ຫົງສາ ປະກາດກົມກອງ ແລະບ້ານວັດທະນະທຳ

   ຫວ່າງບໍ່ດົນຜ່ານມານີ້ເມືອງຫົງສາ ແຂວງໄຊຍະບູລີ ໄດ້ຈັດພິທີປະກາດ-ຮອງຮັບຮອງບ້ານວັດທະນະທໍາໃໝ່ 4 ບ້ານ, ກົມກອງວັດທະນະທໍາ 17 ກົມກອງ ແລະບ້ານປອດຢາເສບຕິດ 5 ບ້ານ,ຂຶ້ນທີ່ເມືອງດັ່ງກ່າວໂດຍເປັນປະທານຂອງທ່ານ ຄໍາຫຼ້າ ຜິວວັນນາ ວ່າການເຈົ້າເມືອງໆຫົງສາ, ມີຄະນະປະຈໍາພັກເມືອງພະນັກງານຂອງ ແຂວງຂອງເມືອງ, ພະນັກງານຫຼັກແຫຼ່ງຂອງເມືອງ, ມີນາຍບ້ານອ້ອມຂ້າງເມືອງ, ເຂົ້າຮ່ວມຢ່າງພ້ອມພຽງ.

ທ່ານ ສີພູວົງ ວິໄລແກ້ວ ຫົວໜ້າຫ້ອງການຖະແຫຼງຂ່າວວັດທະນະທຳ ແລະທ່ອງທຽ່ວເມືອງກໍ່ໄດ້ຜ່ານຂໍ້ຕົກລົງເລກທີ 1383 /ຈຂ.ຊຍ,ລັງວັນທີ 12ພະຈິກ 2019 ວ່າດ້ວຍການອະນຸມັດຮັບຮອງເອົາ ບ້ານວັດທະນະທໍາ, ເຈົ້າແຂວງໄຊຍະບູລີຕົກລົງເຫັນດີອະນຸມັດເປີດຮັບ-ຮອງເອົາບ້ານວັດທະນະທໍາ,ໃນຈໍານວນ 4 ບ້ານ ຄືບ້ານປາກ ຫ້ວຍຍາງ, ປາກງື່ມ, ຫ້ວຍໄລ່ ແລະ ບ້ານນໍ້າຍາງ; ຮັບຟັງການຜ່ານຂໍ້ຕົກລົງເລກທີ 1307 ຈຂ.ຊຍ, ລົງວັນທີ 1 ພະຈິກ 2019, ວ່າດ້ວຍການຢັ້ງຢືນ ແລະຮັບ ຮອງເອົາບ້ານປອດຢາເສບຕິດ, ເຈົ້າ ແຂວງໄຊຍະບູລີ ຕົກລົງເຫັນດີຮັບຮອງເອົາບ້ານປອດຢາເສບຕິດຈໍານວນ 5 ບ້ານຄື: ບ້ານປາກຫ້ວຍ ຍາງ, ຫ້ວຍຈ້ວງ, ຫ້ວຍໄລ່, ນໍ້າຍາງ ແລະບ້ານກີ່ວສາລາ; ຮັບຟັງການຜ່ານຂໍ້ຕົກລົງເລກທີ 1201 / ຖວທ ລົງວັນທີ 24 ຕຸລາ 2019, ວ່າດ້ວຍການມອບໃບຢັ້ງຢືນກົມກອງວັດທະທໍາໃຫ້ເມືອງຫົງສາ 17 ກົມກອງວັດທະນະທໍາຄື: ກອງບັນຊາການ ປກສ ເມືອງ, ຫ້ອງການ, ການເງິນ, ຫ້ອງການສະຫະພັນນັກຮົບເກົ່າເມືອງ, ຫ້ອງການກະສິກໍາ ແລະປ່າໄມ້ເມືອງ,ຫ້ອງການໂຍທາທິການ ແລະຂົນສົ່ງເມືອງ,ຫ້ອງການສຶກສາທິການ ແລະກີລາເມືອງ,ຫ້ອງການສາທາລະນະສຸກເມືອງ ແລະໂຮງໝໍ ເມືອງ,ຫ້ອງການຖະແຫຼງຂ່າວວັດທະນະທໍາ ແລະ ທ່ອງທ່ຽວເມືອງ, ຫ້ອງການກວດກາພັກ-ລັດເມືອງ, ຫ້ອງການສະຫະພັນແມ່ຍິງເມືອງ, ຫ້ອງການແນວລາວສ້າງຊາດເມືອງ, ຫ້ອງການແຮງງານສະຫວັດດີການ ແລະສັງຄົມເມືອງ, ອົງການໄອຍະການປະຊາຊົນເຂດ III, ຫ້ອງການຄະນະຈັດຕັ້ງເມືອງ, ຫ້ອງການຍຸທໍາເມືອງ ແລະຫ້ອງວ່າການເມືອງ.

ສະໜັບສະໜຸນໂດຍ: HONDA

  ໃຫ້ກຽດມອບໃບຮອງຮັບ 4 ບ້ານວັດທະນະທໍາໃໝ່, ກົມກອງວັດທະນະທໍາ 17 ກົມກອງ ແລະບ້ານປອດຢາເສບຕິດ 5 ບ້ານ ແມ່ນທ່ານ ຄໍາຫຼ້າ ຜີວວັນນາ ວ່າການເຈົ້າເມືອງໆຫົງສາ ແລະທ່ານ ນາງ ດາວວິນ ລາດຊະກິດຄະນະປະຈໍາພັກເມືອງຈາກນັ້ນທ່ານ ຄໍາຫຼ້າ ຜິວວັນນາ ກໍ່ໄດ້ມີຄໍາເຫັນໂອ້ລົມໃຫ້ທິດຊີ້ນໍາຕໍ່ພິທີດັ່ງກ່າວຕື່ມອີກ.

------------

ໜັງສືພິມເສດຖະກິດ-ສັງຄົມ

แชร์