ທ່າແຕງຫວນຄືນສາກົນຍຸດຕິການໃນຄວາມຮຸນແຮງຕໍ່ແມ່ຍີງ ແລະ ເດັກ

   ໃນວັນທີ 22 ພະຈິກ ຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະແມ່-ເດັກຍິງ (ຄກມດ) ເມືອງທ່າແຕງ ແຂວງເຊກອງ ໄດ້ຈັດກິດຈະກຳວັນສາກົນເພຶ່ອ ລຶບລ້າງຄວາມຮຸນແຮງຕໍ່ແມ່ຍິງ ແລະເດັກຍິງ (25 ພະຈິກ 2019) ໂດຍມີທ່ານ ສົມເພັດ ເອິດລັດດາ ວ່າການເຈົ້າເມືອງໆ ທ່າແຕງ, ມີຄະນະກຳມາທິການເພື່ອແມ່ ແລະ ເດັກຂັ້ນແຂວງ-ຂັ້ນເມືອງ, ພະນັກງານລັດຖະກອນ, ພ້ອມດ້ວຍນ້ອງນັກຮຽນເຂົ້າຮ່ວມຢ່າງຫຼວງຫຼາຍ.

  ທ່ານ ນາງ ມະໄລທອງ ວົງນາດ ປະທານສະຫະພັນແມ່ຍິງເມືອງທ່າແຕງໄດ້ຊີ້ໃຫ້ເຫັນວ່າ: ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງວັນທີ 25 ພະຈິກ ແມ່ນໄດ້ຖືກຍົກຂຶ້ນທໍາອິດໃນອາເມລິກາລາຕິນ ແລະ ໄດ້ແຜ່ຂະຫຍາຍໄປສູ່ປະເທດຕ່າງໆໃນທົ່ວໂລກໃຫ້ເປັນວັນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະໄດ້ຖືກປະກາດເປັນຄັ້ງທໍາອິດໃນກອງປະຊຸມນັກເຄື່ອນໄຫວສົ່ງເສີມດ້ານສິດທິແມ່ຍິງໃນຂົງເຂດອາເມລິກາລາຕິນ ແລະຄາຣິບຽນເຊິ່ງຈັດຂຶ້ນທີ່ນະຄອນໂບໂກຕາປະເທດໂຄລົມເບຍລະຫວ່າງວັນທີ 18-21 ກໍລະກົດ 1981 ເພື່ອລະນຶກເຖິງວິລະກຳຂອງສາມເອື້ອຍນ້ອງຕະກູນມີຣາບານຈາກສາທາລະນະລັດໂດມີນີ ແກນ ທີ່ຖືກລອບຂ້າຕະກຳຢ່າງໂຫດຮ້າຍ

ປ່າເຖື່ອນໃນປີ 1960 ວັນດັ່ງກ່າວໄດ້ຖືກກຳນົດເປັນວັນລະນຶກ ແລະ ໄວ້ອາໄລເຖິງສາມເອື້ອຍນ້ອງເຊິ່ງທົ່ວໂລກໄດ້ຮັບຮູ້ວ່າເປັນວັນຕ້ານຄວາມຮຸນແຮງບົນພື້ນຖານທາງເພດ; ນອກນີ້ສະພາບຄວາມຮຸນແຮງຕໍ່ແມ່ຍິງໃນ ສປປ ລາວ ໃນປີ 2003 ກຸ່ມສໍາຫຼວດຂອງກຸ່ມບົດບາດຍິງ-ຊາຍ ແລະ ການພັດທະນາໃນກຸ່ມແມ່ຍິງຕົວຢ່າງ 1 ພັນຄົນ ພົບວ່າ: 35% ໄດ້ຮັບຄວາມຮຸນແຮງທາງດ້ານຈິດໃຈ 17% ໄດ້ຮັບຄວາມຮຸນແຮງທາງດ້ານຮ່າງກາຍ 1,6% ໄດ້ຮັບຄວາມຮຸນແຮງທາງເພດຈາກຜົວຂອງເຂົາ ເຈົ້າ, 1,9% ຖືກຄວາມຮຸນແຮງໃນໄລຍະຖືພາ, 25% ຖືກທໍາຮ້າຍຮ່າງກາຍ; ໃນຈໍານວນ 57 ກໍລະນີທີ່ຖືກຄວາມຮຸນແຮງ, ມີ 14 ກໍລະນີທີ່ຖືກບາດເຈັບເຖິງຂັ້ນໄດ້ປິ່ນປົວ ແລະມີ 6 ກໍລະນີຖືກຕີຈົນສະຫຼົບ.

ສະໜັບສະໜຸນໂດຍ: HONDA

----------

 

ການຈັດກິດຈະກຳຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງຄັ້ງນີ້ກໍເພື່ອສ້າງຂະບວນການໂຄສະນາ, ເຜີຍແຜ່ປູກຈິດສໍານຶກໃຫ້ພະນັກ ງານລັດຖະກອນ, ອົງການຈັດຕັ້ງສັງຄົມຕ່າງໆ,ອຳນາດການປົກຄອງຕະຫຼອດຮອດປະຊາຊົນບັນດາເຜົ່າຮັບຮູ້ ແລະເຂົ້າໃຈກ່ຽວກັບບັນຫາຄວາມຮຸນແຮງຕໍ່ແມ່ຍິງ ແລະ ເດັກແມ່ນເປັນບັນຫາອັນໃຫຍ່ທີ່ສາກົນກຳລັງຂຸ້ນຂ້ຽວຕ້ານ ແລະ ສະກັດກັ້ນບໍ່ໃຫ້ເກີດຂຶ້ນກັບແມ່ຍິງເຊິ່ງລັດຖະບານຂອງພວກເຮົາໄດ້ຮັບຮອງໃນວັນທີ 17 ກໍລະ ກົດ 1980 ໃຫ້ສັດຕະຍາບັນ ຫຼືເຂົ້າຮ່ວມເປັນພາຄີໃນວັນທີ 14 ສິງຫາ 1981 ຕໍ່ສົນທິສັນຍາວ່າດ້ວຍການລຶບລ້າງທຸກຮູບການ.

__________

ຂຽນໂດຍ: ລັດຕະນາ ຄຳສົມພູ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์