ຖໍ້າພໍ່ບົວ ແຫຼ່ງທ່ອງທ່ຽວທາງວັດທະນະທຳ ທີ່ຕິດພັນກັບທຳມະຊາດ

  ເມືອງຊຽງຮ່ອນ ຫຼາຍໆຄົນກໍຄົງເຄີຍໄດ້ຍິນເພາະເມືອງຊຽງຮ່ອນ ເປັນເມືອງທີ່ຂຶ້ນຊື່ດ້ານການທ່ອງທ່ຽວທາງປະຫວັດສາດ ແລະວັດທະນະທໍາອັນຫຼາກຫຼາຍປະກອບດ້ວຍຫຼາຍຊົນເຜົ່ານອກຈາກນີ້ຍັງມີແຫຼ່ງທ່ອງທ່ຽວທາງ ທໍາມະຊາດເປັນຕົ້ນຖໍ້າພໍ່ບົວອ້ອມຮອບຖໍ້າປະກອບດ້ວຍຕົ້ນໄມ້ນ້ອຍ-ໃຫຍ່ ແລະສັດສາວາສິ່ງຫຼາກຫຼາຍຊະນິດທີ່ລືຊື່ ແລະມີປະຫວັດຄວາມເປັນມາອັນຍາວນານ ແລະ ໜ້າສົນໃຈ, ໜອງແຫ່ງນີ້ປະຊາຊົນມັກມາທ່ຽວຫຼິ້ນ ແລະ ຊົມບັນຍາກາດທີ່ສົດຊື່ນ, ຖໍ້າພໍ່ບົວຕັ້ງຢູ່ບ້ານຂິ່ງ ຫ່າງຈາກເທສະບານເມືອງຊຽງຮ່ອນປະມານ 5 ກິໂລແມັດ.

  ຖໍ້າພໍ່ບົວ ເປັນຖໍ້າທີ່ອຸດົມສົມບູນເຕັມໄປດ້ວຍປ່າໄມ້ອັນດົກໜາ ແລະພືດພັນຫຼາຍສິ່ງຫຼາຍຢ່າງນອກຈາກຄວາມສວຍງາມເຫຼົ່ານັ້ນແລ້ວ, ອາກາດກໍຍັງເປັນມິດກັບຜູ້ຄົນທີ່ໄປຍ່າງຫຼິ້ນ ແລະນັກທ່ອງທ່ຽວ, ຍ້ອນວ່າອາກາດສົດຊື່ນເຢັນສະບາຍເໝາະສຳລັບກັບຜູ້ຄົນທີ່ເຮັດວຽກງານໜັກໃນຫ້ອງລ້າຫ້ອງການຢາກໄປພັກຜ່ອນຢ່າງຫຼິ້ນ, ກິນ ເຂົ້າຈີບເບຍເຢັນ,ສູບອາກາດສົດ, ຊົມວິວທິບທັດທຳມະຊາດທີ່ຫາບ່ອນອື່ນໃດມາປຽບໄດ້, ຊຶ່ງເປັນເວລາດົນນານມາແລ້ວມີພະບົວລຽບປັດສະໂຖພ້ອມດ້ວຍສຳມະເນນ 3 ອົງຄື: ສຳມະເນນອິນເຫຼົາ, ສຳມະເນນຄຳ ແລະສຳມະເນນກັນນິຖາພາກັນໄປຈຳສິນພາວັນນາຢູ່ໃນປ່າ, ສ່ວນພະບົວລຽບປັດສະໂຖໄດ້ຈຳສິນຢູ່ໃນຖໍ້າ.

  ການທີ່ມີພະສົງໄປຈຳສິນພາວັນນາສຶກສາຮໍ່າຮຽນວິໄນສົງຢູ່ເຂດນັ້ນກໍເລີຍມີອອກຕົນຍາດໂຍມພາຍໃນບ້ານຂິ່ງ ແລະບ້ານຄໍ້າພາກັນມາບູລະນະປະຕິສັງຂອນຖໍ້າແຫ່ງນີ້ດ້ວຍການປຸກສ້າງກຸດຕິ,ກໍ່ພະທາດເຈດີ ແລະໄດ້ນຳເອົາພະພຸດທະຮູບໄປປະດິດສະຖານເພື່ອສັກກາລະບູຊາ, ບຸນປີໃໝ່ລາວຂອງທຸກໆປີປະຊາຊົນໄດ້ພ້ອມພາກັນໄປຫົດສົງພະພຸດທະຮູບ ແລະເປັນການໄປທ່ຽວຊົມທຳມະຊາດທີ່ມີຄວາມສວຍສົດງົດງາມ.

--------------

ໜັງສືພິມເສດຖະກິດ-ສັງຄົມ

• 27/11/2019