ບຸນກິນຈຽງ ແລະປະກວດສາວມົ້ງລາວ ຈັດຂຶ້ນທ້າຍເດືອນທັນວາ

  ງານບຸນກິນຈຽງຊົນເຜົ່າມົ້ງຄັ້ງທີ 4 ທີ່ບ້ານຊຳເກດ ເມືອງສີໂຄດຕະບອງ ນະຄອນຫຼວງວຽງຈັນ ຂອງການສະເຫຼີມສະຫຼອງຜົນງານຜະລິດໃນຮອບທຸກໆປີ, ການ ເຜີຍແຜ່ຮີດຄອງປະເພນີ ແລະວັດທະນະທຳອັນດີງາມຂອງເຜົ່າດັ່ງກ່າວແມ່ນຈະຈັດຂຶ້ນແຕ່ວັນທີ 27 ທັນວາ 2019 ຫາວັນທີ 5 ມັງກອນ 2020.

ພິທີຖະແຫຼ່ງຂ່າວການກະກຽມຈັດງານບຸນກິນຈຽງຊົນເຜົ່າມົ້ງ ແລະການປະກວດນາງສາວຊົນເຜົ່າມົ້ງລາວປະຈຳປີ 2020 ຂຶ້ນທີ່ສະຖາບັນຂົງຈືໃຫ້ເຂົ້າຮ່ວມໂດຍທ່ານ ອິນປອງ ທຸມມາ ຮອງເຈົ້າເມືອງສີໂຄດຕະບອງ, ທ່ານ ນາງ ປານີ ກິນດາວົງໃນວັນທີ 24 ພະຈິກຜ່ານມາຮອງຫົວໜ້າກົມຂະບວນການຊາວໜຸ່ມສູນກາງຊາວໜຸ່ມປະ ຊາຊົນປະຕິວັດລາວມີບັນດາຄະນະປະທານຈັດງານພາກສ່ວນກ່ຽວຂ້ອງ, ນາງສາວຊົນເຜົ່າມົ້ງລາວ ແລະສື່ມວນຊົນເຂົ້າຮ່ວມ.

ສະໜັບສະໜຸນໂດຍ: HONDA

  ບຸນກິນຈຽງຊົນເຜົ່າມົ້ງແມ່ນງານສົ່ງທ້າຍປີເກົ່າຕ້ອນຮັບປີໃໝ່, ເປັນສັນຍາລັກແຫ່ງຄວາມສາມັກຄີ, ຄວາມຜູກໝັ້ນໃນວົງສາຄະນາຍາດຂອງປະຊາຊົນເຜົ່າດັ່ງກ່າວທີ່ຢູ່ຫ່າງໄກໄດ້ມາພົບປະສ້າງສັນເພື່ອເຮັດພິທີກຳລະນຶກເຖິງບັນພະບູລຸດຂອງວົງສາຄະນະຍາດຕົນຊຶ່ງເຈົ້າກົກເຈົ້າເລົ່າໄດ້ນຳພາຊາວເຜົ່າມົ້ງຈັດງານບຸນນໍເປເຈົາທີ່ຍິ່ງໃຫຍ່ຂຶ້ນມາແຕ່ດົນນານ ແລະມີຄວາມໝາຍຄວາມສຳຄັນທີ່ສ່ອງແສງເຖິງຮິດຄອງປະເພນີ, ວັດທະນະທຳອັນດີງາມຂອງຊົນເຜົ່າໃນລາວສຳລັບງານດັ່ງກ່າວແມ່ນຈະຈັດຂຶ້ນແຕ່ວັນທີ 27 ທັນວາ 2019 ຫາວັນທີ 5 ມັງກອນ 2020 ທີ່ບ້ານຊຳເກດ ເມືອງສີໂຄດຕະບອງນະຄອນຫຼວງວຽງຈັນ ໂດຍມີກິດຈະກຳຫຼາຍຢ່າງເຊັ່ນ: ກີລາງົວຊົນ ,ໂຍນໝາກຄອນ, ເປົ່າແຄນ, ການຂັບລຳ ແລະຮ້ອງເພງ, ຍິງໜ້າເກັກ, ຕີໝາກຂ່າງ, ເປົ່າຂຸ່ຍ ແລະອື່ນໆ.

  ນອກນັ້ນຍັງມີການປະກວດຄັດເລືອກນາງສາວງາມຊົນເຜົ່າມົ້ງລາວປະຈຳປີໃນນີ້ແມ່ນຄັດເລືອກໄດ້ແລ້ວນາງສາວຜ່ານເຂົ້າຮອບທີ່ຈະເຂົ້າຮ່ວມປະກວດແຂ່ງຂັນໃນຮອບຊີງຊະນະເລີດຊຶ່ງທັງໝົດມີ 30 ຄົນ, ສ່ວນລາງວັນຂອງການປະກວດໃນປີນີ້ແມ່ນມີຫຼາຍລາງວັນລວມມູນຄ່າຫຼາຍກວ່າ 100 ລ້ານກີບ.

-----------

ໜັງສືພິມເສດຸະກິດ-ສັງຄົມ

แชร์