ມາສດ້າ ຄອງແຊັມ ຢູ-35 ບານເຕະ ຊ້າງລີກຄັບ 2019

  ທີມ ມາສດ້າ ຈີບີ ເອັບຊີ ລົງສະໜາມ 9 ນັດ ຊະນະ 8 ນັດ ແລະສະເໝີ 1 ນັດ ລວມມີ 25 ຄະແນນ ເປັນອັນດັບທີ 1 ຄວ້າ ແຊັມການແຂ່ງຂັນກີລາບານເຕະ 9 ຄົນຮຸ່ນອາຍຸບໍ່ເກີນ 35 ປີ ຊີງຂັນສະໜາມເຕະບານຫຍ້າທຽມຊ້າງ ເອັບຊີ ຫຼື ລາຍການຊ້າງລີກຄັບ 2019 ເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງສະໜາມຫຍ້າທຽມຊ້າງເອັບຊີຄົບຮອບ7 ປີ ແລະຂໍ່ານັບຮັບຕ້ອນວັນຊາດທີ 2 ທັນວາຄົບຮອບ 44 ປີ (2 ທັນວາ1975ຫາ2ທັນວາ2019).

  ການແຂ່ງຂັນບານເຕະ 9 ຄົນ ຮຸ່ນຊາວໜຸ່ມທົ່ວໄປລາຍການຊ້າງລີກຄັບ 2019 ນັດສຸດທ້າຍຈັດ ຂຶ້ນເມື່ອວັນທີ 23 ພະຈິກ ຜ່ານ ມາ ທີ່ສະໜາມບານເຕະຫຍ້າທຽມ ຊ້າງ ເອັບຊີ 3 ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມ ແລະມອບລາງວັນຂອງທ່ານ ພັນເອກ ທອງເພັດ ມະນີສະຫວັນ ຫົວ ໜ້າກົມກີລາກະຊວງປ້ອງກັນຄວາມສະຫງົບ, ທ່ານ ສຸລິກັນ ຫຼວງບຸນເຮືອງ ເຈົ້າຂອງສະໜາມບານເຕະຫຍ້າທຽມຊ້າງເອັບຊີ ແລະ ທ່ານ ຄຳພາມິດ ໄຊຍະສົມບັດ ຕາງໜ້າບໍລີສັດວຽງຈັນ ເອັດວີ ຕົວແທນຜະລິດຕະພັນເບຍຊ້າງ ຈາກປະ ເທດໄທ ພ້ອມດ້ວຍບັນດາຄະນະ ນຳ, ຄູຝຶກ ແລະນັກກີລາຕະຫຼອດຮອດກອງເຊຍເຂົ້າຮ່ວມຊົມ ແລະເຊຍຢ່າງຫຼວງຫຼາຍ.

ສະໜັບສະໜຸນໂດຍ: HONDA

  ການແຂ່ງຂັນນັດສົ່ງທ້າຍມີທັງໝົດ 5 ຄູ່ ຜົນປະກົດວ່າທີມມາສດ້າສະເໝີຄອບຄົວຢູໂຣບ 3-3 ປະຕູ, ອົກສາມສອກເສຍໃຫ້ຮ້ານແກ້ວສົມໃຈ 2-3 ປະຕູ, ສ່ຽວກັນຊະນະຮາດຣ໋ອກ 9-5 ປະຕູ, ໜຶ່ງໃນດວງໃຈ ຊະນະນ້ອງໃໝ່ 3-2 ປະຕູແລະໝູ່ສະນິດຊະນະໄອດີ 3-0 ປະຕູ ສະຫຼຸບຜົນຈາກ 9 ນັດອັນດັບ ທີ 1 ແມ່ນຕົກເປັນຂອງທີມ ມາສ ດ້າ ລົງສະໜາມ 9 ນັດ ຊະນະ 8  ນັດ ແລະສະເໝີ 1 ນັດມີ 25 ຄະແນນໄດ້ແຊັມລາຍການດັ່ງກ່າວໄປຄອງເປັນຄັ້ງທຳອິດພ້ອມເງິນລາວັນ 5 ລ້ານກີບ ໄປຄອງ, ທີ 2 ທີມໜຶ່ງໃນດວງໃຈລົງສະໜາມ 9 ນັດຊະນະ 7 ນັດ ເສຍ 2 ນັດ ມີ 21 ຄະແນນໄດ້ຮັບເງິນສົດ 3 ລ້ານ ກີບ, ທີ 3 ສ່ຽວກັນລົງສະໜາມ 9 ນັດຊະນະ 6 ນັດ, ເສຍ 1 ນັດ ແລະສະເໝີ 2 ນັດລວມມີ 20 ຄະແນນ ໄດ້ຮັບລາງວັນເງິນສົດ 1,5 ລ້ານກີບ ແລະທີ 4 ນ້ອງໃໝ່ ລົງສະໜາມ 9 ນັດຊະນະ 5 ນັດ, ເສຍ 3 ນັດ ແລະສະເໝີ 1 ນັດລວມມີ 16 ຄະແນນໄດ້ຮັບລາງວັນເງິນສົດ 1 ລ້ານກີບ.

ການແຂ່ງຂັນລາຍການດັ່ງກ່າວກໍເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງສະໜາມຫຍ້າທຽມຊ້າງເອັບຊີຄົບຮອບ 7 ປີ ແລະຂໍ່່ານັບຮັບຕ້ອນວັນຊາດທີ 2 ທັນ ວາຄົບຮອບ 44 ປີ (2 ທັນວາ 1975 ຫາ 2 ທັນວາ 2019) ຊຶ່ງມີທີມເຂົ້າຮ່ວມ 10 ທີມຈັດເປັນກຸ່ມດຽວນຳໃຊ້ລະບົບລີກແຂ່ງຂັນສະເພາະແຕ່ຮອບຂາໄປລວມທັງ ໝົດ 9 ນັດຈາກ 10 ທີມ ທີມໜຶ່ງລົງສະໜາມທີມລະ 9 ນັດ.

  ນອກຈາກການແຂ່ງຂັນຮຸ່ນອາຍຸ 35 ປີ ແລ້ວກໍຍັງມີການແຂ່ງຂັນບານເຕະຮຸ່ນອາວຸໂສ 40 ປີຂຶ້ນໄປຊຶ່ງຮຸ່ນດັ່ງກ່າວມີ 10 ທີມເຂົ້າຮ່ວມເຊັ່ນກັນແຂ່ງຂັນພົບກັນໝົດແບບລີກມີແຕ່ຮອບຂາໄປຄາດວ່າຈະສຳເລັດລົງໃນວັນທີ 12 ທັນວານີ້.

----------------

 ​ໜັງສືພິມເສດຸະກິດ-ສັງຄົມ

  • ລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์