ໄອແພັດໂປຣລຸ້ນໃໝ່ຈະມາພ້ອມກ້ອງຫຼັງຄູ່ ແລະເຊນເຊີ 3 ດີ

  ເບິ່ງຈາກເວລາການເປີດ ໂຕສິນຄ້າຫຼ້າສຸດຕອນນີ້ບໍ່ໜ້າຈະມີ ສິນຄ້າທີ່ເປີດໂຕຢ່າງເປັນທາງ ການ (ຈັດງານເປີດໂຕ) ອີກຕໍ່ໄປ.

ຫຼ້າສຸດ Bloomberg ລາຍງານວ່າ Apple ອາດເປີດໂຕ iPadPro ລຸ້ນໃໝ່ໃນຕົ້ນປີ 2020 ຈະມາພ້ອມກ້ອງຫຼັງຄູ່ພ້ອມກັບເຊນເຊີ ToF ສຳລັບຖ່າຍພາບ 3D ຊຶ່ງລາຍງານດັ່ງກ່າວຄ້າຍຄືກັບທີ່ Ming Chi-Kuo ເຄີຍບອກໄວ້ ເມື່ອເດືອນພະຈິກປີ 2008.

ນອກຈາກນີ້ຍັງມີລາຍງານ ຂອງຜູ້ຜະລິດສິ້ນສ່ວນຢືນຢັນວ່າ iPad Pro ຈະມີກ້ອງທັງໝົດ 3 ຕົວຄືໂມດູລກ້ອງຄູ່ ແລະເຊນເຊີສຳລັບຖ່າຍພາບ 3D ສ່ວນ iPhone ປີ2020 ກໍຈະມີເຊນເຊີ 3D ມາດ້ວຍເໝືອນກັນ.

ສື່ຕ່າງປະເທດເປີດເຜີຍວ່າ ການທີ່ Apple ວາງແຜນໃສ່ ເຊນເຊີ ToF ເຂົ້າມາກໍເພື່ອເນັ້ນເພີ່ມປະສົບການດ້ານ VR ແລະ AR ໃຫ້ກັບຜູ້ໃຊ້ງານຫຼາຍຂຶ້ນແຕ່ Apple ຈະເຮັດແນວໃດຕ້ອງລໍຖ້າເບິ່ງນຳກັນ.

-------------------

ພາບ ແລະຂ່າວຈາກ: ​ໜັງສືພິມເສດຸະກິດ-ສັງຄົມ

แชร์