ສະຫຼອງຄົບຮອບ 10 ປີ ທະນາຄານ STB

  ພິທີສະເຫຼີມສະຫຼອງຄົົບຮອບ 10 ປີ ຂອງທະນາຄານເອັສທີ ຈຳກັດ (STB) ໄດ້ຈັດຂຶ້ນໃນວັນທີ 22 ພະຈິກ ທີ່ສຳນັກງານໃຫຍ່ຂອງບໍລິສັດດັ່ງກ່າວໂດຍການໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ທ່ານຜູ້ວ່າການທະນາຄານແຫ່ງ ສປປ ລາວ ແລະບັນດາຄະນະປະທານຜູ້ບໍລິຫານບໍລິສັດ ແລະ ພາກ ສ່ວນກ່ຽວຂ້ອງເຂົ້າຮ່ວມ.

ຕະຫຼອດການເຄື່ອນໄຫວຜ່ານມາທະນາຄານເອັສທີ ຈຳກັດ ໄດ້ປະຕິບັດພາລະບົດບາດໃນການລະດົມທຶນການປ່ອຍສິນເຊື່ອສະໜອງຜະລິດຕະພັນການທະນາຄານຕ່າງໆໃຫ້ແກ່ສັງ ຄົມດ້ວຍຫຼາຍຮູບແບບເປັນລະບົບດ້ວຍນະໂຍບາຍເງື່ອນໄຂອັນເໝາະສົມຊຶ່ງໄດ້ດຶງດູດເອົາອົງການຈັດຕັ້ງທັງພາກລັດ, ເອກະຊົນ ແລະ ພໍ່ແມ່ປະຊາຊົນບັນ ດາເຜົ່າມານຳໃຊ້ບໍລິການອັນທັນສະໄໝຂອງທະຄານຢ່າງປະທັບໃຈດ້ວຍແຮງປະສິດທິພາບຂອງທະນາຄານອັນໂດດເດັ່ນພາຍໃຕ້ຄຳຂວັນທີ່ວ່າໝັ້ນຄົງໂປ່ງໃສບໍລິການດ້ວ

ຍຫົວໃຈຮັບໃຊ້ສັງຄົມຊຶ່ງເຮັດໃຫ້ການຂະຫຍາຍຕົວດ້ວຍປະລິມານແລະຄຸນນະພາບຂອງທະນາຄານເອັສທີຈຳກັດເຕີບໃຫຍ່ຂະຫາຍາຍຕົວຢ່າງໜັກແໜ້ນພາຍໃຕ້ການຮ່ວມມືສະໜັບສະໜູນ ແລະ ຄວາມໄວ້ວາງໃຈຈາກປະຊາຊົນຕະຫຼອດນັກທຸລະກິດທາງພາຍໃນ ແລະ ຕ່າງປະເທດ, ເຮັດໃຫ້ທະນາຄານເອັສທີຈຳກັດມີຄວາມໝັ່ນຄົງດ້ວຍສະພາບຄ່ອງ, ສາມາດສະໜອງທຶນເງິນສົດໃຫ້ບັນດາລູກຄ້ານັກທຸລະກິດຕາມຄວາມຮຽກຮ້ອງຕ້ອງການໃນໄລຍະຜ່ານມາທະນາຄານເອັສທີກໍໄດ້ຮັບການຍ້ອງຍໍຂັ້ນຕ່າງໆ.

  ໃນງານດັ່ງກ່າວຍັງໄດ້ມອບເຂັມຄັດທອງຄຳໃຫ້ພະນັກງານດີເດັ່ນໃນການເຮັດວຽກ, ພ້ອມດຽວກັນນີ້ໃນງານຍັງໄດ້ມອບເຂັມຄັດໃຫ້ຄະນະຜູ້ບໍລິຫານທີ່ດີເດັ່ນໃນການນຳພາເຮັດວຽກງານຂອງທະນາຄານເອັສທີເພື່ອເປັນຂວັນກຳລັງໃຈໃຫ້ແກ່ພະນັກງານໃຫ້ມີຄວາມບຸກບຶນຫ້າວຫັນເພື່ອເຮັດໃຫ້ທະນາຄານເອັສທີຈະເລີນກ້າວໜ້າຂຶ້ນ

ໄປ, ໃນຜົນສຳເລັດທີ່ ຍາດ ມາໄດ້ນັ້ນຍ້ອນການຊີ້ນຳໆ ພາຢ່າງ ໃກ້ສິດຂອງທານປະບໍລິສັດຜູ້ບໍລິຫານ ພ້ອມດ້ວຍຄະນະ, ໂດຍໄດ້ຮັບການຊີ້ ນຳຕິດຕາມກວດກາຂອງຄະນະຜູ້ວ່າການຂອງທະນາຄານແຫ່ງ ສປປ ລາວ, ທະນາຄານເອັສທີ ຈຳກັດ, ຊຶ່ງໃນ ໄລຍະ 2O2O-2O22 ຈະສຸມໃສ່ໃຫ້ໄປຕາມວິໄສທັດ ແລະ ໃນງານດັ່ງກ່າວທະນາຄານເອັສທີຍັງມອບລົດໃຫ້ມູນນິທິ (ກູ້ໄພ) ຈຳນວນ 5 ຄັນ.

__________

ຂຽນໂດຍ: ບຸນອູ້ມ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์