ຮ້ານຄຳເພົ້າສັ່ງໄດ້ ທຸລະກິດຂະຫຍາຍຕົວດີ ກຽມເປີດສາຂາໃໝ່ທີ່ປາກເຊ

  ຮ້ານຕັດຫຍິບຄຳເພົ້າສັ່ງໄດ້ຫຼາຍໆຄົນອາດຄົງໄດ້ຍິນກັນດີນາມຄຳເພົ້າສັ່ງໄດ້ໂດຍສະເພາະຢູ່ໃນວົງການບັນເທິງທີ່ໄດ້ເລືອກເອົາຄຳເພົ້າສັ່ງໄດ້ເປັນຜູ້ອອກແບບຊຸດແຟຊັນໃນການເດີນແບບ ແລະອື່ນໆ ຊຶ່ງລູກຄ້າຂອງຮ້ານແມ່ນໄດ້ເພີ່ມຂຶ້ນໃນແຕ່ລະປີຂະນະທີ່ເມື່ອເດືອນກັນຍາຜ່ານມາທາງຮ້ານຄຳເພົ້າສັ່ງໄດ້ກໍໄດ້ເປີດສາຂາທີ່ແຂວງຊຽງຂວາງເພື່ອຮອງຮັບລູກຄ້າແນວໃດກໍດີເພື່ອຕອບສະໜອງຕາມຄວາມຕ້ອງການຂອງລູກຄ້າທາງຮ້ານກຽມຈະເປີດສາຂາໃໝ່ທີ່ນະຄອນປາກເຊ ແຂວງຈຳປາສັກ ໃນປີໜ້ານີ້.

  ທ່ານ ຄຳເພົ້າ ບົວພັນ ເຈົ້າ ຂອງຮ້ານຄຳເພົ້າສັ່ງໄດ້ໃຫ້ສຳພາດວ່າ: ຮ້ານຄຳເພົ້າສັ່ງໄດ້ເປັນຮ້ານຕັດຫຍິບເສື້ອຜ້າແຟຊັນ, ອອກແບບເສື້ອຜ້າ ແລະ ອື່ນໆ ທີ່ເນັ້ນການບໍລິການທີ່ວ່ອງໄວ, ສິນຄ້າມີຄຸນນະພາບດີສ້າງຄວາມໝັ້ນໃຈໃຫ້ແກ່ລູກຄ້າເວລາສວມໃສ່ເນື່ອງຈາກແພທີ່ນຳມາຕັດເປັນແພທີ່ນຳເຂົ້າຈາກຕ່າງປະເທດເປັນຕົ້ນແມ່ນແພຍີ່ປຸ່ນ, ອີຕາລີ, ປະເທດໄທ ແລະ ປະເທດໃກ້ຄຽງໂດຍແຜ່ນແພມີຄຸນນະພາບໄດ້ມາດຕະຖານ, ຊຶ່ງລູກຄ້າສ່ວນໃຫຍ່ຂອງທາງຮ້ານຄຳເພົ້າສັ່ງໄດ້ກຸ່ມຫຼັກໆ ແມ່ນວົງການບັນເທີງລາວເປັນຕົ້ນສິລະປິນ, ນັກສະແດງ, ນາຍແບບ, ນາງແບບນອກນັ້ນຍັງມີນັກທຸລະກິດ, ພະນັກງານຫ້ອງການ ແລະ ບຸກຄົນທົ່ວໄປ.

ສະໜັບສະໜຸນໂດຍ: HONDA

 ທ່ານ ຄຳເພົ້າ ບົວພັນ ກ່າວຕື່ມວ່າ: ປະຈຸບັນຮ້ານຄຳເພົ້າສັ່ງໄດ້ແມ່ນມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງລູກຄ້າມີຈຳນວນເພີ່ມຂຶ້ນໃນແຕ່ລະປີສະເລ່ຍເພີ່ມຂຶ້ນປະ ມານ 20% ຕໍ່ປີດັ່ງນັ້ນເພື່ອເປັນການຮອງຮັບ ແລະ ຕອບສະໜອງຕາມຄວາມຕ້ອງການຂອງລູກຄ້າທາງຮ້ານຄຳເພົ້າສັ່ງໄດ້ຈຶ່ງໄດ້ເປີດສາຂາຢູ່ເມືອງແປກແຂວງຊຽງຂວາງເມື່ອເດືອນກັນຍາຜ່ານມາ, ແນວໃດກໍດີເພື່ອຕອບສະໜອງລູກຄ້າທີ່ເຂົ້າມາໃຊ້ບໍລິການໃຫ້ມີຄວາມວ່ອງໄວຂຶ້ນກວ່າເກົ່າຈຶ່ງມີແຜນທີ່ຈະຂະຫຍາຍທຸລະກິດຕື່ມກໍຄືຈະເປີດສາຂາໃໝ່ທີ່ນະຄອນປາກເຊ ແຂວງຈຳປາສັກ ໃນຕົ້ນປີ 2020 ທີ່ຈະມາເຖິງນີ້.

  ສຳລັບທ່ານໃດທີ່ສົນໃຈຢາກໄດ້ຊຸດງາມໆກໍສາມາດມາຕິດຕໍ່ໄດ້ທີ່ຮ້ານຄຳເພົ້າສັ່ງໄດ້ຊຶ່ງທາງຮ້ານຈະອອກແບບແຟຊັນຕາມທີ່ລູກຄ້າຕ້ອງການສະຖານທີ່ຕັ້ງຢູ່ບ້ານຈອມເພັດໃຕ້ (ຕໍ່ໜ້າຄ້າຍທະຫານຈີນາຍໂມ້) ຫຼື ຕິດຕໍ່ໄດ້ທີ່ໝາຍເລກໂທລະສັບ 020 5663 1663.

----------------

ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์