ຄູຮາຣາອະດີດສະມາຊິກວົງ KARA ເສຍຊີວິດແລ້ວ

   ນັກຮ້ອງໄອດໍ້ສາວ “ຄູຮາຣາ” (Goo Hara) ອະດີດສະມາຊິກວົງ KARA ອາຍຸ 28 ປີໄດ້ເສຍຊີວິດແລ້ວທີ່ເຮືອນໃນເຂດຊອງດຳດົງນະຄອນຫຼວງໂຊລ ເມື່ອ ຕອນແລງວັນທີ 24 ພະຈິກ ທີ່ຜ່ານມາຫຼ້າສຸດທາງຕົ້ນສັງກັດຂອງສິນລະປິນສາວຈາກປະເທດຍີ່ປຸ່ນ ໄດ້ອອກຖະແຫຼງການທີ່ແປງ ສານເປັນພາສາ ເກົາຫຼີ ເພື່ອຢືນ ຢັນຂ່າວຮ້າຍທີ່ເກີດຂຶ້ນກັບອະດີດນັກຮ້ອງສາວຊື່ດັງ.

ໂປຣດັກຊັນ ໂອກິ ເອເຢນຊີ່ຈາກປະເທດຍີ່ປຸ່ນໄດ້ສົ່ງຂໍ້ຄວາມມາຍັງຕົວແທນເອເຢນຊີ່ໃນ ສ.ເກົາ ຫຼີໂດຍລະບຸວ່າ “ສະບາຍດີພວກເຮົາຕ້ອງຂໍແຈ້ງຂ່າວອັນໜ້າເສົ້າສະເທືອນໃຈ ແລະບໍ່ມີໃຜຄາດຄິດ ຂຶ້ນ, ສະມາຊິກຄອບຄົວ ແລະໝູ່ ເພື່ອນຂອງຄູຮາຣາຕ່າງຕົກໃຈ ແລະໂສກເສົ້າກັບສິ່ງທີ່ເກີດຂຶ້ນ.ແຕ່ທັງນີ້ທາງເຮົາຂໍຄວາມຮ່ວມມືທຸກຄົນໃຫ້ກຽດແກ່ສິນລະປິນຜູ້ ລ່ວງລັບດ້ວຍການບໍ່ສ້າງກະແສຂ່າວລື ຫຼື ກ່າວອ້າງໃດໆທີ່ກະທົບ ຕໍ່ຕົວສິນລະປິນພ້ອມຂໍຮ້ອງ ແລະ ຂໍອະນຸຍາດເຖິງແຟນຄລັບ ແລະ ສື່ມວນຊົນທຸກສຳນັກງົດຕິດຕໍ່ເພື່ອ ສະແດງຄວາມເສຍໃຈກັບກໍລະນີນີ້ຜ່ານທາງຕົ້ນສັງກັດທຸກຊ່ອງທາງ ໂດຍຈະມີການຈັດພິທີໄຫ້ວອາໄລຢ່າງເປັນທາງການໃຫ້ສິນລະປິນສາວຕໍ່ໄປ”.

ສຳລັບ ຄູຮາຣາ ແຈ້ງເກີດຈາກ ການເດບິວ (debut) ເປັນສະມາ ຊິກວົງ KARA ມີຜົນງານເພງ ແລະສ້າງຊື່ສຽງໂດ່ງດັງໄປທົ່ວ ພາກພື້ນຕັ້ງແຕ່ປີ 2008 ກ່ອນທີ່ ຈະຍຸບວົງ ແລະສະມາຊິກແຕ່ລະຄົນຕ່າງອອກຜົນງານດ່ຽວ ຄູຮາ ຣາເປັນສິນລະປິນ ສ.ເກົາຫຼີທີ່ເລືອກເຊັນສັນຍາກັບເອເຢນຊີ່ຈາກຍີ່ປຸ່ນເດີນສາຍອອກຜົນງານທັງ 2 ປະເທດໃນໄລຍະຫຼັງໆ.

------------------

ພາບ ແລະຂ່າວຈາກ: ​ໜັງສືພິມເສດຸະກິດ-ສັງຄົມ

แชร์