສດຖະກິດ-ສັງຄົມ, ການຄ້າ, ການລົງທຶນ ແລະການທ່ອງທ່ຽວນຳອີກ.

__________

ຂຽນໂດຍ: ສາຍນໍ້າ   
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์