ເປີດງານວາງສະແດງການຮ່ວມມືເສດຖະກິດແມ່ນໍ້າຂອງ-ແມ່ນໍ້າລ້ານຊ້າງ

  ໃນລະຫວ່າງວັນທີ 25-28 ພະຈິກ 2019 ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ໄດ້ຈັດພິທີເປີດງານວາງສະແດງການຮ່ວມືເສດຖະກິດແມ່ນໍ້າຂອງ-ແມ່ນໍ້າລ້ານຊ້າງ 2019 ໂດຍການເຂົ້າ ຮ່ວມຂອງທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກໍາ ແລະການຄ້າ, ທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະອຸດສາຫະກໍາແຫ່ງຊາດ, ທ່ານນາງ ສື ຕົງຫຼີ ຮອງຫົວໜ້າກົມສົ່ງເສີມການຄ້າ ແລະການລົງທຶນສະພາສົ່ງເສີມການຄ້າສາກົນ ສປ ຈີນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

 ການຈັດງານດັ່ງກ່າວກໍເພື່ອສືບຕໍ່ເສີມສ້າງສາຍພົວພັນການຮ່ວມມືດ້ານເສດຖະກິດຂອງບັນດາປະເທດໃນກອບການຮ່ວມມືແມ່ນໍ້າຂອງ-ແມ່ນໍ້າ ລ້ານຊ້າງ ແລະເພື່ອສົ່ງ ເສີມການຄ້າໃຫ້ຂະຫຍາຍຕົວຢ່າງຕໍ່ເນື່ອງຂອງສອງປະເທດລາວ-ຈີນ ທັງເປີດໂອກາດໃຫ້ກັບພາກນັກທຸລະກິດຂອງສອງປະເທດໄດ້ມີການສືບຕໍ່ແລກປ່ຽນຂໍ້ມູນຂ່າວສາ ນຕ່າງໆ ເພື່ອສຸກຍູ້ທາງດ້ານການຄ້າ, ການເຊື່ອມໂຍງ, ການຮ່ວມມືໃນປະຈຸບັນແລະສຶກສາຄວາມເປັນໄປໄດ້ໃນການລົງທຶນຮ່ວມກັນໃນອະນາຄົດ.

 ທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າໃຫ້ຮູ້ວ່າ: ງານວາງສະແດງການຮ່ວມມືເສດຖະກິດແມ່ນໍ້າຂອງ-ແມ່ນໍ້າລ້ານຊ້າງ2019 ນີ້ກໍ່ເປັນອີກງານໜຶ່ງທີ່ມີຄວາມໝາຍຄວາມສຳ ຄັນ ຊຶ່ງໄດ້ຮ່ວມກັບກະຊວງອຸດສາຫະ ກໍາ ແລະການຄ້າແຫ່ງຊາດ ແລະສະພາ ສົ່ງເສີມການຄ້າສາກົນ ສປ ຈີນ ໃນການ ຈັດງານນີ້ຂຶ້ນມາ, ຈຸດປະສົງກໍ່ເພື່ອສ້າງເວທີໃຫ້ຜູ້ປະກອບທຸລະກິດລາວ-ຈີນ ເພື່ອເປັນການສ້າງກົນໄກທີ່ສໍາຄັນໃນການສົ່ງເສີມການຮ່ວມມືທາງດ້ານການຄ້າ, ການລົງທຶນເພື່ອກະຕຸ້ນເສດຖະກິດໃຫ້ນັບມື້ເຂັ້ມແຂງຕາມຍຸກເຊື່ອມສາກົນ.

ສະໜັບສະໜຸນໂດຍ: HONDA

 ໃນງານແມ່ນເນັ້ນໜັກໃສ່ນໍາສະເໜີໝາກຜົນການຮ່ວມມືຂອງບັນດາບໍລິສັດ ແລະໂຄງການຈາກ ສປ ຈີນ ໄດ້ມາລົງ ທຶນໃນບັນດາປະເທດຕາມແມ່ນໍ້າຂອງໂດຍສະເພາ ະແມ່ນ ສປປ ລາວ ໃນໄລຍະຜ່ານມານອກນັ້ນພາຍໃນງານດັ່ງກ່າວຍັງຈະໄດ້ມີງານວາງສະແດງຫຼາຍຜະລິດຕະພັນທີ່ໂດດເດັ່ນ, ມີຊື່ສຽງໂດ່ງດັງ ແລະ ມີຄວາມນໍາໜ້າທາງດ້ານເຕັກໂນໂລຊີໃໝ່ເປັນຕົ້ນ: ວັດຖຸອຸປະກອນ, ເຄື່ອງມືຮັບໃຊ້ໃນການກໍ່ສ້າງພື້ນຖານໂຄງລ່າງ ແລະອື່ນໆ.

__________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์