ຫົວພັນ-ແທັງຮວ່າ ແລກປ່ຽນວິຊາການສື່ມວນຊົນ

   ວັນທີ 21 ພະຈິກ 2019, ພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງຫົວພັນແຫ່ງ ສປປ ລາວ ແລະ ພະແນກຖະແຫຼງຂ່າວ ແລະ ການສື່ສານແຂວງແທັງຮວ່າແຫ່ງ ສສ ຫວຽດນາມ ໄດ້ຈັດກອງປະຊຸມພົບປະແລກປ່ຽນບົດຮຽນດ້ານວິຊາການສື່ມວນຊົນຂື້ນຢູ່ຫໍວັດທະນະທຳແຂວງຫົວພັນ, ໂດຍມີທ່ານ ຄຳສິງ ລາດດາ ວົງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫົວພັນ ແລະ ທ່ານ ໂດ່ຮິວ ກວຽດ ຫົວໜ້າພະແນກຖະແຫຼງຂ່າວ ແລະ ການສື່ສານແຂວງແທັງ ຮວ່າ ພ້ອມດ້ວຍຄະນະທັງສອງຝ່າຍເຂົ້າຮ່ວມ.

ສະໜັບສະໜຸນໂດຍ: HONDA

  ໃນກອງປະຊຸມສອງຝ່າຍໄດ້ພັດປ່ຽນກັນລາຍງານໂດຍຫຍໍ້ກ່ຽວກັບສະພາບຈຸດພິເສດທີ່ຕັ້ງຂອງແຂວງ, ພາລະບົດບາດ, ສິດໜ້າທີ່, ກົງຈັກການຈັດຕັ້ງ ແລະ ການເຄື່ອນໄຫວວຽກງານວິຊາສະເພາະແຕ່ລະດ້ານໃຫ້ກັນ ແລະ ກັນຊາບ, ພ້ອມນັ້ນ, ກໍ່ໄດ້ປຶກສາຫາລືແລກປ່ຽນຄຳຄິດຄຳເຫັນກ່ຽວກັບວຽກງານຖະແຫຼງຂ່າວ ແລະ ສື່ມວນຊົນຂອງສອງຝ່າຍຊຶ່ງຈຸດ ເດັ່ນແມ່ນແນ່ໃສ່ຖອດຖອນບົດຮຽນ, ປະສົບການດ້ານການຄຸ້ມຄອງມະຫາພາກດ້ານຖະແຫຼງຂ່າວ, ສື່ມວນຊົນໃນຂອບເຂດຮັບຜິດຊອບຂອງຕົນເພື່ອເຮັດໃຫ້ວຽກງານດັ່ງກ່າວຮັບປະກັນໄດ້ດ້ານປະລິມານ ແລະຄຸນນະພາບ; ປະຕິບັດຕາມບົດບັນທຶກຊ່ວຍຈຳການຮ່ວມມືທາງດ້ານເສດຖະກິດ-ສັງຄົມ, ວຽກ ງານປ້ອງກັນຊາດ-ປ້ອງກັນຄວາມສະຫງົບລະຫວ່າງສອງ ແຂວງຫົວພັນ ແຫ່ງ ສປປ ລາວ ແລະແຂວງແທັງຮວ່າແຫ່ງ ສສ ຫວຽນາມ ປີ 2019 ເພື່ອເສີມຂະຫຍາຍສາຍພົວພັນອັນເປັນມູນເຊື້ອ ລະຫວ່າງແຂວງຫົວພັນ ແລະແທັງ ຮວ່າ.

 ຈາກນັ້ນພະແນກທັງສອງຝ່າຍເຫັນດີເປັນເອກະພາບກັນເຊັນບົດບັນທຶກຊ່ວຍຈຳການຮ່ວມມືໄລຍະປີ 2019 - 2021 ຄື: ສອງຝ່າຍຈະປະສານສົມທົບປະຕິບັດວຽກ ງານຖະແຫຼງຂ່າວ ແລະ ການສື່ສານທີ່ເປັນມູນເຊື້ອອັນດີງາມລະຫວ່າງສອງແຂວງຫົວພັນ-ແທັງຮວ່າ; ເປັນການໂຄສະນາກ່ຽວກັບຜົນງານທີ່ສອງແຂວງຍາດມາໄດ້ໃນພາລະກິດປ່ຽນແປງໃໝ່, ບັນດາເຫດການໆເມືອງ, ວັນບຸນສຳຄັນຕ່າງໆຂອງແຕ່ລະແຂວງ ແລະ ການຈັດຕັ້ງປະຕິບັດການຮ່ວມມື ວຽກງານຖະແຫຼງຂ່າວ ແລະ ການສື່ສານ; ປະສານສົມທົບໃນການຊີ້ນຳ, ການຊ່ວຍເຫຼືອເຊິ່ງກັນ ແລະກັນ, ການສ້າງສິ່ງອຳນວຍຄວາມສະດວກໃຫ້ແກ່ບັນດາຫ້ອງການ, ກົມກອງ, ຂະແໜງການທີ່ຂຶ້ນກັບພະແນກຂອງສອງຝ່າຍຢ່າງສະໜິດແໜ້ນ, ເພີ່ມທະວີການແລກປ່ຽນບົດຮຽນດ້ານວິຊາການ ແລະ ການຮ່ວມມືກ່ຽວກັບວຽກງານໂຄສະນາຂໍ້ມູນຂ່າວສານທັງສອງຝ່າຍເຫັນດີເປັນເອກະພາບເພີ່ມທະວີການຮ່ວມມື ແລະແລກປ່ຽນນຳກັນປີລະຄັ້ງໝູນວຽນກັນ; ສອງຝ່າຍຍຶດໝັ້ນຕັດສິນໃຈປະຕິບັດເນື້ອໃນຂອງບົດບັນທຶກຊ່ວຍຈຳເພື່ອສ້າງສາຍພົວພັນຮ່ວມມືຂອງສອງພະແນກໃຫ້ເຂົ້າສູ່ລວງເລິກເຖິງຖອງ, ມີປະສິດທິຜົນ ແລະປາກົດຜົນເປັນຈິງ.

__________

ຂຽນໂດຍ: ໄອແກ້ວ   
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์